Kurdî  ■  كوردی  ■  عربي
WED, 21 NOV 2018 23:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی و یەکێتی لیژنەیەکی هاوبەشیان پێوەست بە دۆخی کەرکووک پێک هێناوە
| KDP.info


 

کەرکووک-KDP.info- بەرپرسی لقی ٣ی پارتی دیموکراتی کوردستان لە کەرکووک گوتی، لیژنەیەک لە نێوان پارتی دیموکراتی کوردستان و یەکێتیی نیشتمانیی کوردستان لەبارەی کێشەکانی کەرکووکەوە دروست کراوە و لیژنەکە دەست بەکاری خۆی دەکات.

 

لە دوای ڕووداوەکانی ١٦ی ئۆکتۆبەر، حەشدی شەعبی و ھێزەکانی عێراق کەرکووکیان داگیر کردووە و لەو کاتەوە ئەنجومەنی پارێزگای کەرکووک پەکی کەوتووە و ئیدارەی ناشەرعیی کەرکووکیش بە کەیفی خۆی کاری نایاسایی بەرامبەر بە کورد دەکات.

 

پەیوەست بەم پرسە، د. محەمەد خورشید، بەرپرسی لقی سێی پارتی دیموکراتی کوردستان لە کەرکووک، بە ماڵپەڕی فەرمیی پارتی دیموکراتی کوردستانی ڕاگەیاند: "لە کۆبوونەوەی نێوان ھەردوو مەکتەبی سیاسیی پارتی دیموکراتی کوردستان و یەکێتیی نیشتمانیی کوردستان بە ئامادەبوونی سەرۆک بارزانی بڕیاری پێکھێنانی لیژنەیەکی ھاوبەش سەبارەت بە دۆخی کەرکووک و چارەکردنی کێشەکانی دراوە."

 

د.محەمەد خورشید گوتیشی: "لیژنەکە دروست کراوە و پێوەندیی بەردەوام لە نێوانیان ھەیە و لە دوو ڕۆژی داھاتوودا دەست بە کاری خۆیان دەکەن و پێشنیارەکانی خۆیان سەبارەت بە دۆخی کەرکووک دەدەنە ھەردوو مەکتەبی سیاسیی پارتی و یەکێتی و ئەوەی پێوەندیی بە بەغداوە ھەیە قسە لەگەڵ بەغدا دەکرێت."

سەبارەت بە ئەنجومەنی پارێزگا، خورشید گوتی: "پرسی کاراکردنەوەی ئەنجومەنی پارێزگای کەرکووکیش یەکێک دەبێت لەو خاڵانەی لیژنەکە کاری لەسەر دەکات."

 

بڵند ئیبراھیم 

 




دوایین هەواڵەکان

فوئاد حوسێن و نوێنەری تایبەتی سەرۆککۆماری رووسیا کۆبوونەوە

WEDNESDAY, 21 NOVEMBER 2018 19:11:41

بەغدا-KDP.info-  د.فوئاد حوسین جێگری سەرۆكوەزیران – وەزیری دارایی پێشوازی لە میخائیل بوگدانۆف نوێنەری تایبەتی سەرۆككۆماری رووسیا بۆ رۆژهەڵاتی ناوەڕاست وباكووری ئەفریقیا وبریكاری وەزارەتی دەرەوەی رووسیای فیدراڵ وشاندی یاوەری كرد.

پەرلەمان ژماره‌یه‌ك بڕیارى كابینه‌ى پێشووى حكوومه‌تى به‌غداى سڕكرد

WEDNESDAY, 21 NOVEMBER 2018 18:11:26

بەغدا-KDP.info-  ئه‌مڕۆ ئه‌نجوومه‌نى نوێنه‌ران بۆ تاوتوێكردنى چه‌ند پرسێك كۆبوویه‌وه‌ و ژماره‌یه‌ك بڕیارى كابینه‌ى پێشووى حكوومه‌تى به‌غداى سڕكرد.

 
مه‌سروور بارزانی بۆ فراکسیۆنی پارتی: ده‌بێ له‌م خوله‌ی ئێستادا سیستمێك بۆ خزمەتی کوردستانێکی بەهێز جێگیر بکرێت

WEDNESDAY, 21 NOVEMBER 2018 17:11:06

هەولێر-KDP.info-  مه‌سروور بارزانی له‌گه‌ڵ فراكسیۆنی پارتی له‌ په‌رله‌مانی كوردستان كۆبۆوه‌ و له‌ وته‌یه‌كیدا، داوای كرد له‌ ئاست ئه‌و متمانه‌یه‌دا بن، كه‌ هاووڵاتیان پێیانی داوه‌، هەروەها رایگەیاند کە ده‌بێ له‌م خوله‌ی ئێستادا سیستمێك بۆ خزمەتی کوردستانێکی بەهێز جێگیر بکرێت.

پڕۆژەکانی وەبەرھێنان لە هەولێر دەستیان بەکار کردووەتەوە

WEDNESDAY, 21 NOVEMBER 2018 15:11:54

هه‌ولێر-KDP.info- جگە لە سێ پڕۆژە ھەموو پڕۆژەکانی وەبەرھێنان لە سنووری پارێزگای ھەولێر دەستیان بە کار کردووەتەوە و بەڕێوەبەری گشتیی وەبەرھێنانیش دەڵێ، ژمارەیەک داوکاری لە لایەن وەبەرھێنانی بیانییەوە بۆ ئەنجامدانی پڕۆژە لە ھەرێمی کوردستان ھەیە.

 
بارەگای بارزانی سەرەخۆشیی لە خانه‌واده‌ی حه‌كیم عه‌بدوڵڵا كاكه‌ وه‌یس دەکات

WEDNESDAY, 21 NOVEMBER 2018 15:11:33

به‌ناوی خودای گه‌وره‌ و میهره‌بان



 
© 2018 Kurdistan Democratic Party, KDP