Kurdî  ■  كوردی  ■  عربي
FRI, 24 MAY 2019 14:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مه‌سروور بارزانی پێشوازی له‌ سه‌رۆكی هاوپه‌یمانی فه‌تح كرد
| KDP.info


هەولێر-KDP.info-  مه‌سروور بارزانی پێشوازی له‌ سه‌رۆكی هاوپه‌یمانی فه‌تح كرد و لە دیدارەکەدا، هادی عامری پیرۆزبایی سه‌ركه‌وتنی هه‌ڵبژاردنه‌كانی هه‌رێمی بۆ په‌رله‌مانی كوردستان له‌ پارتی دیموكراتی كوردستانی كرد و هیوای خواست هه‌نگاوێكی كاریگه‌ر بێت بۆ به‌ره‌وپێشبردنی بارودۆخه‌كان.

ئه‌مڕۆ 4/10/2018 مه‌سروور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازیكرد له‌ هادی عامری سه‌رۆكی هاوپه‌یمانی فه‌تح.
له‌و دیداره‌دا دوا په‌ره‌سه‌ندن و پێشهاته‌كانی پرۆسه‌ی سیاسی عێراق و هه‌وڵ و هه‌نگاوه‌كانی پێكهێنانی حكوومه‌تی نوێی عێراق تاوتوو كرا، هه‌ردوولا جه‌ختیان له‌ پێویستی پابه‌ندبوون به‌ بنه‌ماكانی ده‌ستوور و رێزگرتن له‌ مافی پێكهاته‌كان كرده‌وه‌.

له‌لای خۆیه‌وه‌ هادی عامری پیرۆزبایی سه‌ركه‌وتنی هه‌ڵبژاردنه‌كانی هه‌رێمی بۆ په‌رله‌مانی كوردستان له‌ پارتی دیموكراتی كوردستانی كرد و هیوای خواست هه‌نگاوێكی كاریگه‌ر بێت بۆ به‌ره‌وپێشبردنی بارودۆخه‌كان.
له‌باره‌ی هه‌وڵه‌كانی پێكهێنانی كابینه‌ی نوێی حكوومه‌تی عێراقی فیدراڵ، مه‌سرور بارزانی ئاماژه‌ی به‌ پێویستی بنه‌مای شه‌راكه‌ت و هاوسه‌نگی و سازان كرد و داوای كرد  هادی عامری رۆڵی كاریگه‌ر بگێڕێت بۆ چه‌سپاندنی ئه‌م بنه‌مایانه‌.

راوێژكاری ئه‌نجوومه‌نی ئاسایشی هه‌رێمی كوردستان ده‌رباره‌ی رۆڵ و توانای عادل عه‌بدولمه‌هدی راسپێردراو به‌ پێكهێنانی حكوومه‌تی نوێی عێراقی فیدراڵ رایگه‌یاند،  عادل عه‌بدولمه‌هدی به‌ كه‌سێكی شیاو ده‌زانین بۆ به‌ڕێوه‌بردنی پۆستی سه‌رۆكوه‌زیرانی عێراقی فیدراڵ، هیوادارین هه‌موو هه‌وڵ و توانای خۆی بۆ چاره‌سه‌ركردنێكی  خێرا و گونجاوی كێشه‌ و پرسه‌ هه‌ڵواسراوه‌كانی نێوان به‌غدا و هه‌ولێر له‌چوارچێوه‌ی ده‌ستوور بخاته‌گه‌ڕ، هه‌روه‌ها كار بكات بۆ دابینكردنی خزمه‌تگوزارییه‌ بنه‌ڕه‌تی و رۆژانه‌ییه‌‌كان بۆ هاووڵاتیانی عێراق.




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP