Kurdî  ■  كوردی  ■  عربي
SAT, 23 MAR 2019 14:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەرلەمانێكی نوێ
| KDP.info


ئاریان فەرەج

لەمڕۆوە خولی پێنجەمی پەرلەمانی كوردستان بەپێی مەرسومی هەرێمیی ئەنجوومەنی داوەریی كوردستان كە ئەو دەسەڵاتەی سەرۆكایەتیی هەرێمی پێسپێردراوە، دەستپێدەكات. پەرلەمانتاران سوێندی یاسایی دەخۆن و یەكەمین ئەركیشیان راسپاردنی لیستی براوەی یەكەمی هەڵبژاردنە بە پێكهێنانی حكومەتی نوێ.
خولی رابردووی پەرلەمان لە خولە پڕكێشە و بێشە و گرفتەكان بوو، ناكۆكییە سیاسییەكانی نێوان حزبەكان و گرژییەكانی كایەی سیاسیی زۆر بە خەستی لە نێو پەرلەماندا رەنگیدایەوە و جوهد و كاتی زۆری پەرلەمانی بەهەدەر برد. ئەو دەمەی هەوڵ درا پەرلەمان لە دامەزراوەی یاساسازی و چاودێری ئەدائی دەسەڵاتی جێبەجێكردنەوە بكرێتە مەیدانی قۆڵبادان و تەسفییەی حساباتی ئەحزاب، بكرێتە شوێنی فەرزی ئەجیندای سیاسیی لایەنگەلێك بەسەر ئەوانی دیكەدا و بكرێتە كەرەستەی ئاوتكردن و پەراوێزخستنی لایەنگەلێك بە ناوی زۆرینە و گەلەكۆمەكییەوە، بۆ ماوەیەك پەرلەمان لەكاركەوت و ئەركەكانی پەككەوتن، بەو هۆیەشەوە سەرباری ئەو كارانەی كران و ئەو یاسایانەی دەرچوێندران، بەڵام كارگەلێكی زۆریش بە نیوەچڵی مانەوە و بەجێمان.
بۆ ئەم خولە هەم تەرازووی هێز و كورسیی لایەنەكان گۆڕانكاری بەسەردا هاتووە و هەم هاوكێشە سیاسییەكانیش گۆڕاون و پێشبینییەكانیش لەگەڵ ئەوەن كە مەزاج و مەیلی توندئاژۆ و فەوزەویانەی خولی رابردوو لەم خولەدا كەم بێتەوە. هەڵبەت تەجروبەی تاڵی رابردووش دەبێ دەرسی لێوەرگیرابێ و چتر پەرلەمان بە لارێدا نەبرێ و لە ئەركی خۆی دوورنەخرێتەوە و بۆ مەرامی دیكە بەكار نەیەت.
دەنگدەرانی كوردستان لە پەرلەمانی نوێ دەخوازن، بە ئەركە سەرەكی و راستەقینە و سوودبەخشەكەی خۆیەوە سەرقاڵ بێت، یاسا پێویست و دواخراو و دانەڕێژراوەكان داڕێژێ، هەموو كایەكانی وڵات بە یاسای نوێ یان هەمواركراو و گونجاو لەگەڵ پێشهات و گۆڕانكارییەكان رێك بخات. چاودێرێكی جددی و كاریگەر بێت بەسەر ئەدائی حكومەت و دامەزراوەكانیەوە و پەرۆشی جێبەجێكردنی یاساكان بێت، فراكسیۆنەكانی موالی و موعارەزە هەر كەس كاری خۆی بزانێ و لەچوارچێوەی یاسادا و بە میكانیزمێكی شایستە و سەردەمیانە و گونجاو لەگەڵ پێگە و هەیبەتی پەرلەمان مومارەسەی بكەن.
خەڵك لە پەرلەمانتاران دەخوازن زۆرترین كار و كەمترین دەركەوتن، باشترین رۆڵ و كەمترین خۆدەرخستن، ئەدائی ئارام و سەنگین دوور لە شۆ و موزایەدە و هەڵاو زەنای سەرشاشەكان، بەرزراگرتنی بەرژەوەندی ووڵات و پەرۆشی بۆ جێبەجێبوونی بەرنامەو بەڵێنەكانی سەروەختی بانگەشەی هەڵبژاردن بكەنە ئەجیندا و پێودانگی كاركردنیان. فەوزەویەت و پۆپۆلیزم و نەهجی لەوجۆرە جارێكی دیكە نەبێتەوە رێگر و دەستوپێگیری پەرلەمان و لە ئەركە راستەقینەكانی دوابخات.
پەرلەمانی بەهات و هاوار و فەوزا هەمیشە نیشانەی پێگەیشتوویی دیموكراتی نییە، وەك چۆن پەرلەمانێكی ئارام و كەمتر بەكێشە وبێشە نیشانەی نازیندوویی و ناكارایی پەرلەمان و پەرلەمانتاران نییە.




دوایین هەواڵەکان

خۆشناو: پرۆژەیاسای سەرۆکایەتی هەرێمی کوردستانمان داوەتە سەرۆکایەتی پەرلەمان

SATURDAY, 23 MARCH 2019 13:03:33
هەولێر-KDP.info- پارتی پرۆژەیاسایەکی بۆ هەمواری یاسای سەرۆکایەتی هەرێمی کوردستان داوەتە سەرۆکایەتی پەرلەمان. سەرۆكی فراكسیۆنی پارتی لە پەرلەمانی كوردستان رایگەیاند، هەموو هەوڵێك دەدەن بەبێ‌ یەكێتی یاسای سەرۆكایەتی هەرێم هەموار نەكەنەوە. لەهەمانکاتدا گوتیشی، ئەگەر هەر نەهاتن، هەمواری یاساكە راناگرن.
 
شەقامی ١٢٠ مەتری دەکرێتەوە و دەست بە شەقامی ١٥٠ مەتری دەکرێت

SATURDAY, 23 MARCH 2019 12:03:31
هەولێر-KDP.info- شارەوانی ھەولێر لەبارەی دواکەوتنی کردنەوەی شەقامی ١٢٠ مەتری شاری ھەولێر ده‌ڵێ، لە ئایندەیەکی نزیکدا شەقامەکە دەکرێتەوە و گوتەبێژی شارەوانیش دەڵێ، رەوشی دارایی باشبێت دەست بە شەقامی ١٥٠ مەتری دەکەین.
 
مەكتەبی سیاسی پارتی، سەرەخۆشیی لە خانه‌واده‌ی حەمید ئاغای كاكە زیادی کۆیە دەکات

SATURDAY, 23 MARCH 2019 12:03:00
پرسەنامەی مەكتەبی سیاسی پارتی دیموكراتی كوردستان
بۆ كۆچی دوایی كەسایەتی نیشتیمانپەروەر(حەمید ئاغای كاكە زیادی کۆیە)
 
بەڕێزان خانەوادەی كەسایەتی نیشتیمانپەروەر (حەمید ئاغای كاكە زیادی کۆیە) 
گەورەترین پێشانگای کتێب لەھەولێر دەکرێتەوە

SATURDAY, 23 MARCH 2019 12:03:23
هەولێر-KDP.info-  بڕیارە لە مانگی نیسانی دابێ چواردەمین پێشانگای نێودەوڵەتی بۆ کتێب لە شاری ھەولێر بکرێتەوە و ھەزاران ناونیشان لەبوارە جیاوازەکان نمایش بکرێن و چەندین وڵاتیش بەشداری دەکەن.
 
پەیامی پیرۆزبایی دەزگای رۆشنبیریی و راگەیاندنی پارتی بۆ رادیۆی زاگرۆس

SATURDAY, 23 MARCH 2019 10:03:53
هەولێر-KDP.info- دەزگای رۆشنبیریی و راگەیاندنی پارتی دیموكراتی كوردستان، بەبۆنەی (13)هەمین ساڵیادی دامەزراندنی (رادیۆی زاگرۆس) په‌یامێكی پیرۆزبایی ئاراسته‌ی بەڕێوەبەر و  ستافی بەڕێوەبردن و تێكڕای كارمەندانی رادیۆی زاگرۆس كرد.
 


 
© 2018 Kurdistan Democratic Party, KDP