Kurdî  ■  كوردی  ■  عربي
TUE, 18 JUN 2019 16:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ھۆزە عەرەبەکان داوا لە ھاووڵاتییانی عەرەب لە ھەرێم دەکەن دەنگ بە لیستی ١٨٣ی پارتی بدەن
| KDP.info


مووسڵ-KDP.info-  ھۆزە عەرەبەکانی ناوچە کوردستانییەکانی دەرەوەی ئیدارەی ھەرێمی کوردستان داوا دەکەن عەرەبەکانی ھەرێمی کوردستان، ئەوانەی مافی دەنگدانیان بۆ ھەڵبژاردنی پەرلەمانی کوردستان ھەیە، دەنگ بە لیستی ١٨٣ی پارتی بدەن، وەک وەفایەک بۆ ئەوەی حکوومەتی ھەرێم و پارتی پێشکەشی ئەوانی کردووە.

پارتی دیموکراتی کوردستان ھەمیشە جەختی لەوە کردووەتەوە کە پێویستە ڕێز لە ھەموو پێکھاتەکان بگیرێت بەبێ جیاوازی و دەرگای ھەرێمی کوردستانیش کرایەوە بۆ سەدان ھەزار عەرەب لە کاتی ھاتنی داعش و ھاوکاریی پێشکەش کردن و تاوەکو ئێستاش ژمارەیەکی زۆریان لە ھەرێمی کوردستان ماون.

شێخ مزاحم ئەلحویت، گوتەبێژی ھۆزە عەرەبەکانی ناوچە کوردستانییەکانی دەرەوەی ئیدارەی ھەرێمی کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: "ئەوەی پارتی دیموکراتی کوردستان و حکوومەتی ھەرێمی کوردستان بۆ ئاوارەکانی عەرەبیان کردووە ھیچ کاتێک لە یاد ناکرێت، چونکە ئەوان لە ھەرێمی کوردستان ھیچ کات ھەستیان بەوە نەکردووە ھاووڵاتیی ھەرێم نین و ھەمیشە وەکو ھاووڵاتیی ھەرێم مامەڵەیان لەگەڵ کراوە."

شێخ مزاحم ئەلحویت گوتیشی: "ھەڵوێستەکانی سەرۆک بارزانی بەرامبەر بە عەرەب جێگەی ڕێز و شانازین، چونکە یەکەمین سەرۆک بووە کەرامەت و شەرەفی عەرەبەکانی پاراستووە، کاتێک لە شەڕی داعش ئاوارە بوونە."

ئەلحویت باسی لەوەش کرد: "بە ھۆی ئەو ھەڵوێستانەی پارتی دیموکراتی کوردستان بەرامبەر بە عەرەبەکان ھەیبووە، ئێمەش پشتگیریی خۆمان بۆ لیستی ١٨٣ی پارتی دووپات دەکەینەوە و داوا لە ھەموو عەرەبەکانی ھەرێمی کوردستان دەکەین کە مافی دەنگدانیان ھەیە دەنگ بە لیستی پارتی بدەن وەکو وەفایەک بۆ ئەو ھاوکارییەی ئەوان بۆ عەرەبەکانیان کردووە و خزمەتی ئەوانیان کردووە."

بڵند ئیبراھیم

 




دوایین هەواڵەکان

مه‌كته‌بى سیاسیى پارتى پیرۆزبایى له‌ نێچیرڤان بارزانى ده‌كات

TUESDAY, 18 JUNE 2019 16:06:42

هەولێر-KDP.info-  به‌بۆنه‌ى ده‌ستبه‌كاربوونییه‌وه‌ وه‌ك سه‌رۆكى هه‌رێمى كوردستان و به‌مه‌به‌ستى پیرۆزباییكردن، مه‌كته‌بى سیاسیى پارتى دیموكراتى كوردستان، سه‌ردانى به‌ڕێز نێچیرڤان بارزانى كرد.

"سبەی پارتی لەبارەی ھەمواری یاسای ھەڵبژاردنی ئەنجومەنی پارێزگاکانی عێراقەوە کۆ دەبێتەوە"

TUESDAY, 18 JUNE 2019 16:06:17

هەولێر-KDP.info-  بڕیارە حەفتی دابێ پەرلەمانی عێراق ھەمواری پڕۆژەیاسای ھەڵبژاردنی ئەنجومەنی پارێزگاکانی عێراق بخاتە دەنگدانەوە و بەرپرسی ھەڵبژاردنەکانی پارتییش دەڵێ، چوارشەممە (١٩-٦-٢٠١٩) پارتی لەسەر ئەو بابەتە کۆ دەبێتەوە. دەشڵێ، پێداگیری لەسەر ھەڵوێستی پارتی دەکەن بۆ ئەوەی کۆرسییەکی کۆتا بۆ کوردانی فەیلی لە بەغدا زیاد بکرێت.

 
پێنجەمین بەنداوی گەورەی ھەرێمی کوردستان تەواو دەبێـت

TUESDAY, 18 JUNE 2019 16:06:02

دەربەندیخان-KDP.info- کارەکانی تایبەت بە تەواوکردنی پێنجەمین گەورەبەنداوی ھەرێمی کوردستان دەستیان پێ کردەوە و لە کۆتاییی مانگی ١١ـدا تەواو دەبێت. بەڕێوەبەری گشتیی بەنداو و کۆگاکانی ئاوی ھەرێمی کوردستانیش دەڵێت، بەنداوی دێوانە ٢٢ ملیۆن مەتر سێجا ئاو گل دەداتەوە.

 
"دانانی سندووقی سكاڵا له‌ كابینه‌ی نوێی حكوومه‌تدا هه‌نگاوێكی گرنگ ده‌بێت"

TUESDAY, 18 JUNE 2019 15:06:59

سلێمانی-KDP.info-  له‌ كابینه‌ی نوێی حكوومه‌تی هه‌رێمی كوردستاندا دامه‌زراوه‌یه‌ك بۆ سندووقی سكاڵا دادەمەزرێت كه‌  هاووڵاتییان و فه‌رمانبه‌رانی ده‌وڵه‌ت دەتوانن ڕاسته‌وخۆ كه‌موكووڕی و گه‌نده‌ڵی و ڕۆتینییاتی دامه‌زراوه‌كانی حكوومه‌ت له‌ ڕێگه‌ی سكاڵاوه‌ بگه‌یه‌ننه‌ به‌رپرسانی باڵای حكوومه‌ت.

سەرۆك بارزانی پێشوازی لە یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان کرد

TUESDAY, 18 JUNE 2019 14:06:30

هەولێر-KDP.info-  رۆژی سێشەممە 18ـی 6ـی 2019 لە سەلاحەددین سەرۆك مەسعود بارزانی پێشوازی لە كەریم ئەسعەد ئەحمەدخان یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان بۆ لێكۆلینەوە لە تاوانەكانی داعش و شاندێكی یاوەری كرد.



 
© 2018 Kurdistan Democratic Party, KDP