Kurdî  ■  كوردی  ■  عربي
WED, 21 NOV 2018 01:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كەركووكییەكان: 16ـی ئۆكتۆبەر خیانەتێكی جەرگبڕ بوو.. كەركووك لە جەستەیەكی مردوو دەچێت
| KDP.info


 

كەركووك-KDP.info- ڕۆژی 16ـی ئۆكتۆبەری ساڵی ڕابردوو، هێزەكانی عێراق و میلیشیاكانی حەشدی شەعبیی، بە هاوكاریی باڵێكی حزبێكی كوردستان هێرشیان كردە سەر كەركووك و خورماتوو، كە بە هۆی پاشەكشەپێكردنی بەشێك لە پێشمەرگەكانی یەكێتی، شاری كەركووك و دووزخوورماتوویان داگیركرد و سەدان هاووڵاتیی سڤیل و پێشمەرگە شەهید بوون.

سەبارەت بە بەعەرەبكردنی كەركووك و ناچاركردنی كوردەكان بە بەجێهێشتنی زێدی خۆیان لە ڕێگەی دروستكردنی نائارامی و توندوتیژی بەرانبەریان، كەركووكییەیان دەڵێن: "ساڵێكە ئێمە ناتوانین بە ئاسوودەیی ژیان بكەین و هەموو ڕۆژێكمان مردنێكە".

چالاكوانی سیاسی، سلێمان حەمەساڵح، بە ماڵپەڕی فەرمیی پارتی دیموكراتی كوردستانی ڕاگەیاند: "لە دوای 16ـی ئۆكتۆبەر هێزە عێراقییەكان بە بەرنامە كار بۆ بەعەرەبكردنی شارەكە و بێزاركردنی هاوڵاتیانی كورد بۆ بەجێهێشتنی شارەكەیان دەكەن، كە بە بیانووی جۆراوجۆر شەوان هێزە میلیشیاكان هەڵدەكوتنە سەر ماڵەكان و پشكنین دەكەن، هەروەها دۆخی ئەمنیی شار تەواو خراپە و تەقینەوە و دزی و پیاوكوشتن بەردەوام لە فراوانبوونە، بە مەبەست هێزە سەربازییەكان نایانەوێت ئارامی بۆ كەركووكییەكان دابین بكەن، بۆئەوەی شارەكەیان بەرەو هەرێمی كوردستان بەجێ بهێڵن".

لەگەڵ داگیركردنی شاری كەركووكدا، سەددان هاووڵاتیی كوردی كەركووك ئاوارەی شارەكانی كوردستان بوون و، تا ئێستاش بەشێكی زۆر لە ئاوارەكان نەگەڕاونەتەوە شارەكانیان، بە تایبەت ئەندام و لایەنگرانی پارتی دیموكراتی كوردستان.

هەڵۆ لەكی ڕۆژنامەنووس لە شاری كەركووك، لەسەر هەمان پرس، هێما بۆ ئەوە دەكات: "16ـی ئۆكتۆبەر خیانەتێكی جەرگبڕ بوو لە مێژووی گەلی كورددا، كە باڵێكی سیاسیی حیزبێكی كوردی هاوكاریی دوژمنیان كرد تا كەركووك داگیر بكەن، ئامانجیش ئەمانە بوون، عەرەباندنی كەركووك و دەستبەسەرداگرتنی ئابووریی كەركووك و هەڵوەشاندنەوەی ئیدارە كوردییەكەی و درووخستنەوەێ ڕێژەیەكی زۆر لە كورد لە دامودەزگاكانی كەركووك هەروەكوو ڕژێمی پێشووی سەددام حوسێن بەرانبەر كورد كردی".

ئیدارەی سەربازیی سەپێندراو لە كەركووك، ئامادە نییە هیچ خزمەت گوزارییەك بۆ شارەكە جێبەجێ بكات، بە تایبەت گەڕەكە كوردییەكان، لەكی دەڵێ: "ماوەی ساڵێكە ئیدارەی سەپێندراوی كەركووك هیچ پڕۆژەیەكی خزمەتگوزاری لە شارەكەدا ئەنجام نەداوە و ڕۆحی ئەو شارەیان كێشا و لە جەستەیەكی مردوو دەچێت، چەند هەڵوێستێكیش هەیە بۆ خۆپیشاندان دژی سوپای عێراق لەم كات و ساتەدا و بە تایبەت لە یادی داگیركردنی كەركووكدا كە ساڵێكی بەسەردا تێپەڕیوە، چونكە كەركووك گۆمێكی مەنگە لە چاوەڕوانی ئازادبوون و ڕزگاریدایە جارێكی تر".

لە زانكۆی كەركووك، جیاوازیی زۆر لە نێوان قوتابیانی كورد و نەتەوەكانی تردا دەكرێت و، چەندین قوتابیی كورد لەلایەن هێزە سەربازییەكانەوە دەستگیر كراون لەسەر ئاڵای كوردستان و یادكردنەوەی بۆنە كوردییەكان. سەربەست شوانی، قوتابیی زانستە سیاسییەكان لە زانكۆی كەركووك، گوتی: "جیاوازیی زۆر لە نێوان قوتابیانی كورد و قوتابیانی توركمان و عەرەبدا دەكرێت، ئێستا ئێمەی قوتابیانی كورد لە زانكۆی كەركووك بە پلە سێ تەماشا دەكرێین، ڕێگە نادرێت لە هیچ بۆنەیەكی كوردیدا ئاهەنگ بگێڕین و یادی بكەینەوە، لەسەر هەڵكردنی ئاڵای كوردستانیش لە ڕۆژی ئاڵادا لەلایەن قوتابیانی نەتەوەكانی عەرەب و توركمان هێرشمان كراوەتە سەر و لەلایەن هێزە ئەمنییەكانیش چەندین قوتابیی كورد گیراون و سوكایەتییان پێ كراوە".

ئەو قوتابییە هێما بۆئەوە دەكات: "هێزە میلیشیاكانی عێراق هیچ كات حیساب بۆ حەرەمی زانكۆ ناكەن و بە هەمەڕ و چەكی جۆراوجۆر دێنە زانكۆوە، هیچ كەسیش بۆی نییە لێپیچینەوەیان لەگەڵدا بكات، هەروەها لە شاری كەركووك تەواوی ڕەمزەكانی كورد سڕاونەتەوە و، بە بەرنامەیش كار دەكەن بۆ سڕینەوەی ڕەمزەكانی كورد، كە بێگومان تەواوی مەینەتیی كەركووكییەكان ئۆباڵەكەی دەكەوێتە ئەستۆی ئەو خۆفرۆشە كوردانەی كە كەوتنە پێش هێزە داگیركارەكان و شارەكەمانیان پێیان فرۆشت".

كەركووكییەكان دەڵێن، تەنیا ئومێدیان بە سەرۆك بارزانییە كە كەركووك بگێڕێتەوە بۆ هاووڵاتیانی كەركووك، عادل كەركووكی، چالاكی كۆمەڵی مەدەنی بڕوای وایە: "تاكە هیوا و ئومێد تەنیا سەرۆك بارزانی و پارتی دیموكراتی كوردستانە ئەم دۆخەی كەركووك چارە بكات و پێشمەرگەی كوردستان بە شكۆ و كەڕامەت و هێزەوە بگەڕێتەوە ئەو شارە بۆ بەرگریكردن لە تەواوی پێكهاتەكانی كەركووك بێ جیاوازی."

كەركووكی گوتی: "حاڵەتی دزی و كوشتن بە ڕێژەیەكی بەرچاو زیادی كردووە و هیچ كەسێك ناتوانێت شەوان بە ئارامی لە ماڵی خۆی بخەوێت، لە ڕووی دارایی و ئابوورییەوە ئەو شارە بەرەو ڕووخان و لەناوچوون دەڕوات، لەلایەكی تریش بەشیعەكردنی هاووڵاتیان دەستی پێ كردووە".

 

هێڤیار هەڵەبجەیی

 

 




دوایین هەواڵەکان

باڵیۆزی فەرەنسا پیرۆزبایی لە فوئاد حوسێن کرد

TUESDAY, 20 NOVEMBER 2018 19:11:27

بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.



 
© 2018 Kurdistan Democratic Party, KDP