Kurdî  ■  كوردی  ■  عربي
THU, 22 AUG 2019 15:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

داعش ھەڵیکوتاوەتە سەر گوندێکی کوردنشینی پردێ
| KDP.info


 

پردێ-KDP.info-  شەوی ڕابردوو ھێزێکی چەکدارانی داعش چوونەتە ناو گوندێکی کوردنشینی ناحیەی پردێ و فەرماندەیەکی پێشمەرگەش دەڵێ، بە تەقەی گوندنشینان ھێزەکەی داعش پاشەکشەی کردووە و ھێزەکانی حەشدیش لە گوندەکە بوون و ھیچ وەڵامێکیان نەبووە.

 

عەقید ھێمن ساڵح، فەرماندەی پێشمەرگە لە میحوەری پردێ ئاشکرای کرد: "شەوی ڕابردوو مەفرەزەیەکی چەکدارانی داعش ھەڵیانکوتاوەتە سەر گوندێکی کوردنشینی سەر بە ناحیەی پردێ و دوای تەقەیەکی زۆری گوندنشینان چەکدارانی داعش گوندەکەیان بەجێ ھێشتووە، بەڵام ھێزەکانی حەشدی شەعبی ھیچ وەڵامێکیان بۆ ھاتنی چەکدارانی داعش نەبووە بۆ ناو گوندەکە."

 

فەرماندەکەی پێشمەرگە بە ماڵپەڕی فەرمیی پارتی دیموکراتی کوردستانی ڕاگەیاند: "ھێزەکەی داعش دوێنێ شەو چوونەتە نێو گوندی نەبیاوای سەر بە ناحیەی پردێ و دوای گەیشتنیان بۆ ناو گوندەکە درۆشم و ھۆتافی خۆیان لەسەر دیواری ماڵان هەڵواسیوە، تەنانەت چوونەتە چەند دووکانێک بۆ کڕینی کەلوپەل، ئەمە لە کاتێکدایە بارەگای حەشدی شەعبی لە گوندەکە ھەیە، بەڵام گوندنشینان تەقەیان کردووە و مەفرەزەکەی داعش پاشەکشەی کردووە."

 

ماوەی چەند مانگێکە شانەکانی داعش لە ناوچە کوردستانییە داگیرکراوەکان دەستیان بە چالاکی کردووە و ھێزەکانی عێراقیش توانای کۆنتڕۆڵکردنی ناوچەکەیان نییە. عەقید ھێمن ساڵح ئاماژەی بۆ ئەوە کرد: "چەکدارانی داعش لە سنووری ناحیەی پردێ بەرەو قەزای دوبز دەستیان بە جووڵە کردووە و ناوچەکە پڕ بووە لە مەفرەزەی گەڕۆکی داعش، سەیر لەوەدایە ھێزەکانی حەشدی شەعبی و پۆلیسی فیدڕاڵی ناتوانن بەرەنگاری ئەو مەفرەزانەی گرووپی داعش ببنەوە و ھەر کە ڕۆژ ئاوا بوو بە ھیچ شێوەیەک حەشد و پۆلیسی فیدڕاڵ لە بارەگاکانیان دەرناچن."

 

قائید میرۆ

 




دوایین هەواڵەکان

دارا جه‌لیل خه‌یات: ئومێدمان هەیە کۆمپانیا گەورەکانی جیهان لە بواری پیشەسازی و کشتوکاڵدا بێنە کوردستانەوە

THURSDAY, 22 AUGUST 2019 15:08:55

هەولێر-KDP.info-  سه‌رۆكی یه‌كێتیی ژووره‌ بازرگانی و پیشه‌سازییه‌كانی كوردستان باس له‌وه‌ ده‌كات جووڵه‌یه‌كی به‌هێز له‌ كوردستانه‌وه‌ هه‌یه‌ بۆ ڕاكێشان و پته‌وكردنی په‌یوه‌ندیی كوردستان و بازاڕی وڵاتانی جیهان. ده‌شڵێت، گرنگترین پرس ڕێخۆشكردنه‌ بۆ هاتنی كۆمپانیاكان بۆ ناو هه‌رێمی كوردستان.

 

عەزیز وەیسی: به‌رده‌وام مه‌شق و ڕاهێنان بە هێزی پێشمه‌رگه‌ ده‌كرێت

THURSDAY, 22 AUGUST 2019 15:08:08

هه‌ولێر-KDP.info- فه‌رمانده‌ی فه‌رمانده‌ییی پێشمه‌رگه‌ی زێره‌ڤانی گوتی، مه‌شق و ڕاهێنان به‌ هێزی پێشمه‌رگه‌ به‌رده‌وامه‌ و به‌هۆی مه‌شق و ڕاهێنانەوە هێزی پێشمه‌رگه‌ له‌ سه‌رده‌می شه‌ڕی داعش ماندووتره‌ و هیچ هێزێك بێ مه‌شقكردن نابێت. ئه‌ڵمانیاش یه‌كێكه‌ له‌و وڵاتانه‌ی به‌رده‌وامه‌ له‌ مه‌شق و ڕاهێنان به‌ هێزی پێشمه‌رگه‌ و به‌رده‌وامیش ده‌بێت.

 

قایمقامی كۆیە: ڕێگای كۆیە - دێگەڵە ١٥ ڕۆژی دیكە تەواو دەبێت

THURSDAY, 22 AUGUST 2019 13:08:09

كۆیە-KDP.info- پڕۆژەی چاككردنەوەی ڕێگای كۆیە - ھەولێر دەستی پێكردووە و لە ئێستادا قۆناغێكی باشی بڕیوە، قایمقامی شارۆچكەی كۆیەش دەڵێت، نزیكەی پانزە ڕۆژی دیكە رێگای كۆیە - دێگەڵە تەواو دەبێت و رێگای دێگەڵەش بۆ ھەولێر دەستی پێكردووە.

 
هەفتەی داهاتوو مووچەی كەمئەندامان دابه‌ش دەكرێت

THURSDAY, 22 AUGUST 2019 12:08:33

هەولێر-KDP.info- بەڕێوەبەری گشتیی وەزارەتی كاروباری كۆمەڵایەتیی حكوومەتی هەرێمی كوردستان گوتی، هەموو رێكارەكانی خەرجكردنی مووچەی كەمئەندامان تەواو بووە و هەفتەی داهاتوو مووچەیان بۆ خەرج دەكرێت.

 
هێڤیدار ئەحمەد: هەفتەی داهاتوو وەزیری دارایی بانگهێشتی پەرلەمان دەكەین

THURSDAY, 22 AUGUST 2019 12:08:30

هەولێر-KDP.info- جێگرى سەرۆكی لیژنەی دارایی پەرلەمانی كوردستان ئاشكرای دەكات، كە رۆژی دوو شەممەی هەفتەی دابێت، وەزیری دارایی بانگهێشت دەكەن، ئەمەش لە پێناو ئەوەی پێش ئەوەی پڕۆژەیاسای بودجەی گشتیی هەرێم رەوانەی پەرلەمان بكرێت، ئەوان زانیارییان هەبێت و گفتوگۆی بكەن.

 


 
© 2018 Kurdistan Democratic Party, KDP