Kurdî  ■  كوردی  ■  عربي
WED, 13 NOV 2019 16:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆک بارزانی پێشوازیی لە باڵیۆزی نوێی ژاپۆن لە عێراق کرد
| KDP.info


هەولێر-KDP.info-  سەرۆک بارزانی پێشوازیی لە باڵیۆزی نوێی ژاپۆن لە عێراق کرد و باڵیۆزی نوێی ژاپۆن ڕایگەیاند کە وڵاتەکەی بە گرینگییەکی زۆرەوە دەڕوانێتە کوردستان و هەوڵمان داوە پڕۆژەی ستراتیژی جێبەجێ بکەین و ئێستایش لە بوارەکانی ئاو و کارەبا و ئاوەڕۆ و بەنداو لە کوردستان هاوکاریی کوردستان دەکەین و هەوڵ دەدەین لەبواری کشتتوکاڵیشدا پڕۆژەمان هەبێت.

ڕۆژی دووشەممە، لە سەلاحەددین سەرۆك مەسعود بارزانی پێشوازی لە ناوفۆمی هاچیمۆتۆ، باڵیۆزی نوێی ژاپۆن لە عێراق کرد.
لە سەرەتای دیدارەکەدا، بەڕێز هاچیمۆتۆ، سوپاسی سەرۆک بارزانی کرد بۆ ڕەخساندنی دەرفەتی دیدارەکە و خۆشحاڵیی خۆی نیشان دا کە لە دەسپێکی کارەکانیدا وەک باڵیۆزی نوێی ژاپۆن لە عێراق، هاتۆتە کوردستان و لەگەڵ سەرۆک بارزانی کۆ دەبێتەوە.
باڵیۆزی ژاپۆن لەعێراق، ڕۆڵی کوردستانی لە پڕۆسەی سیاسیی عێراقدا بە کاریگەر و بەرز نرخاند و ڕاشیگەیاند کە، کوردستان ناوەندێکی گرینگی ئاشتی و ئارامییە لە ناوچەکەدا و ژاپۆن حەز دەکات لە هەموو بوارەکاندا پەیوەندییەکانی لەگەڵ کوردستان پەرە پێ بدات، بەتایبەتیی لەبواری ئابوورییدا و، ئەو ئاشتی و ئارامییە هاندرێکی بەهێزە بۆ وەبەرهێنان و ئێمەیش کاری زیاتری بۆ دەکەین. 

باڵیۆزی نوێی ژاپۆن هەروەها ڕایگەیاند کە وڵاتەکەی بە گرینگییەکی زۆرەوە دەڕوانێتە کوردستان و هەوڵمان داوە پڕۆژەی ستراتیژی جێبەجێ بکەین و ئێستایش لە بوارەکانی ئاو و کارەبا و ئاوەڕۆ و بەنداو لە کوردستان هاوکاریی کوردستان دەکەین و هەوڵ دەدەین لەبواری کشتتوکاڵیشدا پڕۆژەمان هەبێت.
لە بەرانبەردا سەرۆک بارزانی وێڕای بەخێرهێنان، هیوای سەرکەوتنی بۆ باڵیۆزی نوێی ژاپۆن خواست و ڕاشیگەیاند کە بۆ سەرکەوتنی پڕۆژەکانتان ئامادەی هەموو هاوکارییەکین. سەرۆک بارزانی پشتیوانیی خۆیشی بۆ زیاتر پەرەپێدانی پەیوەندییەکانی نێوان کوردستان و ژاپۆن نیشان دا.
هەر لە دیدارەکەدا لەبارەی ڕەوشی سیاسیی عێراق و کوردستان و ناوچەکە، بیروڕا ئاڵۆگۆڕ کرا.

 




دوایین هەواڵەکان

داعشە دەستگیرکراوەکان سەرئێشەی هەموو جیهانن.. چارەنووسیان چییە؟

WEDNESDAY, 13 NOVEMBER 2019 16:11:07

دهۆک -KDP.info- دوای نەمانی داعش، ئەو ڕێکخراوە گەورە تیرۆریستییەی لە عێراق و سووریا و بەشێک لە وڵاتانی تر سەری هەڵدا، بە هەزاران داعش دەستگیر کران، دوای دەستگیرکردنیشان ئەوان بوونەتە کێشەی گەورەی بەردەم جیهان. سەرکردەیەکی سەربازی دەڵێ، ئەوان سەرئێشەی گەورەی جیهانن.

 

نێچیرڤان بارزانى و به‌رهه‌م ساڵح جه‌خت له‌ ئارامى و سه‌قامگیریى عێراق ده‌كه‌نه‌وه‌

WEDNESDAY, 13 NOVEMBER 2019 15:11:13

هەولێر-KDP.info-  له‌ به‌رده‌وامیى سه‌ردانه‌كه‌یدا بۆ به‌غدا، به‌ڕێز نێچیرڤان بارزانى، سه‌رۆكى هه‌رێمى كوردستان و شاندى یاوه‌رى، پێشنیوه‌ڕۆى ئه‌مڕۆ چوارشه‌ممه‌ 13/11/2019 له‌ كۆشكى كۆماریى سه‌لام له‌ به‌غدا كۆبوونه‌وه‌.

 

پرسەنامەی مەكتەبی سیاسی بۆ حاجی عومەر ھێرۆیی

WEDNESDAY, 13 NOVEMBER 2019 15:11:35

هەڤاڵی بەڕێز، حاجی عومەر ھێرۆیی

 

نێچیرڤان بارزانى و حه‌لبووسى له‌ دۆخى عێراق و پرسى ده‌ستوور ده‌كۆڵنه‌وه‌

WEDNESDAY, 13 NOVEMBER 2019 15:11:48

هەولێر-KDP.info-  سه‌رۆك نێچیرڤان بارزانى ده‌رباره‌ى بابه‌تى هه‌موارى ده‌ستوورى عێراق دووپاتى كرده‌وه‌ كه‌ ده‌ستوور خۆى نا، به‌ڵكوو جێبه‌جێنه‌كردنى ده‌ستوور كێشه‌یه‌ و هه‌ر هه‌موار و گۆڕانكارییه‌كیش له‌ ده‌ستووردا، ده‌بێ له‌ به‌رژوه‌ندیى عێراق و له‌پێناو ئارامى و سه‌قامگیریى وڵاتدا بێت و مافه‌ ده‌ستوورییه‌كانى هه‌رێمى كوردستان و ته‌واوى پێكهاته‌كانى عێراق به‌گشتى بپارێزێت.

نێچیرڤان بارزانى و عه‌بدولمه‌هدى دۆخى عێراق تاوتوێ ده‌كه‌ن

WEDNESDAY, 13 NOVEMBER 2019 15:11:42

هەولێر-KDP.info-  به‌ڕێز نێچیرڤان بارزانى، سه‌رۆكى هه‌رێمى كوردستان پشتگیریى هه‌رێمى كوردستانى بۆ ئارامى و سه‌قامگیریى ئه‌منى و سیاسیى عێراق و هه‌نگاوه‌كانى حكوومه‌تى سه‌رۆك وه‌زیران به‌ڕێز عادل عه‌بدولمه‌هدى بۆ چاكسازى و به‌ده‌نگه‌وه‌چوونى داواكاریى ڕه‌واى هاووڵاتیان ده‌ربڕى، هه‌روه‌ها جه‌ختى له‌ پێویستى و گرنگیى هه‌ڵگرتنى به‌رپرسیاریه‌تى و پشتگیریى لایه‌نه‌ سیاسییه‌كان له‌ كابینه‌ى سه‌رۆك وه‌زیرانى عێراق بۆ چاكسازى و چاره‌سه‌ركردنى كێشه‌كان دووپات كرده‌وه‌.



 
© 2018 Kurdistan Democratic Party, KDP