Kurdî  ■  كوردی  ■  عربي
SAT, 23 MAR 2019 14:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دەیان بەڵگەنامە لەسەر تاوانەکانی ١٦ی ئۆکتۆبەر ڕادەستی دادگا نێوخۆیی و نێودەوڵەتییەکان دەکرێن
| KDP.info


  هەولێر -KDP.info- بە ھۆی ھێرشی داگیرکاریی ساڵی ڕابردووی عێراق ھێزەکانی عێراق بە پۆلیس و دژەتیرۆر و میلیشیاکانی حەشدی شەعبییەوە کەوتنە ئەنجامدانی چەندین تاوانی قێزەونی دژەمرۆڤایەتی لە دژی پێکھاتەکانی ئەو ناوچانە و پارێزەرێکیش دەڵێ، چەندین بەڵگە و دیکۆمێنت ئامادەیە و ڕادەستی دادگا نێوخۆیی و نێودەوڵەتییەکانی دەکەین.

 

ڕووداوەکانی خیانەتی ١٦ی ئۆکتۆبەر بووە ھۆی ئاوارەبوونی دەیان ھەزار ھاووڵاتی و کوشتن و ڕفاندنی دەیانی دیکە، بە جورێک تاوانی دژەمرۆڤایەتی بەرامبەر بە ژن و منداڵ کراوە کە بە ھەموو شێوەیەک قەدەغەیە. پارێزەر ئەیاد کاکەیی، پارێزەری دۆسیەی تاوانەکانی  خیانەتی ١٦ی ئۆکتۆبەر بە ماڵپەڕی فەرمیی پارتی دیموکراتی کوردستانی ڕاگەیاند: "لە پڕۆسەی داگیرکاریی ساڵی ڕابردووی کەرکووک و خورماتوودا بەپێچەوانەی دەستووری ھەمیشەییی عێراق ھێزی سەربازی و میلیشیا لە دژی ھاووڵاتییانی سڤیل بەکار ھێنراوە و ئەو ھێزانە تاوانی زۆر گەورە و دڕندانەیان دژی خەڵکی سڤیل ئەنجام داوە، کە بە پێی یاسا نێوخۆیی و نێودەوڵەتییەکان دەچنە چوارچێوەی جینۆسایدەوە، چونکە بەشێک لە تاوانەکان تەنانەت تاوانی کوشتنی بەکۆمەڵ و بە ئامانجگرتنی ژن و منداڵن و تاوانی جەنگی و دژە مرۆڤایەتین."

 

ئەو پارێزەرەی دۆسیەی تاوانەکانی ١٦ی ئۆکتۆبەر ئاشکرای کرد: "ماوەی ساڵێکە لەگەڵ شایەتحاڵەکان و ڕێکخراوە نێودەوڵەتییەکان خەریکی کۆکردنەوەی بەڵگەنامە و دیکۆمێنتین لەسەر تاوانەکانی ١٦ی ئۆکتۆبەر و خۆشبەختانە بە ھۆی ھەوڵی ھەموو لایەک توانیومانە ژمارەیەکی بەرچاوی بەڵگە و دیکۆمێنت کۆ بکەینەوە و ھەمووشیان دڕەندەییی ھێزەکانی حەشدی شەعبی و عێراق دەردەخن کە چ کارەساتێک بەسەر خەڵکی سڤیلدا هێنراوە."

 

پارێزەر ئەیاد کاکەیی دەڵێت: "لە ئایندەیەکی زۆر نزیکدا لیژنەی بەدواداچوون و کۆکردنەوەی بەڵگەنامەکان کۆ دەبنەوە و ھەموو ئەو بەڵگانە ڕادەستی دادگا نێوخۆیی و تەنانەت نێودەوڵەتییەکانیش دەکەین، چونکە وەک یاسایی، پێمان وایە ئەمەی کراوە جینۆسایدە و پێویستە تاوانباران سزای خۆیان وەربگرن، لەبەر ئەوەی بەپێچەوانەی یاساوە، لە تاوانی کوشتن و دزی و تاڵان و ڕفاندن و سووتاندنی ماڵی ھاووڵاتییان ھیچ نەماوە کە نەکرابێت."

 

قائید میرۆ




دوایین هەواڵەکان

خۆشناو: پرۆژەیاسای سەرۆکایەتی هەرێمی کوردستانمان داوەتە سەرۆکایەتی پەرلەمان

SATURDAY, 23 MARCH 2019 13:03:33
هەولێر-KDP.info- پارتی پرۆژەیاسایەکی بۆ هەمواری یاسای سەرۆکایەتی هەرێمی کوردستان داوەتە سەرۆکایەتی پەرلەمان. سەرۆكی فراكسیۆنی پارتی لە پەرلەمانی كوردستان رایگەیاند، هەموو هەوڵێك دەدەن بەبێ‌ یەكێتی یاسای سەرۆكایەتی هەرێم هەموار نەكەنەوە. لەهەمانکاتدا گوتیشی، ئەگەر هەر نەهاتن، هەمواری یاساكە راناگرن.
 
شەقامی ١٢٠ مەتری دەکرێتەوە و دەست بە شەقامی ١٥٠ مەتری دەکرێت

SATURDAY, 23 MARCH 2019 12:03:31
هەولێر-KDP.info- شارەوانی ھەولێر لەبارەی دواکەوتنی کردنەوەی شەقامی ١٢٠ مەتری شاری ھەولێر ده‌ڵێ، لە ئایندەیەکی نزیکدا شەقامەکە دەکرێتەوە و گوتەبێژی شارەوانیش دەڵێ، رەوشی دارایی باشبێت دەست بە شەقامی ١٥٠ مەتری دەکەین.
 
مەكتەبی سیاسی پارتی، سەرەخۆشیی لە خانه‌واده‌ی حەمید ئاغای كاكە زیادی کۆیە دەکات

SATURDAY, 23 MARCH 2019 12:03:00
پرسەنامەی مەكتەبی سیاسی پارتی دیموكراتی كوردستان
بۆ كۆچی دوایی كەسایەتی نیشتیمانپەروەر(حەمید ئاغای كاكە زیادی کۆیە)
 
بەڕێزان خانەوادەی كەسایەتی نیشتیمانپەروەر (حەمید ئاغای كاكە زیادی کۆیە) 
گەورەترین پێشانگای کتێب لەھەولێر دەکرێتەوە

SATURDAY, 23 MARCH 2019 12:03:23
هەولێر-KDP.info-  بڕیارە لە مانگی نیسانی دابێ چواردەمین پێشانگای نێودەوڵەتی بۆ کتێب لە شاری ھەولێر بکرێتەوە و ھەزاران ناونیشان لەبوارە جیاوازەکان نمایش بکرێن و چەندین وڵاتیش بەشداری دەکەن.
 
پەیامی پیرۆزبایی دەزگای رۆشنبیریی و راگەیاندنی پارتی بۆ رادیۆی زاگرۆس

SATURDAY, 23 MARCH 2019 10:03:53
هەولێر-KDP.info- دەزگای رۆشنبیریی و راگەیاندنی پارتی دیموكراتی كوردستان، بەبۆنەی (13)هەمین ساڵیادی دامەزراندنی (رادیۆی زاگرۆس) په‌یامێكی پیرۆزبایی ئاراسته‌ی بەڕێوەبەر و  ستافی بەڕێوەبردن و تێكڕای كارمەندانی رادیۆی زاگرۆس كرد.
 


 
© 2018 Kurdistan Democratic Party, KDP