Kurdî  ■  كوردی  ■  عربي
SUN, 17 FEB 2019 11:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزارەتی پێشمەرگە: لەھەوڵداین بۆ ھێنانەوەی تەرمی ئەو سێ پێشمەرگەیەی لە حەویجە دۆزراونەتەوە
| KDP.info


 

هه‌ولێر-KDP.info- وەزارەتی پێشمەرگە کار بۆ ھێنانەوەی تەرمی ئەو سێ پێشمەرگەیە دەکات کە تەرمەکانیان لە قەزای حەویجەی کەرکووک دۆزراونەتەوە. جێگری سوپاسالاری وەزارەتی پێشمەرگەش دەڵێ، ڕێوڕەسمێکی شایستە بۆ ھێنانەوەی ئەو پێشمەرگانە دەکرێت.

لە کاتی بەرەنگاربوونەوەی تیرۆریستانی داعشدا ژمارەیەک پێشمەرگە بە دیلی و ھەندێکیش تەرمەکانیان کەوتنە دەست گرووپی تیرۆریستیی داعش و دوێنێ تەرمی سێ لەو پێشمەرگانە لە گەڕەکێکی شارۆچەی حەویجە دۆزراونەتەوە. لەوبارەیەوە، لیوا قارمان شێخ کەمال، جێگری سوپاسالاری پێشمەرگە بۆ ماڵپەڕی فەرمیی پارتی دیموکراتی کوردستانی پشتڕاست کردەوە: "تەرمی ھەرسێ پێشمەرگەکە لە گەڕەکی پیشەسازیی قەزای حەویجە دۆزراونەتەوە و لە کاتی ھێرشێکی تیرۆریستانی داعش بۆ سەر میحوەری ڕۆژئاوای کەرکووک ئەو سێ پێشمەرگەیە دوویان شەھید بوون و تەرمەکانیان کەوتبووە دەست تیرۆریستان و یەکێکی دیکەشیان بە برینداری کەوتبووە دەست داعش و دواتر شەھیدیان کردووە."

جێگری سوپاسالاری پێشمەرگە دەڵێت: "دوای ئاشکرابوونی شوێنی تەرمەکانیان ئێمە بەدواداچوونمان کردووە لە وەزارەتی پێشمەرگە و دەرکەوتووە، یەکێک لەوانە پلەی مولازمە و ئەوی تریان پلەی نەقیبی ھەیە و لەگەڵ پێشمەرگەیەک لای ئێمە پێشتر بە شەھید تۆمار کراون."

لیوا قارەمان شێخ کەمال ئاماژەی بۆ  ئەوە کرد: "لەبەر ئەوەی ھێزی پێشمەرگە لە سنووری کەرکووک نییە، وەزارەتی پێشمەرگە لەھەوڵدایە لەگەڵ حکوومەتی ھەرێمی کوردستان ھەماھەنگی لەگەڵ حکوومەتی عێراق بکات بۆ ھێنانەوەی تەرمی ئەو سێ شەھیدە قارەمانە و لە کاتی ھێنانەوەیاندا بۆ خاکی پیرۆزی کوردستان بێگومان ڕێوڕەسمێکی شایستەیان بۆ ئەنجام دەدرێت، بەڵام ھێشتا کاتی ھێنانەوەیان دیار نییە."

قائید میرۆ

 




دوایین هەواڵەکان

مەسروور بارزانی لەگەڵ ئەندامانی كۆنگرێسی ئەمەریكا كۆ بووەوە

SUNDAY, 17 FEBRUARY 2019 11:02:44

ئەڵمانیا-KDP.info- لە بەردەوامیی دیدار و كۆبوونەوەكانی لەگەڵ وەزیر و كاربەدەستانی وڵاتانی جیهان لە پەراوێزی كۆنگرەی ئاسایشی میونشن، مەسروور بارزانی، راوێژكاری ئەنجوومەنی ئاسایشی هەرێمی كوردستان، لەگەڵ ئیلیسا سلۆتكین و ئەلیسە ستافانیك، ئەندامانی كۆنگرێسی ئەمەریكا كۆ بووەوە.

 
ناوەڕۆكی كۆبوونەوەی مەسروور بارزانی و وەزیری دەوڵەت بۆ كاروباری دەرەوەی ئیمارات

SUNDAY, 17 FEBRUARY 2019 11:02:06

ئەڵمانیا-KDP.info- لە دووەم رۆژی كۆنفڕانسی ئاسایشی میونشندا، مەسروور بارزانی، راوێژكاری ئەنجوومەنی ئاسایشی هەرێمی كوردستان، دوێنێ شەممە 16/02/2019، لەگەڵ ئەنوەر قەرقاش، وەزیری دەوڵەت بۆ كاروباری دەرەوەی ئیمارات كۆ بووەوە.

 
ناوەڕۆكی كۆبوونەوەی مەسروور بارزانی و وەزیری دەوڵەت بۆ كاروباری دەرەوەی ئیمارات

SUNDAY, 17 FEBRUARY 2019 10:02:24

ئەڵمانیا-KDP.info- لە دووەم رۆژی كۆنفڕانسی ئاسایشی میونشندا، مەسروور بارزانی، راوێژكاری ئەنجوومەنی ئاسایشی هەرێمی كوردستان، دوێنێ شەممە 16/02/2019، لەگەڵ ئەنوەر قەرقاش، وەزیری دەوڵەت بۆ كاروباری دەرەوەی ئیمارات كۆ بووەوە.

 
مەسروور بارزانی و وەزیری بەرگریی ئەڵمانیا كۆ بوونەوە

SUNDAY, 17 FEBRUARY 2019 10:02:34

ئەڵمانیا-KDP.info- مەسروور بارزانی، راوێژكاری ئەنجوومەنی ئاسایشی هەرێمی كوردستان، لە دووەم رۆژی كۆنفڕانسی ئاسایشی میونشندا، دوێنێ شەممە 16/02/2019، لەگەڵ خاتوو ئۆرسۆلا ڤۆندێرلاین، وەزیری بەرگریی ئەڵمانیا كۆ بووەوە.

 
مەحموود عوسمان: نزیكبوونەوەی حیزبەكان لە ڕێككەوتن ئومێدبەخشە

SUNDAY, 17 FEBRUARY 2019 10:02:31

سلێمانی-KDP.info- حیزبەكانی براوەی هەڵبژاردنەكانی كوردستان، لە كۆبوونەوە و دانوستاندان بۆ پێكهێنانی كابینەی نۆیەمی حكوومەتی هەرێمی كوردستان، سیاسەتمەداری كورد مەحموود عوسمان دەڵێ، نزیكبوونەوەی حیزبەكان ئومێدبەخشە و، داواش دەكات بە زوویی حكوومەتی نوێ ڕابگەیەندرێت.

 


 
© 2018 Kurdistan Democratic Party, KDP