Kurdî  ■  كوردی  ■  عربي
TUE, 20 NOV 2018 19:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

رێڤینگ محەممەد بۆ KDP: سەرۆكایەتیی یەكەم دانیشتنی خولی نوێی په‌رله‌مان ده‌كه‌م
| KDP.info


 

ھەولێر-KDP.info- كەمێك لەمەوبەر، ئەنجوومەنی دادوەریی ھەرێمی كوردستان، رۆژی سێشەممە ٦-١١-٢٠١٨ی وەك وادەی یەكەم كۆبوونەوەی خولی پێنجەمی پەرلەمانی كوردستان دیاری كرد و، ھەروەھا بانگهێشتی بەربژێرە دەرچووەكانی پەرلەمانی بۆ یەكەم كۆبوونەوە كرد.

بەپێی مەرسوومێكی ئەنجوومەنی دادوەریی ھەرێمی كوردستان، كە واژۆی سەرۆكی ئەنجوومەنی دادوەری لەسەرە، داوا دەكات كە رۆژی ٦ی ئەم مانگە كە دەكاتە سێشەممە، پەرلەمانی نوێ كۆ ببێتەوە.

ھەر لە مەرسوومەكەدا، كە كۆپییەكی دەست ماڵپەڕی فەرمیی پارتی دیموكراتی كوردستان كەوتووە، ھاتووە: "بانگھێشتی كاندیدە دەرچووەكانی خولی پێنجەمی پەرلەمانی كوردستان دەكەین بۆ ئەنجامدانی یەكەم كۆبوونەوەی پەرلەمان لە رۆژی ٦ی ئەم مانگەدا لە سەعات ١٢ی نیوەڕۆ".

پێوەست بە یەكەم كۆبوونەوەی پەرلەمانی كوردستان، كە بەتەمەنترین پەرلەمانتار سەرۆكایەتی دەكات، رێڤینگ محەممەد، بەتەمەنترین پەرلەمانتاری خولی نوێی پەرلەمانی كوردستانە و لە فڕاكسیۆنی پارتی دیموكراتی كوردستانە، بە گوێرەی پەیڕەوی ناوخۆی پەرلەمانی كوردستان، دوای سوێندخواردنی یاسایی، ناوبراو سەرۆكایەتیی یەكەم دانیشتن دەكات.

رێڤینگ محەممەد، لە ساڵی ١٩٥١ لە شارۆچكەی ئامێدیی سەر بە پارێزگای دھۆك لە دایك بووە، بڕوانامەی بەكالۆریۆسی لە ئاداب ھەیە، ئەو بە ماڵپەڕی فەرمیی پارتی دیموكراتی كوردستانی ڕاگەیاند، ‌بە گوێرەی پەیڕەوی ناوخۆی پەرلەمانی كوردستان، بەڕێوەبەری گشتیی دیوانی سەرۆكایەتیی پەرلەمان بەخێرھاتنی گشت ئەندام پەرلەمانەكان دەكات و ئایەتێكی قورئان دەخوێندرێتەوە، دواتر خولەكێك رێزگرتن لە خوێنی شەھیدان دێتە ئەنجامدان، بە گوێرەی پەیڕەوی ناوخۆیش، بەتەمەنترین پەرلەمانتار سەرۆكایەتیی یەكەم دانیشتن دەكات، دوابەدوای ئەمە ھەڤاڵانی نوێ سوێندی یاسایی دەخۆن، هەروەها ئەگەر ھیچ لایەنێكی سیاسی پێك نەھاتبوون لە دانانی دەستەی سەرۆكایەتیی پەرلەمان، كۆبوونەوەی یەكەم بە كراوەیی دەمێنێتەوە و، لە كۆبوونەوەی دووەمدا سەرۆكی پەرلەمان و ھەردوو جێگری یەكەم و دووەم  دیاری دەكرێن، بەڵام تاوەكو ئێستا لایەنەكان رێك نەكەوتوون لەسەر دانانی دەستەی سەرۆكایەتیی پەرلەمان.

گوتیشی، ھیچ پڕۆژە و یاسایەك لە یەكەم كۆبوونەوەدا جێبەجێ ناكرێت.

دوای راگەیاندنی ئەنجامە فەرمییەكانی ھەڵبژاردنی پەرلەمانی كوردستان، پارتی دیموكراتی كوردستان بە بردنەوەی ٤٥ كورسیی پەرلەمانی، سەركەوتنێكی گەورەی بەدەست ھێناوە و گەورەترین كوتلەی پەرلەمانیی بۆ پێكھێنانی حكوومەتی داھاتووی ھەرێمی كوردستانی مسۆگەر كردووە.

 

هەڵكەوت محەممەد




دوایین هەواڵەکان

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.

بروسكەی سەرەخۆشیی سەرۆك بارزانی بۆ دكتۆر ڕۆژ نوری شاوەیس

MONDAY, 19 NOVEMBER 2018 22:11:35

برای بەڕێزم كاك د. ڕۆژ نووری شاوەیس

بە داخێكی زۆرەوە هەواڵی كۆچی دوایی مامی بەڕێزتان خوالێخۆشبوو كاك جەوهەر شاوەیسم بیست. بەم بۆنە خەمناكەوە سەرەخۆشی لە ئێوە و خانەوادە شۆڕشگێر و تێكۆشەرەكەتان و تەواوی دۆست و كەسوكار و ئاشنایانتان دەكەم و خۆم بە هاوبەشی خەمتان دەزانم و خۆتان خۆش بن.



 
© 2018 Kurdistan Democratic Party, KDP