Kurdî  ■  كوردی  ■  عربي
SUN, 26 MAY 2019 15:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزارەتی ناوخۆ: ئەوەی تۆمەتمان بۆ دروست بكات، سكاڵای لەسەر تۆمار دەكەین
| KDP.info


 

ھەولێر-KDP.info- بەڕێوەبەری گشتیی دیوانی وەزارەتی ناوخۆ ڕایگەیاند، ئەو تۆمەتانەی ھەندێك لایەنی سیاسی ئاڕاستەی ئێمەیان كردووە، ھیچ بنەمایەكی نییە و لە راستییەوە دەشڵێ: "ئەوەی تۆمەتی بێبنەمامان بۆ دروست بكات، سكاڵای لەسەر تۆمار دەكەین.

سەبارەت بە تۆمەتباركردنی وەزارەتی ناوخۆی ھەرێمی كوردستان كە گوایە لەم ھەڵبژاردندا ناسنامەی ساختە دروست كراوە بۆ ئەنجامدانی ساختەكاری لەلایەن ھەندێك لایەنی سیاسیی ھەرێمەوە، د. سامی جەلال، بەڕێوەبەری گشتی لە وەزارەتی ناوخۆی حكوومەتی ھەرێمی كوردستان، بە ماڵپەڕی فەرمیی پارتی دیموكراتی كوردستانی ڕاگەیاند: "ئەو تۆمەتەی ھەندێك لایەنی سیاسی ئاڕاستەی ئێمەیان كردووە، ھیچ بنەمایەكی نییە و لە راستییەوە دوورە، بەڵام ئەو لایەنانە دەنگیان كەمی كردووە، بۆیە نایانەوێت ددانی پێدا بنێن و دێن تۆمەت بۆ ئێمە دروست دەكەن، ئەگەرنا با بە بەڵگە بیسەلمێنن، نەك تەنیا بە قسە ئێمە تۆمەتبار بكەن".

د. سامی گوتیشی: "ئەگەر بەڵگەیان ھەیە با سكاڵا تۆمار بكەن، بەڵام ئایە دەكرێ وەزارەتێك ھەڵسێت بەڵگەنامە ساختە بكات؟ ئەمە بە عەقڵی ھیچ كەسێكدا ناچێت، بەڵام لەبەر ئەوەی دۆڕاون، ئەو تۆمەتانە دروست دەكەن".

دەشڵێ: "ئەگەر ڕاستەوخۆ پەنجەی تۆمەت ئاڕاستەی ئێمە بكرێت، سكاڵای یاساییان لەسەر تۆمار دەكەین".

 

بڵند ئیبراھیم




دوایین هەواڵەکان

سبەی پارێزگاری نوێ و جێگرەکەی دەستبەکار دەبن

SUNDAY, 26 MAY 2019 15:05:28

مووسڵ-KDP.info- بەرپرسێکی پارتی دیموکراتی کوردستان لە مووسڵ گوتی، بڕیارە سبەی (٢٧-٥-٢٠١٩) پارێزگاری نوێی مووسڵ و جێگرەکەی سوێندی یاسایی بخۆن و دەست بە کار بکەن و ھەرکاتێک دەستبەکار بوون، ئێمە داوای کۆمەڵێک پۆست دەکەین، کە ئەو مافی پارتین.

 
"دەستەی باڵای نیشتەجێبوون دادەمەزرێت"

SUNDAY, 26 MAY 2019 15:05:30

هەولێر-KDP.info- بڕیارە لە ھەرێمی کوردستان بۆ چارەسەرکردنی کێشەی نیشتەجێبوون ھەژمارێکی بانکی بکرێتەوە و بەرپرسێکی وەزارەتی ئاوەدانکردنەوەش دەڵێ، داوای دابینکردنی پارەمان کردووە بۆ دروستکردنی یەکەی نیشتەجێبوون و پێشنیارێکی نوێ ھەیە بۆ دامەزراندنی سندووقی نیشتەجێبوون.

 
جێگری سوپاسالار: ھاوپەیمانان لە مەشقكردن بە پێشمەرگە بەردەوام دەبن

SUNDAY, 26 MAY 2019 13:05:57

ھەولێر-KDP.info- جێگری سوپاسالاری هێزەكانی پێشمەرگەی كوردستان دەڵێ، ھاوپەیمانان پلانێكیان بۆ ئەمساڵ داناوە، كە لە سەرەتای ساڵەوە دەست پێدەكات و تاوەكو كۆتایی ساڵ مەشق و راھێنان بە شێوەی جۆراوجۆر بە ھێزی پێشمەرگە دەكەن، بۆیە مەشق و راھێنانكردن بەردەوام دەبێت.

 
یادی گوڵان

SUNDAY, 26 MAY 2019 12:05:29
ئاریان فەرەج
 
کێشەی ناوچە کوردستانییەکانی دەرەوەی هەرێم

SUNDAY, 26 MAY 2019 12:05:52
عارف ڕوشدی
 


 
© 2018 Kurdistan Democratic Party, KDP