Kurdî  ■  كوردی  ■  عربي
MON, 10 DEC 2018 07:55 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەركەوتنە مەزنەكەی پارتی
| KDP.info


ئاریان فەرەج

ئەمڕۆ ئەنجامە بەراییەكانی پێنجەمین خولی هەڵبژاردنی پەرلەمانی كوردستان و سەركەوتنە مەزنەكەی پارتی رادەگەیەندرێ.ئەو سەركەوتنەی لە لایەن كۆی خەڵكی كوردستان و یار و نەیاری پارتییەوە پێشبینی دەكرا.
ئەمجارەش زۆرینەی گەلی كوردستان بۆ بەڕێوەبردنی ووڵات و بۆ حوكمڕانییەكی باشتر و بۆ ئاوەدانییەكی فروانتر و بۆ چاكسازییەكی بنەڕەتی و گۆڕانكارییەكی گەورە، متمانە و دەنگ و پشتیوانییەكی گەورەی بە پارتی بەخشی. ئەو پارتییەی پێشتر هەرچی لەدەستهات و لە هەر كوێ دەسەڵاتی هەبوو ووڵاتی بوژاندەوە و ئاوەدانكردەوە، شێلگیرانە داكۆكی لە مافە رەوا و دەستورییەكانی خەڵكی كوردستان كرد و بەگژ مافخۆر و نكۆڵیكاراندا چووەوە. ئەو پارتییەی لە ریفراندۆمدا تێكڕای گەلی كوردستانی بەرەو دیاریكردنی مافی چارەنوس رابەرایەتی كرد. ئەو پارتییەی بە گیانی رۆڵەكانی دیفاعی لە خاكی كوردستان و شكۆ و كەرامەتی كوردستانییان كرد و داعش و پەلاماردەرانی تێكشكاند. ئەو پارتییەی لە هەموو لایەكەوە نیشانەی لێگیرایەوە و هەرچی تیری ژەهراوی بوو ئاراستەی كرا و بەڵام نە كۆڵی دا و نە مساوەمەی لەسەر مافەكانی كورد كرد و نە خۆی بەدەستەوە دا. ئەو پارتییەی پێشتر بەڵێنەكانی بردە سەر و ئەمجارەش نە بەردی گەورەی هەڵگرت و نە بەڵێنی بێ بنەمای عەوام فڕیودەری لە پێناو دەنگ كۆكردنەوەدا دەرخواردی خەڵك دا. ئەو پارتییەی وەك هەمیشە راستگۆ و سەر راست و یەك روو بوو لەگەڵ میللەتی خۆی. ئەو پارتیەی بڕوای بە هێز و جەماوەری خۆی و رێبازەكەی خۆی و تۆكمەیی و یەكگرتوویی خۆی و بڕوای بە هۆشیاریی گەل هەبوو، هەر بەو باوەڕەشەوە داخڵی تاقیكردنەوەكە بوو و هەر بە پشتی گەلیش سەركەوت.
ئەم سەركەوتنە مەزنە، پارتی دەخاتە بەردەم مەسئولیەتێكی لە جاران سەخت و جددیتر. دەیخاتە بەردەم وەفاداری و ئەجردانەوەی میلەت، دەیخاتە بەردەم ئیمتیحانی سەختی پاراستنی متمانە و عەهد و بەڵێنێك كە لەگەڵ گەلی كوردستاندا بە یەكدییان بەخشی.
پارتی سەركەوتنە مەزنەكەی بەدەستهێنا و لەبەرامبەریشدا خەڵك چاوەڕوانی كوردستانێكی بەهێز و كۆتایی فەوزای سیاسی و پەرلەمانێكی كارا و و حكومەتێكی تۆكمە و مونسەجیم و خزمەتگوزار و یاساسالار دەكەن. چاوەڕوانی رۆژگارێكی باشتر و گوزەرانێكی شایستەتر و دەسپێكردنەوەی ئاوەدانكاری و پەرەپێدانی كوردستان دەكەن.




دوایین هەواڵەکان

نێچیرڤان بارزانی سه‌ره‌خۆشی له‌ قه‌داسه‌تی پاتریارك مار گۆرگیسی سێیه‌م سڵێوه‌ ده‌كات

SUNDAY, 09 DECEMBER 2018 22:12:41

هه‌ولێر-KDP.info-  نێچیرڤان بارزانی سه‌رۆكوه‌زیرانی هه‌رێمی كوردستان، له‌ په‌یامێكدا هاوخه‌میی خۆی به‌ كۆچی دوایی خوشكی قەداسەتی پاتریارک مار گۆرگیسی سێیەم سڵێوە، پارتیارکی کەنیسەی ئاشووریی ڕۆژهەڵات لە جیهان و خانه‌واده‌كه‌ی ڕاده‌گه‌یێنێ كه‌ ئه‌مه‌ ده‌قه‌كه‌یه‌تی:

 
د.نەجمەدین کەریم: خیانەتی ١٦ ئۆکتۆبەر وایکرد ٥٠% خاک لە دەستبدەین

SUNDAY, 09 DECEMBER 2018 18:12:59

مێرگەسۆر-KDP.info-  بەڕێوەبەرایەتیی ڕۆشنبیریی هونەریی مێرگەسۆر و سەنتەری ڕۆشنبیریی مێرگەسۆر بۆ ساڵی چوارەم دیداری مێرگەسۆریان بەڕێوە برد و باس لە پاراستنی دەستكەوتەكانی هەرێمی كوردستان و بەهێزكردنی هەستی نەتەوایەتی لای تاكی كورد كرا.

 
فرسەت سۆفی: پارتی لە کوردستان هەوڵ بۆ چاکسازییەکی سەرتاسەری دەدات

SUNDAY, 09 DECEMBER 2018 18:12:28

ھەولێر-KDP.info- فرسەت سۆفی، ئەندامی فراکسیۆنی پارتی لە خولی پێشووی پەرلەمانی کوردستان ئاشکرای کرد کە بۆ پێکھێنانی کابینەی نوێی حکوومەتی ھەرێمی کوردستان، پارتی ھەوڵی حکوومەتێکی نوێ و  بەھێز دەدات و چوار ساڵی داھاتووش چاکسازییەکی سەرتاسەری لە ھەرێمی کوردستان ئەنجام دەدەین.

 
261 پارچەزەوی لە دهۆک دابەش کران

SUNDAY, 09 DECEMBER 2018 18:12:26

دهۆک -KDP.info- سەرۆکی کۆمەڵەی زێندانیانی سیاسی لە دهۆک ڕایگەیاند، ئەمڕۆ لە ڕێگای تیروپشکەوە ٢٦١ پارچەزەوی بۆ زێندانیانی سیاسی دابەش کران.

 
بەغدا دەیەوێ لە کاتی بەڕێوەچوونی سەرژمێریدا پێکھاتەکان لەسەر کورد ھەژمار نەکرێن

SUNDAY, 09 DECEMBER 2018 18:12:34

ھەولێر-KDP.info-   بڕیارە لە ساڵی دابێت ئامادەکاریی تەواو بۆ بەڕێوەچوونی سەرژمێریی گشتیی دانیشتوانی عێراق بکرێت و ئەندامێکی لیژنەی سەرژمێریش دەڵێ، بەغدا پیلانی ھەیە پرسیاری نەتەوە ھەر بە یەکجاری لە سەرژمێریی گشتیدا لاببرێت.

 


 
© 2018 Kurdistan Democratic Party, KDP