Kurdî  ■  كوردی  ■  عربي
THU, 17 JAN 2019 10:36 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خیانەتکارییا 16ى ئۆكتۆبه‌رێ، جەڵتەک بوو ل روحا گشتى یا مللەتێ کورد دایى
| KDP.info


 

دهۆک-KDP.info- خیانەتا 16ى ئۆكتۆبه‌رێ، پیلانەکا مەزن ژبۆ ژناڤبرنا هەرێما کوردستانێ بوو، ل دەمێ خودا مەترسى لسەر پێگەهێ هەرێما کوردستانێ هەبوو، چونکى ئارمانج نە داگیرکرنا کەرکوکێ بتنێ بوو، بەلکو ئێدى فیدرالیەت ل هەرێما کوردستانێ نەمینیت.

پشتى كو ل 25ى ئەیلولا 2017ێ ریفراندۆما سەربەخۆیا کوردستانێ هاتیە ئەنجامدان و ب رێژەیا 92% دەنگ ب بەلێ دایى، ل 16ى ئۆکتۆبەرا 2017ێ، تاقمەکێ خیانەتکارێ ناڤخو دگەل دەستێن دەرەکى، دەڤەرێن دەرڤەیى ئیدارا هەرێما کوردستانێ رادەستى حەشدا شەعبى و لەشکەرێ عیراقێ کرن، کو سالەک ل سەر داگیرکرنا وان دەڤەرا ڤە چوویە، بۆ ڤێ ئێکێ ئیسماعیل تاهیر جانگیر، میدیاکار بۆ مالپەرێ فەرمیێ پارتى دیموکراتى کوردستان زەلالکر:" گۆمان تێدا نینە پیلانا شەرخوازو بێ بها ل 16 ئۆکتۆبەرێ، دەستپێکێ کارتێکرن لسەر دەروونێ گەنجان کریە، کۆ دماوەیێ 26 سالادا گەنجێن کورد ئەڤ وەلاتە ب پەرلەمان و حکومەت دیتن و هەردەم دهاتە بیر کوكه‌رکوک دلێ کوردستانێ یە و ل نیزیک دێ بیتە بایتەختێ دبلوماسى و سیاسى یێ کوردستانێ، نەک ژبەر نفتا وێ بەلکو ئاخا کوردستانێ یە، دەمێ 16ى ئۆکتۆبەرێ روودایى گاڤێن ڤان هەمى گەنجان شکەستن و هەمى تشتەک دچاڤێن واندا سڤک و سادە بوون، دیسان دهزراندا نەبوو کوردەک یێ بەرهەڤ بیت دوژمنان لسەر وەلاتێ خۆ فەرز بکەت، ب راستى هەمى تشت دهاتە باوەرکرن بەلێ ئەڤ خیانەتە نەدهاتە باوەرکرن".

 

خیانەتا 16ى ئۆكتۆبه‌رێ، پیلانەکا مەزن ژبۆ ژناڤبرنا هەرێما کوردستانێ بوو

بەدرخان زاویتەیى، چاڤدێرێ سیاسى بۆ مالپەرێ فەرمیێ پارتى دیموکراتى کوردستان گۆت:" هەر جورە جڤاکەکێ ئەڤ کاره‌ساتە ب سەرى بهێن دێ کارڤەدانێن خراب بوو هەبن، ئەم ژى وەک مللەتێ کورد ب چەندەها سالە دڤى دەردیدا دژین، بەلێ خیانەتا 16ى ئۆكتۆبه‌رێ، پیلانەکا مەزن ژبۆ ژناڤبرنا هەرێما کوردستانێ بوو، ژبەر هندێ دەمێ خەلکى هەستکرى بابەت کەرکوک بتنێ نینە تا رادەکێ خەلکى باوەرى ب هیچ تشتەکى نەما، چونکى کەرکوک دبنیاتدا یارادەستکرى بوو و بتنێ وان دڤیا د72 دەمژمێرادا هەولێرو دهوک ژى داگیر بکەن، بەلێ پێشمەرگەیى کوردستانێ خوراگرى کر و نەهێلا هەولێر داگیر ببیت، پشتى روودانێن 16ى، تاقمێ خیانەتکار ئاشکەرا بوو و پیلانا وان سەرنەگرت، بەلێ ئومێدا مللەتێ کوردستانێ بۆ سەربەخۆییا کوردستانێ گیروکر، کۆ ئەڤ پیلانە دژى پارتى دیموکراتى کوردستان ژناڤببەن".

کاوار باڤى، پارێزەر بۆ مالپەرێ فەرمیێ پارتى دیموکراتى کوردستان گۆت:"ل گۆر دیرۆکا مللەتێ کورد چەندین جارا خیانەت لێهاتیەکرن چ ئەجیندەیێن دەرەکى بن یان لایەنێن سیاسى یێن ناڤخۆ بن وەکى رێککەفتنا 11 ئادارێ، بەلێ روودانێن 16 ئۆکتۆبەرێ کارتێکرنەکا هەرە مەزن لسەر دەروونێ تاکێ کوردستانى کر، چونکى کوردستان بەرەف پێنگاڤا دەولەتبوونێ ڤە دچوو و ئەڤە نەتشتەکێ بچوویک بوو بەلکو مللەتێ کورد ب هزاراها خەلکێ خۆ کریە قوربان پێخەمەت گەهاندنا ڤێ ئارمانجێ، کۆ پشتى خەلک دەنگێ خۆ بۆ سەربەخۆیا کوردستانێ دایى و ئەڤ روودانا کاره‌ساتى دووڤدا هات خەلک هەموو بێ ئۆمێدکرە ڤە".
 
ئیسماعیل تاهیر ئاخفت:" ئەگەر کەرکوک کوردستانى بیت، پێدڤى بوو عەبادى و لەشکەرێ عیراقێ هەر هزر دشەڕیدا نەکربایە چونکى 2003ێ کوردان پشتەڤانیا حکومەتا عیراقێ کر و دامەزراندن، بەلێ ژناڤبرنا کوردستانێ ژلایێ عیراق و ئیران و لایەنەکێ سیاسى یێ کوردى ڤە مەترسى هەبوو، کۆ مەرەم ژێ نەبتنێ کەرکوکێ داگیر بکەن بەلکو پیلانا وان داگیرکرنا هەولێر و دهۆک بوو، بەلێ دەمێ حەشدا شەعبى شکەستن ل شەرێ پردێ و عین عویز و مەحموودیێ لسەر دەستێ پێشمەرگەیى دیتى و خوراگریا پێشمەرگەیى پشتى روودانێن 16ى ئۆكتۆبه‌رى دەبرینەکا مەزن بوو و جهێ شانازیێ بوو ژنوو دژمن پاشڤە زڤرین، دیسان پارتى دیموکراتى کوردستان پلان دانایە ل سەر دەستێ وان و پێشمەرگەیى ئێک پێنگاڤا دیتر ناهێلن کوردستان بکەفیتە دمەترسیێ دا".

 

نوکە ژى مەترسى لسەر دەڤەرێن دەرڤەیى ئیدارا هەرێمێ هەنە 
 
کاوار باڤى بەحسکر، ل دەمێ خودا مەترسى لسەر پێگەهێ هەرێما کوردستانێ هەبوو، چونکى ئارمانج نە داگیرکرنا کەرکوکێ بتنێ بوو بەلکو ئێدى فیدرالیەت ل هەرێما کوردستانێ نەمینیت، ئەڤ ئێکە ب رەفتار و بریارێن حکومەتا عیراقێ دیار بوو پشتى چەندین بریار دژى کوردان دەرئێخستین بگرە نەهێلانا ئالایى و زمان و ئەنجامێن ریفراندۆما سەربەخۆیا کوردستانێ و گرتنا فرۆکخانەیا ل هەرێما کوردستانێ و سەره‌رایى پێشلکرنا بەندێن ده‌ستورى وەک بکارئینانا لەشکەرى بۆ شەرێ ناڤخویى  بەلێ ب هەولا هندەک لایەنێن سیاسى و ب تایبەت پارتى دیموکراتى و داستانێن پێشمەرگەیى کو بەرگریەکا مان و نەمانێ کرو لەشکەرێ عیراقێ و ب حەشدا شەعبى ڤە باشڤەبرن، دیسان حکومەتا هەرێما کوردستانێ شیا جارەکا دیتر پێگەهێ هەرێمێ تا رادەکێ ڤەگەرینەڤە و بەرەف باشترڤە ببەت".


هەلکەفت عبدالواحد، چالاکڤان و سیاسى بۆ مالپەرێ فەرمیێ پارتى دیموکراتى کوردستان خویاکر:" ئەو ئومێدا مللەتێ کورد یاسەربەخۆیا کوردستانێ و ئەو گوتار بهێز و بوێرەک یاسەرۆک بارزانى بەرەف دونیایێ رەوانەکرى چ جارا ئەڤ دەستکەفتە ل دەڤ کوردان دروست نابیتەڤە، بەلێ دەمێ روودانێن خیانەتکارا 16ى ئۆكتۆبه‌رێ روودایى جەلتەک بوو ل روحا گشتى یا مللەتێ کورد دایى، کۆ زارۆکێ فام دکەت تا مەزنان تووشى بێزاریێ بوون و قەیران و دوورپێچکرنا کوردستانێ ژلایێ حکومەتا عیراقێ ڤە دژى کوردان بهێزتر لێهات کۆ دناڤبەرا شەڤ و رۆژەکێدا کوردستان ڤەگەرانده‌ سەر پلا ئێکێ ڤە و برینا هەرە مەزن ئەوە پشتى پێشمەرگەیێ کوردستانێ هەمى دەڤەرێن کوردستانى ژ دەستێ تیرۆرستێن داعشێ رزگارکرین و نەهێلایى تیرۆر بگەهیتە هەرێمێ و بهێزا سەرۆک بارزانى ئەو ئێکە بوویە راستیەکا ژیوارى، بەلێ تاقمێ خیانەتکارو بدەستێن دەرەکەیى ب سەفقەکا بازرگانى ئەم پاشڤەبرین، کۆ باندورا وێ گەلەکا مەزن بوو، بەلێ یاپتر کارتێکرن لسەر دەروونێ خەلکى کرى تا نوکە ئەو تاقمێ خیانەتکار لسەر بزاڤا سیاسى دبەردەوامن و هەولا ژناڤبرنا کوردستانێ ددەن، تاکە پارتا ب هەلویست کوردایەتیا خۆ بو ڤێ ئاخێ سەلماندى و پشکدارى هەلبژارتنێن جڤاتا نوونەرێن عیراقێ بۆ کەرکوکێ نەبووى پارتى دیموکراتى کوردستان بوو، ژبەرکو پارتى دانپێدان ب رەوشا کەرکوکێ نەکر و ئێک مەرجێن پارتى ئەو بوویە پێشمەرگە ڤەگەریتە کەرکوکێ و ب ئێک هەلویستیا دەنگێن کوردستانى، بەلێ ئێکەتى نیشتمانى کوردستان رازى نەبوو و پارتى ژى رەتکرنا رەوشا کەرکوکێ بڤى داگیرکرنێ کر".
 
کاوار باڤى دیارکر:" نوکە ژى مەترسى لسەر دەڤەرێن دەرڤەیى ئیدارا هەرێمێ هەنە کو بەهرا پتریا کوردان ژوان دەڤەران ئاوارە بووینە و ئەڤێن ماین ل وێرێ ژى دئازاد نینن ژبەر زولما لەشکەرێ عیراقێ و حەشدا شەعبى و تا ئەو دەڤه‌رە نەڤەگەرنە باوەشا هەرێمێ نەباوەرم دەولەتا کوردى بهێتە دامەزراندن".


هەلز عەلى سەلیم

 




دوایین هەواڵەکان

بە سەرۆکایەتی د.فوئاد حوسێن چەند بڕیارێک دەربارەی هەولێر و بەغدا دران

WEDNESDAY, 16 JANUARY 2019 19:01:12

بەغدا-KDP.info-  ئەمڕۆ بە سەرۆکایەتیی د. فوئاد حوسێن، جێگری سەرۆکوەزیران-وەزیری داراییی حکوومەتی عێراقی فیدراڵ، چەند بڕیارێک دەرکران کە پێوەندییان بە هەولێر و بەغداوە هەبوو.

 
رێبوار هادی: بە ماددەیەكی یاسایی، بەغدا ناچار بە ناردنی مافە داراییەكانی هەرێم دەكرێ

WEDNESDAY, 16 JANUARY 2019 18:01:32

بەغدا-KDP.info- ئەندامێكی لیژنەی یاساییی ئەنجومەنی نوێنەران دەڵێ، لە هەوڵی زیادكردنی ماددەیەكدان لە نێو پرۆژەیاسای بودجەی 2019ی عێراقدا، کە لەو ماددەیەدا حكوومەتی عێراق پابەند دەكەن بەوەی كە یاری بە مووچە و مافە داراییەكانی هاووڵاتیانی هەرێم نەكات.

 
دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 


 
© 2018 Kurdistan Democratic Party, KDP