دهۆک-KDP.info- پارتی ل پارێزگەها دهۆکێ ئێکەما بێ ڕکابەرە و دهۆکی خویاکرن دەنگێ خۆ ددەنە پارتی، چونکی پارتی بوو خۆ بۆ دوژمنی نەچەماندی و ناچەمینیت.
خەلکێ پارێزگەها دهۆکێ ب پشکا شێری یا دەنگێن خۆ ددەنە پارتی و دبینن، پارتیە شیایی بەری هەموو پارتێن کوردستانی بەرەڤانا سەرخەستنا گەلێ کورد بیت ل تەڤاهیا پارچێن کوردستانێ و ب تایبەت باشووری و هەر دڤی بیاڤی ژی دا، چالاکڤانەکی سیاسی دیاردکر، پارتی ئەو پارتا سەقامگیر و خودان بریار و خودانا سیاسەتا رونە کو بویە تەرەفێ سەرەکی د دەستنیشانکرنا نەخشە رێگایا سیاسی ل ھەرێما کوردستانێ.
هەلکەفت عەبدلواحید، کوڕێ شەهیدیە، بۆ ماڵپەرێ فەرمیی یێ پارتی دیموکراتی کوردستان گۆت، 'سەرکەفتنا مەزنا پارتی دێ حالەتێ حوکمرانیێ ل ھەرێما کوردستانێ جێگیرکەت، کوردستانێ ئێخیتە سەر رێرەوا چارەسەرکرنا قەیران و ئاریشەیان و خزمەتکرنا پێشخستنا ھەرێمێ.
گۆتژی: ''ئەف قوناغا ھەستیار و گھۆرینکاریێن دەڤەرێ ھەرێمەکا ب ھێزدڤێت سەربور و کاودان دیاردکەن ب ھێزبونا پارتی ب ھێزبونا ھەرێما کوردستانێ یە، ژبەر هندێ دێ دەنگێ خو دەمە لیستا 183.''
هەڤدەم، ڕاگەهاندنکارەکی پارێزگەها دهۆکێ ژی گۆت، پارتی، وەکو حزبەکا خودان مێژوویەکا دویرو درێژو پری سەروەری و دەستکەفت، بۆ خەلکێ هەرێما کوردستانێ، کو دهەمی قوناغ و بویەراندا، دهەمی خوشی و نەخوشیێن مللەتی دا، بەردەوام خو بخودانێ خەلکێ هەرێمێ زانی یە و بەردەوام خەبات ژبۆ پاراستن و بەرەڤ پێشڤەبرنا قەوارێ سیاسیێ هەرێمێ کریە.
کاوار نێروەیی زێدەتر گۆت، پارتی، وەکو حزبەکا نیشتیمانی، نەتەوەیی، ب درێژاهیا بزاڤاخویا سیاسیا چەکداری و مەدەنی دا، داکوکی ل ئاریشەیا سەرەکیا کوردان کریە، ئەوژی کێشەیا نەتەوەیی یه، کو ب درێژاهیا دیرۆکێ عەقلیەتا شوفێنستی یا ئیراقی هەمی بزاڤ کرینە، ژبو نەهێلانا کیانێ سیاسیێ کوردی و حەلاندنا نەتەوا کورد دناڤا خودا.
نێروەیی بۆ ماڵپەرێ فەرمیی یێ پارتی دیموکراتی دیارژی کر، دەنگدان بۆ لیستا 18٣ـێ، دەنگدانە ژبۆ پتر زامنکرنا وان دەستکەفتان یێن کو پارتی دناڤا دەستورێ ئیراقێ دا، چەسپاندین و ئەڤروکەژی دێ بەرەڤانیێ ژێ کەتن.
کــاروان بــاعەدری