Kurdî  ■  كوردی  ■  عربي
TUE, 20 NOV 2018 19:36 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕاوێژكاری كۆمارییەكانی ئەمەریكا: هێزە عێراقییەكان و حەشد، داعش دژی كورد بەكار دەهێنن
| KDP.info


 

هەولێر-KDP.info- ڕاوێژكارێكی پارتی كۆماریی ئەمەریكا، چەند نهێنییەك ئاشكرا دەكات و دەڵێت، حەشدی شەعبی بە ھاوكاریی سوپای عێراق، سەرقاڵی دامەزراندنی داعشە كۆنەكانن لە ناوچە كوردییەكاندا.

زەردەشت بابان، لە لێدوانێكیدا بۆ ماڵپەڕی فەرمیی پارتی دیموكراتی كوردستان، گوتی: "حەشدی شەعبی، بە ھاوكاریی سوپای عێراق خەریكی دامەزراندنی داعشە كۆنەكانن لە ناوچە كوردییەكاندا بۆ بەشداریكردنیان لەگەڵ ڕێكخراوی بەدر بە ٣٠ داعش لە ناوچەی جەلەولا و ڕێكخڕاوی ئەسحاب ئەلحەق بە ٤٠ داعش لە ناوچەی ئاڵۆزی نێوان كورد و حكوومەتی عێراقیدا".

بە گوتەی بابان، بۆ ئەم كارەیش تاوانبارێكی داعش بە ناوی موتەشەر ئەلتوركی، كە بەرپرسیار بوو لە شەڕی جەلەولا لە ٢٠١٤ لەگەڵ پێشمەرگەدا، هەروەها تاوانبارێكی تری داعش بە ناوی زەید مەولان، ئەم كارەیان پێ سپێردراوە لە دژی كوردەكان.

ئەم ڕاوێژكارەی پارتی كۆماریی ئەمەریكا، گوتیشی: "داعشە كۆنەكان و حەشدی شەعبی و سوپای عێراقی، پێكەوە ھاوكاری دەكەن دژی كورد لە ناوچە كوردییەكاندا و نیازی زۆر خراپیان ھەیە، بۆیە دەبێت كورد و سەركردایەتیی كوردستان و وەزارەتی پێشمەرگە ئاگاداری ئەم پیلانە بن، چونكە ئەمانە ‌هەڕەشەن".

 

كـــاروان بـــاعەدری




دوایین هەواڵەکان

باڵیۆزی فەرەنسا پیرۆزبایی لە فوئاد حوسێن کرد

TUESDAY, 20 NOVEMBER 2018 19:11:27

بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.



 
© 2018 Kurdistan Democratic Party, KDP