Kurdî  ■  كوردی  ■  عربي
FRI, 24 MAY 2019 14:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هێنانەوەی تەها محێدینێكی تر؛ (لەژێر ڕۆشنایی قسەكانی بەرهەم و سەعدی پیرە)
| KDP.info


چاودێرێك
دانانی کەسێک بۆ پۆستی سەرۆککۆمار دەبێ لە دەستی کورددا بێت و بە میکانیزمێکی کوردستانیانە کاندیدی بۆ دەستنیشان بکرێ و بە ئیجماعی هێزە کوردستانییەکان و لەنێو ماڵی کوردیدا بڕیاری لێ بدرێت، ئەوانەی مل بۆ ئەو میکانیزمە کوردستانییە نادەن، دەیانەوێ وەک جاری جاران (تەها محێدین مەعرووف)ێکی گوێ لەمستی غەیرەکورد لە بەغدا وەک سەرکۆمارێکی کارتۆنی دامەزرێنن. بەو جۆرەش پۆستەکە لە جیاتی پارێزەری بەرژەوەندیی کورد، دەبێتە پۆستی بزنس و پارە كۆكردنەوە بۆ چەند شەخسێك و دەبێتە مەترسی و چەکێک دژی کورد و بەرژەوەندییەکانی و لە هەموو مانایەکیش بەتاڵ دەبێتەوە.
پۆستی سەرکۆمار بەش و ئیستیحقاقی میللەتی کوردە نەک ئەشخاس و بنەماڵە و حزبێکی دیاریکراو، بەرهەم ساڵح و ئەو حزبەی کاندیدی کردووە، بە ڕازینەبوونییان بەو پێشنیازەی کە پۆستەکە لەلایەن فراکسیۆنە کوردستانییەکان یەکلا بکرێتەوە، دەیانەوێ ئەو پۆستە لە دەستی کورد دەربهێنن و خەڵکی تر بڕیاری لێ بدات، چونکە پێیان وایە ئەگەر بڕیارەکە کەوتە دەست خەڵکی دیکە و کۆی پەرلەمانتارانی عێراق، ئەوکات چانسی کاندیدەکەی ئەوان زیاتر دەبێ نەک کاندیدێکی کوردپەروەر و دڵسۆزی کوردستان.
پێداگیریی ناڕەوا و بێبەهانەی یەکێتی لەم مەسەلەیەدا، جگە لە هەوڵی كەڵەگایی و ملهوڕی، شتێکی دیکە نییە و قابیلی قبووڵ نییە و سەریش ناگرێ. ئەو ئیتیفاقە کۆنەی باسی دەکەن، کاتی خۆی بۆ تەوافوقی نێوان مام جەلالی رەحمەتی و سەرۆک بارزانی بوو، ئێستا نە مام جەلال ماوە كە پۆستەکە بۆ ئەو بێت، نە سەرۆک بارزانییش سەرۆکی هەرێمە. هەموو لایەك چاك وەبیریانە كە هەڵوێست و دژایەتیی یەکێتی لە بیستوسێی حوزەیرانی 2015، لە بابەتی سەرۆكایەتیی هەرێم كۆتایی بەو ڕێكکەوتنە هێنابوو و، ئێستا یەکێتی ناتوانێ تەشەبوسی پێبکات.
حاڵی حازر، بۆ ئەوەی ئەو پۆستە لە دەست کورد دەرنەچێ و لە نرخ و بەها بەتاڵ نەبێتەوە و نەبێتە کارتۆنی، تەنیا سێ رێگە لە پێشە: یا ئەوەتا کۆدەنگیی هێزە کوردستانییەکان لەسەر یەک کاندید دروست بێت، یان فراکسیۆنە کوردستانییەکان لە بەغدا لە نێو خۆیاندا یەک لە کاندیدەکان هەڵبژێرن، یانیش ئەوەتا بابەتەکە وەک ئیستیحقاقی ئینتیخابی بۆ حزبی یەکەمی براوە کە پارتی دیموکراتی کوردستانە یەکلا بکرێتەوە.
لەم میکانیزمانە بترازێ، هەر پێداگیری و بەزۆر سەپاندن و عینادیێکی یەکێتی، کە پێداگیرییەکی ناحەق و ناڕەوایە و بێڕێزییە بە دەنگ و ئیرادەی خەڵک و، ئەوەیشیان بۆ ناچێتە سەر.  




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP