Kurdî  ■  كوردی  ■  عربي
SAT, 23 MAR 2019 14:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فڕاكسیۆنی پارتی: بڕیارەكانی عەبادی ھەڵدەوەشێنەوە
| KDP.info


 

بەغدا-KDP.info- ئەنجوومەنی نوێنەرانی عێراق، ئەمڕۆ لەبارەی سێ بڕگەوە كۆ دەبێتەوە و یەكێك لە بڕگەكانیش ھەڵوەشاندنەوەی ئەو بڕیارانەیە كە سەرۆكوەزیرانی پێشووی عێراق دەریكردبوون. ئەندامێكی ئەنجوومەنی نوێنەرانیش دەڵێت، بە ھیچ شێوەیەك كار بەم بڕیارانەی دوای ١٢ی ئایار ناكرێ.

 ئەمڕۆ ئەنجوومەنی نوێنەرانی عێراق لەبارەی چەند بڕیارێكەوە كۆ دەبێتەوە، كە سەرۆكوەزیرانی پێشووی عێراق، حەیدەر عەبادی، لە دوای ھەڵبژاردنەكانی ١٢ی ٥ی ٢٠١٨ دەریكردبوون.

پێوەست بەم پرسە، سەرۆكی فڕاكسیۆنی پارتی بە وەكالەت، محەممەد ئەمین، بە ماڵپەڕی فەرمیی پارتی دیموكراتی كوردستانی ڕاگەیاند: "كۆبوونەوەی ئەنجوومەنی نوێنەرانی عێراق لە سێ بڕگە پێك دێت و، بە ھیچ شێوەیەكیش كار بەو بڕیارانە ناكرێت كە ساتی كۆتاییھاتنی تەمەنی پەرلەمان و ئەنجوومەن دەركراون."

ئەمین، گوتیشی: "بڕگەیەكی دیكەی دانیشتنەكە، دەنگدانە لەسەر پڕۆژەبڕیارێكی لیژنەی یاسایی بۆ ھەڵوەشاندنەوەی پلە تایبەتەكان و ئەو بڕیارانەی لە دوای ھەڵبژاردنە پەرلەمانییەكانی ئایاری ٢٠١٨وە لەلایەن حكوومەتی كاربەڕێكەرەوە دراون."

سەرۆكی فڕاكسیۆنی پارتی دیموكراتی كوردستان لە ئەنجوومەنی نوێنەرانی عێراق، دەشڵێت: "بڕگەی سێیەم بریتییە لە یەكلاكردنەوەی پرسی لیژنەكانی پەرلەمان كە بڕیارە پێنج لیژنە بە كورد بدرێن، بەڵام كێشەی بەردەم لیژنەكان ئەوەیە پەیوەندییان بە وەزارەتەكانی حكوومەتەوە ھەیە و، تا وەزارەتەكان یەكلا نەكرێنەوە و وەزیر دیاری نەكرێن، بابەتی لیژنەكانی پەرلەمانی كۆتایی نایەت."

فائیزه‌ كۆیی




دوایین هەواڵەکان

خۆشناو: پرۆژەیاسای سەرۆکایەتی هەرێمی کوردستانمان داوەتە سەرۆکایەتی پەرلەمان

SATURDAY, 23 MARCH 2019 13:03:33
هەولێر-KDP.info- پارتی پرۆژەیاسایەکی بۆ هەمواری یاسای سەرۆکایەتی هەرێمی کوردستان داوەتە سەرۆکایەتی پەرلەمان. سەرۆكی فراكسیۆنی پارتی لە پەرلەمانی كوردستان رایگەیاند، هەموو هەوڵێك دەدەن بەبێ‌ یەكێتی یاسای سەرۆكایەتی هەرێم هەموار نەكەنەوە. لەهەمانکاتدا گوتیشی، ئەگەر هەر نەهاتن، هەمواری یاساكە راناگرن.
 
شەقامی ١٢٠ مەتری دەکرێتەوە و دەست بە شەقامی ١٥٠ مەتری دەکرێت

SATURDAY, 23 MARCH 2019 12:03:31
هەولێر-KDP.info- شارەوانی ھەولێر لەبارەی دواکەوتنی کردنەوەی شەقامی ١٢٠ مەتری شاری ھەولێر ده‌ڵێ، لە ئایندەیەکی نزیکدا شەقامەکە دەکرێتەوە و گوتەبێژی شارەوانیش دەڵێ، رەوشی دارایی باشبێت دەست بە شەقامی ١٥٠ مەتری دەکەین.
 
مەكتەبی سیاسی پارتی، سەرەخۆشیی لە خانه‌واده‌ی حەمید ئاغای كاكە زیادی کۆیە دەکات

SATURDAY, 23 MARCH 2019 12:03:00
پرسەنامەی مەكتەبی سیاسی پارتی دیموكراتی كوردستان
بۆ كۆچی دوایی كەسایەتی نیشتیمانپەروەر(حەمید ئاغای كاكە زیادی کۆیە)
 
بەڕێزان خانەوادەی كەسایەتی نیشتیمانپەروەر (حەمید ئاغای كاكە زیادی کۆیە) 
گەورەترین پێشانگای کتێب لەھەولێر دەکرێتەوە

SATURDAY, 23 MARCH 2019 12:03:23
هەولێر-KDP.info-  بڕیارە لە مانگی نیسانی دابێ چواردەمین پێشانگای نێودەوڵەتی بۆ کتێب لە شاری ھەولێر بکرێتەوە و ھەزاران ناونیشان لەبوارە جیاوازەکان نمایش بکرێن و چەندین وڵاتیش بەشداری دەکەن.
 
پەیامی پیرۆزبایی دەزگای رۆشنبیریی و راگەیاندنی پارتی بۆ رادیۆی زاگرۆس

SATURDAY, 23 MARCH 2019 10:03:53
هەولێر-KDP.info- دەزگای رۆشنبیریی و راگەیاندنی پارتی دیموكراتی كوردستان، بەبۆنەی (13)هەمین ساڵیادی دامەزراندنی (رادیۆی زاگرۆس) په‌یامێكی پیرۆزبایی ئاراسته‌ی بەڕێوەبەر و  ستافی بەڕێوەبردن و تێكڕای كارمەندانی رادیۆی زاگرۆس كرد.
 


 
© 2018 Kurdistan Democratic Party, KDP