Kurdî  ■  كوردی  ■  عربي
FRI, 26 APR 2024 01:56 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

دامەزراوەی دەرمانی نیشتمانی لە ھەرێمی كوردستان دروست دەكرێت
| KDP.info


 
هەولێر-KDP.info- لە كۆنگرەیەكی رۆژنامەوانیدا رێكەوت حەمە رەشید، وەزیری تەندروستی ھەرێمی كوردستان رایگەیاند، حكوومەتی ھەرێمی كوردستان چەند بڕیارێكی لەبارەی بازرگانی كردن بە دەرمان دەركردووە و دامەزراوەی دەرمانی نیشتمانی لە ھەرێمی كوردستان دروست دەكرێت.
 
وەزیری تەندروستی ئاشكرای كرد: "لیژنەیەك بە سەرپەرشتی سەرۆكی ئەنجوومەنی وەزیران بۆ ئەو مەبەستە پێكھێندراوە و گەیشتینە كۆمەڵێك بڕیار كە دڵخۆشكەرن بۆ كەرتی تەندروستی، ئێستا خەریكی دامەزراوەی دەرمانین لە ھەرێمی كوردستان، لەلایەن سەرۆكی ئەنجوومەنی وەزیران و جێگرەكەی كارەكانی تەواوكراون، بۆ ئەوەی دامەزراوەیەكی دەرمانی نیشتمانی دروست بكەین و لە 51%ی ئەو دامەزراوەیە ھی حكوومەتی ھەرێمی كوردستان دەبێت و لە 49% ھی كەرتی تایبەت دەبێت، ئەو دامەزراوەیە بەرپرسیار دەبێت لە كڕین و دابەشكردنی دەرمان لە ھەرێمی كوردستان".
 
رێكەوت حەمە رەشید گوتیشی: "سزاكانی سەر ئەو كەسانە زیاد دەكەین كە دەرمانی بەسەرچوو دەھێننە ھەرێمی كوردستان، بۆ ئەوەی ئەو خەڵكانەی كە ناترسن لە ھێنانی دەرمانی ساختە پابەندبن بە یاسا".
 
ئەوەشی خستەڕوو: "سەرۆكایەتی ئەنجوومەنی وەزیران پاڵپشتی وەزارەتی تەندروستی دەكات لە جێبەجێكردنی ئەو بڕیارانە".
 
ھەر لەو كۆنگرە رۆژنامەوانیەدا سەفین دزەیی، وتەبێژی ئەنجوومەنی وەزیرانی ھەرێمی كوردستان گوتی: "رێكارەكانی سزادانی ئەو كەسانە دیاركراوە كە دەرمانی خراپ و ساختە و قاچاخ دەھێننە ھەرێمی كوردستان".
 
ئەوەشی خستەڕوو: "وەك ئەنجوومەنی وەزیران پاڵپشتی ئەو ھەنگاوە دەكەین و داواش لە ھەموو دامەزراوەكانی ھەرێمی كوردستان دەكەین ھاوكاربن، بۆ ئەوەی ئەو بڕیارانە وەك خۆی جێبەجێ بكرێن".
 
ئامانج رەحیم، سكرتێری ئەنجوومەنی وەزیرانی ھەرێمی كوردستان لەو كۆنگرە رۆژنامەوانیەدا ئاشكرای كرد: "پێنج بڕیار بۆ رێگەگرتن لە دەرمانی ساختە و خراپ دەراوە و بێ ئەوەی پێشتر لیژنەی بۆ دروست بكرێت".
 
راشیگەیاند: "هەندێك کەس كەرتی تەندروستیان بە مەبەستی بازرگانی بەکارهێناوە و لەسەر حسابی هاووڵاتییانی هەرێمی کوردستان بزنس دەکەن".



دوایین هەواڵەکان

چلەی ماتەمینی تێکۆشەر و خەباتگێڕ دکتۆر جەرجیس حەسەن بەڕێوەچوو

FRIDAY, 26 APRIL 2024 01:04:37

ھەولێر-KDP.info- ڕۆژی پێنچشەممە لە شاری هەولێر بە ئامادەبوونی نوێنەری سەرۆک بارزانی چلەی ماتەمینی تێکۆشەر و خەباتگێڕ (دکتۆر جەرجیس حەسەن) بەڕێوەچوو.

 

فازڵ میرانی: پارتی به‌ سه‌رۆكایه‌تیی سه‌رۆك بارزانی دوو ئه‌ركی له‌ ئه‌ستۆدایه‌

THURSDAY, 25 APRIL 2024 21:04:43

ھەولێر-KDP.info- به‌رپرسی ده‌سته‌ی كارگێڕیی مه‌كته‌بی سیاسیی پارتی ئاماژه‌ به‌وه‌ ده‌كات، پارتی به‌ سه‌رۆكایه‌تیی سه‌رۆك بارزانی له‌م هه‌لومه‌رجەدا دوو ئه‌ركی له‌ ئه‌ستۆدایه‌، ده‌شڵێت، ده‌بێت ئه‌مڕۆ بپارێزن بۆ ئه‌وه‌ی سه‌رفرازییه‌كانی دوێنێ به‌رده‌وام بن.

 
شێروان دوبەردانی" ھەندێ لایەن لە نەینەوا دەیانەوێ زێدەڕۆیی بکەنە سەر مافەکانی کورد و پارتی"

THURSDAY, 25 APRIL 2024 20:04:44

نەینەوا -KDP.info- پەرلەمانتارێکی پارتی دەڵێت، ھەندێ لایەن لە نەینەوا دەیانەوێ  دەستوەردان لە پۆستە کارگێڕییەکانی نەیەنەوا بکەن و گۆڕانکاری لەو پۆستانە بکەن کە پشکی پارتی و کوردن..دەشڵێت، ئێمە بەرەنگاریان دەبینەوە.

 
مەکتەبی سیاسی پرسەنامەیەک ئاراستەی خانەوادەی (سەید مەحموود تاوەگۆزی) دەکات

THURSDAY, 25 APRIL 2024 19:04:31

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (سەید مەحموود سەید حسێن تاوەگۆزی) دەکات.

 
بەڕێوەبەری کوشتارگەی هەولێر"بڕیاری سەرۆکی حکوومەت کاریگەری لەسەر نرخی گۆشت دەبێت

THURSDAY, 25 APRIL 2024 17:04:26

ھەولێر-KDP.info-  بەڕێوەبەری کوشتارگەی هەولێر دەڵێت، نرخی گۆشت لە بازاڕەکانی هەرێم دادەبەزێت..دەشڵێت، بڕیاری سەرۆکی حکوومەت کاریگەری لەسەر نرخی گۆشت دەبێت.

 


 
© 2023 Kurdistan Democratic Party, KDP

Contact