Kurdî  ■  كوردی  ■  عربي
SAT, 16 FEB 2019 05:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عەبدوڵڵا ئاكرەیی: بەرپرسانی ئێران بەڵێنیان دا پابەندی رێككەوتنەكان بن
| KDP.info


 
ھەولێر-KDP.info- بەڕێوەبەری گشتیی پەیوەندییەكانی نێوان ھەرێم و ئێران گوتی: "لە ماوەی ڕابردوودا ئێران پابەندی ئەو رێككەوتنانە نەبوو لەگەڵ ھەرێمی كوردستان سەبارەت بە ئاڵوگۆڕی بازرگانی و مەرزەكان، بۆیە رێككەوتنێكی نوێمان كردووە و بەڵێنیان داوە پابەندی رێككەوتنەكە دەبن و چیتر كێشە بۆ بازرگانانی ھەرێم دروست ناكەن و مەرزكەكانیش ٢٤سەعات كراوە دەبن".
 
سەبارەت بە پەیوەندیی نێوان ھەرێم و ئێران لە بواری ئاڵوگۆڕی بازرگانیدا، عەبدوڵڵا ئاكرەیی، بە ماڵپەڕی فەرمیی پارتی دیموكراتی كوردستانی ڕاگەیاند: "لە ماوەی چەند مانگی ڕابردوودا چەند كۆبوونەوەیەك لە نێوان ھەرێم و ئێراندا ئەنجام دران و دواتریش كۆنفڕانسێكی ئابووری لە نێوان ھەردوو لا ئەنجام درا و پاشان رێككەوتن كرا كە لەسەر سنوور ھەموو ئاسانكارییەك بكرێت بۆ ئاڵوگۆڕی بازرگانی بۆ بازرگانان و ٢٤سەعاتیش مەرزەكان كراوە بن، كە ھەرێمی كوردستان بە ھەموو شێوەیەك پابەندی رێككەوتنەكە بووە، بەڵام لایەنی ئێرانی پابەندی ئەو رێككەوتنە نەبوونە لە دیوی خۆیان و كێشەیان بۆ بازرگانان دروست كردووە و مەرزەكانیشیان ٢٤سەعات نەكردوونەتەوە".
 
ئاكرەیی گوتیشی: "ئێستا جارێكی دیكە كۆبوونەوەیەكمان لەگەڵ لایەنی ئێرانی ئەنجام داوە و رێككەوتنێكی نوێمان واژۆ كرد، كە بەڵێنیان داوە جێبەجێی بكەن و ھەموو ئاسانكارییەك بۆ بازرگانانی ھەرێم بكەن و مەرزەكانیشیان ٢٤سەعات كراوە بن، ئەمەش وادەكات جموجۆڵی بازرگانی لە نێوان ھەردوولا زۆر زیاتر بێت".
 
 
 
لەبارەی قەدەغەكردنی هاوردەی ھەندێك كەلوپەل لە ئێرانەوە بۆ ھەرێمی كوردستان، عەبدوڵڵا ئاكرەیی گوتی: "وڵاتی ئێران لە قەیرانی داراییدایە وگەمارۆی خراوەتە سەر، بۆیە ئەوانیش لەبەر ئەوەی خۆیان پێویستیان پێی ھەیە، ھەندێك كەلوپەلی خۆراكیان قەدەغە كردووە و باسیان لەوە كرد كە ھەوڵ دەدەن بەشی ھەرێمی كوردستانیش دابین بكەن، بەڵام ئێمە كێشەمان نییە و ئەگەر ئەوانیش نەبن، سەرچاوەی دیكە ھەن دەتوانین ئەو كەلوپەلانەیان لێ دابین بكەین".
 
 
 
بڵند ئیبراھیم
 
 
 



دوایین هەواڵەکان

ترەمپ: لە 24 کاتژمێری داهاتوودا راگەیێندراوێک لەبارەی سووریا بڵاودەکەمەوە

FRIDAY, 15 FEBRUARY 2019 22:02:35
ئەمریکا-KDP.info-  سەرۆکی ئەمریکا رایگەیاند، فەرمانی راگەیاندنی باری نائاسایی واژۆ دەکات و لە 24 کاتژمێری داهاتووشدا راگەیێندراوێک لەبارەی جەنگی داعش لە سووریا بڵاودەکاتەوە.
 
مه‌سروور بارزانی له‌گه‌ڵ سه‌رۆكی پارته‌كه‌ی ئه‌نگێلا مێركلی راوێژكاری ئه‌ڵمانیا كۆده‌بێته‌وه‌

FRIDAY, 15 FEBRUARY 2019 21:02:12
میونشن-KDP.info- مه‌سروور بارزانی، راوێژكاریی ئه‌نجوومه‌نی ئاسایشی هه‌رێمی كوردستان، له‌گه‌ڵ ئانیگریت كرامپ كارینباوه‌ر، سه‌رۆكی پارتی CDU، كه‌ پارته‌كه‌ی ئه‌نگێلا مێركلی راوێژكاری ئه‌ڵمانیایه‌، كۆبووه‌وه‌.
 
ناوه‌ڕۆكی كۆبوونه‌وه‌ی مه‌سروور بارزانی و فالح فه‌یاز

FRIDAY, 15 FEBRUARY 2019 20:02:07
میونشن-KDP.info- مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان، له‌ په‌راوێزی كۆنگره‌ی ئاسایشی میونشن له‌ ئه‌ڵمانیا، له‌گه‌ڵ فالح فه‌یاز، راوێژكاری ده‌زگای ئاسایشی نیشتمانی عێراق كۆبووه‌وه‌.
 
هه‌ورامی: هه‌واڵی ماڵپه‌ڕی په‌یسه‌رپریس ڕه‌تده‌كه‌ینه‌وه‌.. ڕێز له‌ بڕیاری یه‌كێتی ده‌گرین

FRIDAY, 15 FEBRUARY 2019 20:02:54
هه‌ولێر-KDP.info- هێمن هه‌ورامی به‌ربژێر پارتی بۆ جێگری سه‌رۆكی په‌رله‌مانی كوردستان ده‌ڵێ، سه‌رله‌به‌ری ئه‌و هه‌واڵه‌ و زانیاریه‌كانی ماڵپه‌ڕی په‌یسه‌رپریس ڕه‌تده‌كه‌ینه‌وه‌ و ڕێز له‌ بڕیاری یه‌كێتی ده‌گرین بۆ هه‌ر كاندیدێك و ئه‌و بابه‌ته‌ی په‌یوه‌ندی به‌ یه‌كێتییه‌وه‌ هه‌یه‌.
 
فازڵ نەبی: به‌غدا ٣١٧ ملیار دیناری بۆ مانگی دوو رەوانەی هه‌رێم کردووە

FRIDAY, 15 FEBRUARY 2019 18:02:04
هه‌ولێر-KDP.info- بریکاری پێشووی وەزارەتی دارایی حکوومەتی عێراق گوتی، دوای کەوتنەبواری جێبەجێکردنی یاسای بودجە لەلایەن حکوومەتی عێراق پشکی ھەرێمیان حیساب کردووە و ھەر وەکو ساڵی ڕابردوو ٣١٧ ملیار دیناریان بۆ مانگی دوو رەوانە کردووە.
 


 
© 2018 Kurdistan Democratic Party, KDP