Kurdî  ■  كوردی  ■  عربي
TUE, 18 JUN 2019 16:32 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مه‌سروور بارزانی: 30ـی ئه‌یلول پارتی سه‌ركه‌وتنی گه‌وره‌ تۆمار ده‌كات
| KDP.info


 
دهۆك-KDP.info- مه‌سروور بارزانی ئه‌ندامی مه‌كته‌بی سیاسی پارتی دیموكراتی كوردستان له‌ رێوڕه‌سمی بانگه‌شه‌كردنی لیستی 183 پارتی له‌ پارێزگای دهۆك، وتارێكی پێشكه‌شكرد و رایگه‌یاند: "30ـی ئه‌یلول پارتی سه‌ركه‌وتنی گه‌وره‌ تۆمار ده‌كات و، سه‌ركه‌وتنی پارتیش سه‌ركه‌وتنی كوردستانه‌".
 
نیوه‌ڕۆی ئه‌مڕۆ 13 ئه‌یلول، پارتی دیموكراتی كوردستان له‌ پارێزگای دهۆك ده‌ستی به‌ بانگه‌شه‌ی هه‌ڵبژراردن بۆ لیستی 183ی حیزبه‌كه‌ی كرد.
 
له‌ژێر دروشمی "بونیادنانی كوردستانێكی به‌هێز"  له‌ كه‌رنه‌ڤاڵێكی جه‌ماوه‌ریدا له‌ شاری دهۆك پارتی دیموكراتی كوردستان ده‌ستی به‌ بانگه‌شه‌ بۆ لیستی 183 و كاندیده‌كانی له‌ سنووری پارێزگای دهۆك كرد.
 
له‌ كه‌رنه‌ڤاڵه‌كه‌دا مه‌سرور بارزانی وتارێكی پێشكه‌شی ئه‌ندام و لایه‌نگرانی دهۆك كرد و ڕایگه‌یاند: "ئێمه‌ سوپاسی خه‌ڵكی دهۆكی خۆشه‌ویست ده‌كه‌ین كه‌ وه‌ك چیایه‌كی سه‌ركێش له‌ پشتی سه‌ركه‌وتنه‌كانی پارتی بوون و پشتیوانی  هه‌میشه‌یی پارتی بوون.
 
ڕاشیگه‌یاند: ئیراده‌ی گه‌لی كوردستان كاتێ سه‌ركه‌وت كه‌ له‌ %93ی خه‌ڵكی كوردستان ده‌نگی به‌ سه‌ربه‌خۆبوونی كوردستان دا.
 
هه‌روه‌ها ڕاشیگه‌یاند: سه‌ركه‌وتنی پارتی سه‌ركه‌وتنی كوردستانه‌، چونكه‌ به‌ ده‌نگی ئێوه‌ پارتی سه‌ركه‌وتنی گه‌وره‌ی به‌ده‌ست هێنا و بوو به‌ حیزبی یه‌كه‌م له‌سه‌ر ئاستی عێراق.
 
ڕاشیگه‌یاند: په‌رله‌مانی داهاتوو ڕۆڵێكی گرینگ ده‌گێڕێت له‌ پێشكه‌وتنی هه‌رێمی كوردستان و بیرو باوه‌ڕی ئێوه‌ش په‌رله‌مانی داهاتوو پێش ده‌خات.
 
له‌ درێژه‌ی وتاره‌كه‌یدا مه‌سرور بارزانی ڕایگه‌یاند: به‌ سه‌رۆكایه‌تی سه‌رۆك مه‌سعوود بارزانی قۆناغه‌ سه‌خته‌كان تێده‌په‌ڕن .
 
گوتیشی:  له‌ ڕۆژی دامه‌زراندنییه‌وه‌ پارتی هه‌وڵی داوه‌ پارێزگاری له‌ مافه‌كانی گه‌لی كورد بكات و ئه‌ركی ئێمه‌شه‌ به‌رگری له‌ وڵات و نیشتیمان بكه‌ین.
 
هه‌روه‌ها گوتی: ئێمه‌ قه‌رزاری خوێنی شه‌هیدان و پێشمه‌رگه‌ قاره‌مانه‌كانی كوردستانین.
 
رۆژی 11/9/2018 لیستی 183 پارتی له‌ شاری هه‌ولێر به‌ وتارێكی سه‌رۆك مه‌سعوود بارزانی ده‌ستی به‌ هه‌ڵمه‌تی بانگه‌شه‌كردن بۆ لیسته‌كه‌ كرد و بڕیاره‌ رۆژانی داهاتوو به‌ چالاكی و ئاهه‌نگی جۆراوجۆر به‌رده‌وامی به‌ بانگه‌شه‌ بده‌ن.
 
پارتی دیموكراتی كوردستان به‌ قه‌واره‌یه‌كی سه‌ربه‌خۆ به‌شداری هه‌ڵبژاردنی كردووه‌و درووشمی سه‌ره‌كی لیستی 183 (بنیاتنانی كوردستانێكی به‌هێز)ـه‌.



دوایین هەواڵەکان

"سبەی پارتی لەبارەی ھەمواری یاسای ھەڵبژاردنی ئەنجومەنی پارێزگاکانی عێراقەوە کۆ دەبێتەوە"

TUESDAY, 18 JUNE 2019 16:06:17

هەولێر-KDP.info-  بڕیارە حەفتی دابێ پەرلەمانی عێراق ھەمواری پڕۆژەیاسای ھەڵبژاردنی ئەنجومەنی پارێزگاکانی عێراق بخاتە دەنگدانەوە و بەرپرسی ھەڵبژاردنەکانی پارتییش دەڵێ، چوارشەممە (١٩-٦-٢٠١٩) پارتی لەسەر ئەو بابەتە کۆ دەبێتەوە. دەشڵێ، پێداگیری لەسەر ھەڵوێستی پارتی دەکەن بۆ ئەوەی کۆرسییەکی کۆتا بۆ کوردانی فەیلی لە بەغدا زیاد بکرێت.

 
پێنجەمین بەنداوی گەورەی ھەرێمی کوردستان تەواو دەبێـت

TUESDAY, 18 JUNE 2019 16:06:02

دەربەندیخان-KDP.info- کارەکانی تایبەت بە تەواوکردنی پێنجەمین گەورەبەنداوی ھەرێمی کوردستان دەستیان پێ کردەوە و لە کۆتاییی مانگی ١١ـدا تەواو دەبێت. بەڕێوەبەری گشتیی بەنداو و کۆگاکانی ئاوی ھەرێمی کوردستانیش دەڵێت، بەنداوی دێوانە ٢٢ ملیۆن مەتر سێجا ئاو گل دەداتەوە.

 
"دانانی سندووقی سكاڵا له‌ كابینه‌ی نوێی حكوومه‌تدا هه‌نگاوێكی گرنگ ده‌بێت"

TUESDAY, 18 JUNE 2019 15:06:59

سلێمانی-KDP.info-  له‌ كابینه‌ی نوێی حكوومه‌تی هه‌رێمی كوردستاندا دامه‌زراوه‌یه‌ك بۆ سندووقی سكاڵا دادەمەزرێت كه‌  هاووڵاتییان و فه‌رمانبه‌رانی ده‌وڵه‌ت دەتوانن ڕاسته‌وخۆ كه‌موكووڕی و گه‌نده‌ڵی و ڕۆتینییاتی دامه‌زراوه‌كانی حكوومه‌ت له‌ ڕێگه‌ی سكاڵاوه‌ بگه‌یه‌ننه‌ به‌رپرسانی باڵای حكوومه‌ت.

سەرۆك بارزانی پێشوازی لە یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان کرد

TUESDAY, 18 JUNE 2019 14:06:30

هەولێر-KDP.info-  رۆژی سێشەممە 18ـی 6ـی 2019 لە سەلاحەددین سەرۆك مەسعود بارزانی پێشوازی لە كەریم ئەسعەد ئەحمەدخان یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان بۆ لێكۆلینەوە لە تاوانەكانی داعش و شاندێكی یاوەری كرد.

حكوومەتی هەرێم پێشوازی لە راپۆرتی كۆمیسیۆنی حكوومەتی ئەمەریكی دەكات

TUESDAY, 18 JUNE 2019 13:06:15

هەولێر-KDP.info- رۆژی 29ی نیسانی2019، كۆمسیۆنی حكوومەتی ئەمەریكی بۆ ئازادیی ئایینیی نێودەڵەتی، راپۆرتی ساڵانەی خۆی سەبارەت بە رەوشی پێكهاتە ئایینییەكان لە جیهان بڵاو كردەوە و لە بەشی تایبەت بە عێراقیش باس لە رەوشی پێكهاتەكان دەكات لە هەرێمی كوردستان. لەم بارەیەوە د. دیندار زێباری، رێكخەری راسپاردە نێودەوڵەتییەكان لە حكوومەتی هەرێم رایگەیاند: "ئێمە وەك حكوومەتی هەرێمی كوردستان، پێشوازی لە راپۆرتی كۆمیسیۆنی حكوومەتی ئەمەریكی بۆ ئازادییە ئایینییەكان دەكەین".

 


 
© 2018 Kurdistan Democratic Party, KDP