Kurdî  ■  كوردی  ■  عربي
TUE, 18 JUN 2019 16:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەمڕۆ بە ئامادەبوونی سەرۆك بارزانی، بانگەشەی لیستی ١٨٣ی پارتی دەست پێدەكات
| KDP.info


 

ھەولێر-KDP.info- ئەمڕۆ لە ھۆڵی سەعد عەبدوڵڵا لە شاری ھەولێر، بە ئامادەبوونی سەرۆك بارزانی و كاندیدان و جەماوەرێكی زۆری پارتی، بانگەشەی لیستی ١٨٣ی پارتی دیموكراتی كوردستان دەست پێدەكات و تێیدا سەرۆك بارزانی گوتارێك پێشكەش دەكات.

ئەمڕۆ بانگەشەی ھەڵبژاردنی پەرلەمانی كوردستان دەستی پێكرد و، پارتی دیموكراتی كوردستانیش بە لیستی ژمارە ١٨٣بەشداری لەو ھەڵبژاردنەدا دەكات، كە بۆ ئەم ھەڵبژاردنەیش بەرنامەیەكی تیروتەسەلی ئامادە كردووە و، سەرجەم خاڵەكانیش لە پێناو خزمەتكردنی خەڵكی كوردستانە.

خەسرۆ گۆران، بەرپرسی دەزگای ھەڵبژاردنی پارتی، بە ماڵپەڕی فەرمیی پارتی دیموكراتی كوردستانی ڕاگەیاند: "پارتی دیموكراتی كوردستان ئەمڕۆ بە لیستی ١٨٣ لە شاری ھەولێر و لە ھۆڵی سەعد عەبدوڵڵا، بە فەرمی دەست بە بانگەشەی ھەڵبژاردن دەكات و بەرنامەی خۆیشی بۆ ئەو ھەڵبژاردنە رادەگەیێنێت".

گۆران گوتیشی، لە مەراسیمی دەستپێكردنی بانگەشەدا بۆ لیستی ١٨٣ی پارتی دیموكراتی كوردستان، سەركردایەتیی پارتی دیموكراتی كوردستانیش بەشدار دەبێت و سەرەتا لە ھەولێر دەست پێدەكەن و دواتریش لە شارەكانی دیكەی كوردستان دەست بە بانگەشە دەكەن.

بەرپرسی دەزگای ھەڵبژاردنی پارتی، دەشڵێ: "زۆر باش خۆمان بۆ ئەو ھەڵبژاردنە ئامادە كردووە و پشتئەستوور بە جەماوەری خۆمان، زۆرترین دەنگ لە هەڵبژاردندا بە دەست دەهێنین"

لای خۆشیەوە، بڵند ئیسماعیل، بەرپرسی لقی ١٦ی پارتی دیموكراتی كوردستان لە دەوروبەری ھەولێر، بۆ ماڵپەڕی فەرمیی پارتی دیموكراتی كوردستان، گوتی: "مەراسیمی دەستپێكردنی بانگەشەی لیستی پارتی، ئەمڕۆ سەعات چواری ئێوارە بە ئامادەبوونی سەرۆك بارزانی و كاندیدان و جەماوەرێكی زۆری پارتی دەست پێدەكات و، تێیدا سەرۆك بارزانی گوتاری دەبێت و بەرنامەی پارتییش بۆ ئەو ھەڵبژاردنە ئاشكرا دەكرێت".

ئیسماعیل گوتیشی، پارتی دیموكراتی كوردستان زۆر باش خۆی بۆ ئەو ھەڵبژاردنە ئامادە كردووە و ئەمڕۆیش بە فەرمی بانگەشە دەست پێدەكات.

 

بڵند ئیبراھیم




دوایین هەواڵەکان

"سبەی پارتی لەبارەی ھەمواری یاسای ھەڵبژاردنی ئەنجومەنی پارێزگاکانی عێراقەوە کۆ دەبێتەوە"

TUESDAY, 18 JUNE 2019 16:06:17

هەولێر-KDP.info-  بڕیارە حەفتی دابێ پەرلەمانی عێراق ھەمواری پڕۆژەیاسای ھەڵبژاردنی ئەنجومەنی پارێزگاکانی عێراق بخاتە دەنگدانەوە و بەرپرسی ھەڵبژاردنەکانی پارتییش دەڵێ، چوارشەممە (١٩-٦-٢٠١٩) پارتی لەسەر ئەو بابەتە کۆ دەبێتەوە. دەشڵێ، پێداگیری لەسەر ھەڵوێستی پارتی دەکەن بۆ ئەوەی کۆرسییەکی کۆتا بۆ کوردانی فەیلی لە بەغدا زیاد بکرێت.

 
پێنجەمین بەنداوی گەورەی ھەرێمی کوردستان تەواو دەبێـت

TUESDAY, 18 JUNE 2019 16:06:02

دەربەندیخان-KDP.info- کارەکانی تایبەت بە تەواوکردنی پێنجەمین گەورەبەنداوی ھەرێمی کوردستان دەستیان پێ کردەوە و لە کۆتاییی مانگی ١١ـدا تەواو دەبێت. بەڕێوەبەری گشتیی بەنداو و کۆگاکانی ئاوی ھەرێمی کوردستانیش دەڵێت، بەنداوی دێوانە ٢٢ ملیۆن مەتر سێجا ئاو گل دەداتەوە.

 
"دانانی سندووقی سكاڵا له‌ كابینه‌ی نوێی حكوومه‌تدا هه‌نگاوێكی گرنگ ده‌بێت"

TUESDAY, 18 JUNE 2019 15:06:59

سلێمانی-KDP.info-  له‌ كابینه‌ی نوێی حكوومه‌تی هه‌رێمی كوردستاندا دامه‌زراوه‌یه‌ك بۆ سندووقی سكاڵا دادەمەزرێت كه‌  هاووڵاتییان و فه‌رمانبه‌رانی ده‌وڵه‌ت دەتوانن ڕاسته‌وخۆ كه‌موكووڕی و گه‌نده‌ڵی و ڕۆتینییاتی دامه‌زراوه‌كانی حكوومه‌ت له‌ ڕێگه‌ی سكاڵاوه‌ بگه‌یه‌ننه‌ به‌رپرسانی باڵای حكوومه‌ت.

سەرۆك بارزانی پێشوازی لە یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان کرد

TUESDAY, 18 JUNE 2019 14:06:30

هەولێر-KDP.info-  رۆژی سێشەممە 18ـی 6ـی 2019 لە سەلاحەددین سەرۆك مەسعود بارزانی پێشوازی لە كەریم ئەسعەد ئەحمەدخان یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان بۆ لێكۆلینەوە لە تاوانەكانی داعش و شاندێكی یاوەری كرد.

حكوومەتی هەرێم پێشوازی لە راپۆرتی كۆمیسیۆنی حكوومەتی ئەمەریكی دەكات

TUESDAY, 18 JUNE 2019 13:06:15

هەولێر-KDP.info- رۆژی 29ی نیسانی2019، كۆمسیۆنی حكوومەتی ئەمەریكی بۆ ئازادیی ئایینیی نێودەڵەتی، راپۆرتی ساڵانەی خۆی سەبارەت بە رەوشی پێكهاتە ئایینییەكان لە جیهان بڵاو كردەوە و لە بەشی تایبەت بە عێراقیش باس لە رەوشی پێكهاتەكان دەكات لە هەرێمی كوردستان. لەم بارەیەوە د. دیندار زێباری، رێكخەری راسپاردە نێودەوڵەتییەكان لە حكوومەتی هەرێم رایگەیاند: "ئێمە وەك حكوومەتی هەرێمی كوردستان، پێشوازی لە راپۆرتی كۆمیسیۆنی حكوومەتی ئەمەریكی بۆ ئازادییە ئایینییەكان دەكەین".

 


 
© 2018 Kurdistan Democratic Party, KDP