Kurdî  ■  كوردی  ■  عربي
THU, 17 JAN 2019 10:41 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کرمانج عوسمان: دەبێ تاوانی ١٦ی ئۆکتۆبەر بەنێودەوڵەتی بکرێت
| KDP.info


ھەولێر-KDP.info- شارەزایەکی نێودەوڵەتی دەڵێ، حکوومەتی عێراق خۆی تاوانباری ڕووداوەکانی ١٦ی ئۆکتۆبەرە و بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە.

لە ١٦ی ئۆکتۆبەری ساڵی ڕابردوو، حکوومەتی عێراق بە پاڵپشتی و ھەماھەنگیی ھێزەکانی وڵاتانی دراوسێ و بە چاوساغیی گرووپێک لە ناو حزبێکی کورددا ھێرشێکی فراوانی کردە سەر ناوچەکانی دەرەوەی ئیدارەی ھەرێم بە بیانووی ڕەتکردنەوەی ڕیفراندۆم و ھەوڵی سڕینەوەی حکوومەتی ھەرێمی کوردستانیان دا. لە کاتیکدا ھێزەکانی عێراق لەگەڵ ھاتنی داعش لەم ناوچانە ڕایان کردبوو.

پێوەست بەم ڕووداوە، کرمانج عوسمان, شارەزای نێودەوڵەتیی جینۆساید بە ماڵپەڕی فەرمیی پارتی دیموکراتی کوردستانی ڕاگەیاند: "پێشێلکارییەکانی ڕووداوەکانی ١٦ی ئۆکتۆبەر کە بەرانبەر بە گەلی کورد و کەرکووکییەکان کراوە. لەسەر ئاستی ناوخۆی عێراق پێشێلکردنی دەستوورە. چونکە سوپا و پۆلیسی فیدراڵی عێراقی بێلایەن نەبوون. ئەرکی ئەم ھێزانەیە بێلایەن بن و ھەموو عێراقییەک بە یەکچاو سەیر بکەن و بیانپارێزن، بەڵام وا نەبوون و بۆ بەرژەوەندیی ﻻیەنێک شەڕیان کرد دژ بە گەلی کورد بە فەرمانی عەبادی، کە ئەوکات سەرۆکوەزیرانی عێراق بوو."

ئەو شارەزایەی جینۆساید گوتیشی: "لەسەر ئاستی نێودەوڵەتیش لە سێ خاڵدا ھێرشەکانی ١٦ی ئۆکتۆبەر پۆلێن دەکرێن، کە سەرجەمیان بە بەڵگە و دیکۆمێنت پاڵپشتی کراون:

یەکەم : تاوانی جەنگە، چونکە ھێرش کراوەتە سەر خەڵکی سڤیل و ژن و منداڵ و بێتاوان بەئامانج گیراون و کوژراون.

دووەم: پێشێلکردنی مافەکانی مرۆڤە، چونکە لەسەر ئازادی و بیروڕا و نەتەوە ھێرش کراوەتە سەر خەڵکی بە گشتی. زۆرترین بەندی مافەکانی مرۆڤ پێشێل کراوە.

سێیەم: تاوانی جینۆسایدە، چونکە خەڵک جینۆساید کراوە و بەڵگەی زۆرمان ھەن."

کرمانج عوسمان ڕوونیشی کردەوە: "حکوومەتی عێراق خۆی تاوانباری ئەم ڕووداوەیە، ئاخر بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە. بۆ ئەم کارەش پێویستە سەرەتا جەخت لەوە بکرێتەوە کە نەتەوەیەکگرتووەکان پشکنەری تایبەت و بێلایەن ڕەوانە بکات و بابەتەکە بەدیکۆمێنت بکات، تا لیژنەیەکی لێکۆڵینەوەی نێودەوڵەتی بۆ پێک بھێندرێت. پاشان لۆبیی لەسەر بکرێت. بۆ ئەوەی کەیسەکە ببرێتە دادگای تاوانی نێودەوڵەتی و نەتەوەیەکگرتووەکان و ئەنجومەنی ئاسایش."

ئاماژەیشی دا: "ئەگەر ئەم تاوانە لەسەر ئاستی نێودەوڵەتی بە جینۆساید بناسێندرێت ئەوا:

١. خەڵکی زیانباری ڕووداوەکانی ١٦ی ئۆکتۆبەر قەرەبوو دەکرێنەوە.

٢. ئاوارەکانی ئەو ڕووداوە دەگەڕێندرینەوە جێگاکانی خۆیان.

٣. ئەو تاوانە بە جینۆساید دەناسێندرێت.

٤. حکوومەتی عێراق بە فەرمی تاوانبار دەکرێ لەسەر ئەم کەیسە.

٥. لە مێژوودا جێگیر دەبێت کە حکوومەتی عێراق تاوانێکی ئاوای بەرانبەر بە گەلی کورد کردووە.

٦. قەدەخەی دووبارەکردنەوەی ئەم تاوانە دەکرێت.

٧. مۆزەخانەی تایبەت بەو تاوانە دادەندرێت .

٨. لەسەر ئاستی جیھان دەناسێندرێت کە ئەمە حکوومەتێکە جینۆسایدی گەلی خۆی کردووە."

سەرباز واحد

 




دوایین هەواڵەکان

بە سەرۆکایەتی د.فوئاد حوسێن چەند بڕیارێک دەربارەی هەولێر و بەغدا دران

WEDNESDAY, 16 JANUARY 2019 19:01:12

بەغدا-KDP.info-  ئەمڕۆ بە سەرۆکایەتیی د. فوئاد حوسێن، جێگری سەرۆکوەزیران-وەزیری داراییی حکوومەتی عێراقی فیدراڵ، چەند بڕیارێک دەرکران کە پێوەندییان بە هەولێر و بەغداوە هەبوو.

 
رێبوار هادی: بە ماددەیەكی یاسایی، بەغدا ناچار بە ناردنی مافە داراییەكانی هەرێم دەكرێ

WEDNESDAY, 16 JANUARY 2019 18:01:32

بەغدا-KDP.info- ئەندامێكی لیژنەی یاساییی ئەنجومەنی نوێنەران دەڵێ، لە هەوڵی زیادكردنی ماددەیەكدان لە نێو پرۆژەیاسای بودجەی 2019ی عێراقدا، کە لەو ماددەیەدا حكوومەتی عێراق پابەند دەكەن بەوەی كە یاری بە مووچە و مافە داراییەكانی هاووڵاتیانی هەرێم نەكات.

 
دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 


 
© 2018 Kurdistan Democratic Party, KDP