Kurdî  ■  كوردی  ■  عربي
THU, 20 SEP 2018 04:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەیلوول و پارتی پێشڕەو
| KDP.info


ئاریان فەرەج
بانگەشە بۆ حزبێك لە حزبەكان ناكەین، بانگەشەی ئێمە بۆ نوێكردنەوەی متمانەیە بەو پێشڕەوە نەبەزەی پەنجا و حەوت ساڵ لەمەوبەر بڵێسەی شۆڕشی مەزنی ئەیلوولی هەڵگیرساند و، هەموو كورد و كوردستانییانی لە پێناو یەك ئامانج و یەك باوەڕدا كۆكردەوە. ئەو پارتەی نەسرەوت و نەكەوت و كۆڵی نەدا تا بەمڕۆ گەیشتین. بانگەشە بۆ رابەرەكەی كوردایەتی و پارتە نەبەزەكەی مستەفا بارزانیی نەمر و مێژوویەكی لێوانلێو لە شكۆ و شانازی و شەهید و بەرخۆدان و كۆڵنەدان دەكەین.
دەنگ بەو پارتە دەدەین چلوچوار ساڵ لەمەوبەر فاشیزمی عەرەبی ناچار كرد لە ئاست ناسنامە و ماف و وجودی میللەتی كورد و خودموختاریی كوردستاندا بە چۆكدا بێت و، رێكکەوتتنامەی یازدەی ئازار مۆر بكات، ئەو بەڵگەنامە مێژووییەی بوو بە بەردی بناغەی كۆی ئەو دەسكەوتانەی لەوەدوا بۆ كورد بەدەست هاتن.
دەنگ بەو پارتە دەدەین كە دۆزی كوردی بە ناو ئەو هەموو هەوراز و نشێو و كارەسات و مەینەتی و پیلان و گەلەكۆمەكێ و دوژمن و دڕندەیەدا پەڕاندەوە و بەزیندوویی هێشتیەوە.
دەنگ بە پێشڕەوە سەرسەختەكەی كوردایەتی دەدەین كە مێژوو سەلماندی تا ئەو بەهێز بێت كوردستان بەهێزە، تا ئەو هەبێت كەس ناتوانێ سەودا بە مافی كردەوە بكات و كوردستان هەرزانفرۆش بكات. تا ئەو هەبێت زڕەخەونی ناحەزانی كورد بەدی نایەت، تا ئەو هەبێت ئومێدی ئیستقلال زیندووە، تا ئەو هەبێت شكۆی نەتەوەیی و ئیرادەی میللیمان ناشكێ و هیچ دوژمنێكی نكۆڵیكار زەفەر بە كورد نابات.
ئەمڕۆ دەست بە بانگەشەی هەڵبژاردن دەكەین، ئەو هەڵبژاردنەی زۆریان هەوڵ دا نەكرێ و دوابخرێ و ئەو ماف و ئیستیحقاقەی خەڵك زەوت بكەن. دەست بە بانگەشە دەكەین بۆ ئەو پارتە یەكگرتوو و سەنگین و سەركەوتوو و سەربەرزەی قەڵای ئومێدی كورد و چقڵی چاوی دوژمنانی كورد و كوردستانە. ئەو پارتە پێشڕەوەی خاكی سوتماكی كوردستانی ئاوەدان كردەوە و وڵاتی پەرەپێدا و لە دوژمن و تیرۆر و پەلاماری پاراست. قەوارەی هەرێمی كوردستانی بە یەكگرتوویی و بەهێزی هێشتەوە و خەونی نەزۆكی ناپاك و ناحەزانی لە گۆڕنا. شانی دایە بەر مەسئولیەت و ئاسۆی چارەسەری بە رووی قەیرانەكاندا كردەوە، ئێستایش بە متمانە و دەنگی گەل دەیەوێت دووبارە كوردستان بخاتەوە سەر راستەڕیی كاروانی گەشەسەندن و پێشكەوتن.
لە یادی شۆڕشی مەزنی ئەیلوولدا، پارتییەكان و كۆی نیشتمانپەروەر و رێبوارانی رێی كوردایەتی، بە هەمان گوڕوتینی ئەیلوول، بەرەو هەڵبژاردن و نوێكردنەوەی متمانە بۆ ئەو پارتە نەبەزە دەچن كە گەرەنتیی بەهێزی و سەربەرزی و شكۆداری كورد و كوردستانە.




دوایین هەواڵەکان

گوته‌بێژی پارتی: پارتی كاندیدی بۆ پۆستی سەرۆككۆماری عێراق دەبێت

WEDNESDAY, 19 SEPTEMBER 2018 20:09:28

هه‌ولێر-KDP.info-  پارتی دیموكراتی كوردستان ڕایده‌گه‌یێنێ، كە پۆستی سەرۆكی كۆمار ئیستحقاقی گەلی كوردستانە و نابێ هیچ لایەنێك تەنیا بە مڵكی خۆی بزانێت. پارتی له‌سه‌ر زاری گوته‌بێژی فه‌رمییه‌وه‌ جه‌ختیش ده‌كاته‌وه‌، كه‌ پارتی بۆ پڕكردنەوەی پۆستی سەرۆككۆماری عێراق كاندیدی خۆی دەبێت.

 
مه‌سروور بارزانی له‌گه‌ڵ شاندێكی باڵای سه‌ربازی ئیتاڵیا كۆبووەوە‌

WEDNESDAY, 19 SEPTEMBER 2018 17:09:55

هەولێر-KDP.info-  مه‌سروور بارزانی له‌گه‌ڵ شاندێكی باڵای سه‌ربازی ئیتاڵیا كۆبووەوە و‌ فه‌رمانده‌ی هێزه‌كانی ئیتاڵیا له‌ عێراق، باسی له‌ چالاكیی هێزه‌كانیان كرد و رایگه‌یاند، ئه‌وان وه‌ك حكوومه‌تی ئیتاڵیا له‌ به‌رنامه‌ی مه‌شقكردن به‌ هێزه‌كانی پێشمه‌رگه‌ به‌ شێوازێكی نوێ و جۆرایه‌تی پێشكه‌وتووتر به‌رده‌وام ده‌بێت، كه‌ له‌گه‌ڵ قۆناغی ئێستای شه‌ڕی تیرۆریستان بگونجێت.

دەیان چاودێری وڵاتان ناویان بۆ چاودێریکردنی هەڵبژاردن تۆمار کردووە

WEDNESDAY, 19 SEPTEMBER 2018 16:09:03

ھەولێر -KDP.info- سەرۆکی تۆڕی شەمس بۆ چاودێریکردنی ھەڵبژاردنەکان گوتی، تا ئێستا پرۆسەی بانگەشەی ھەڵبژاردنی پەرلەمانی کوردستان بە ئارامی بەڕێوە دەچێت و دەیان چاودێری وڵاتان، وەک ھەریەکە لە وڵاتانی ئەمەریکا و ژاپۆن بە فەرمی ناوی خۆیان بۆ چاودێریکردنی ھەڵبژاردنەکان تۆمار کردووە.

 
مه‌سروور بارزانی پێشوازی له‌ باڵیۆزی سوید له‌ عێراق کرد

WEDNESDAY, 19 SEPTEMBER 2018 15:09:52

هەولێر-KDP.info-  مه‌سروور بارزانی پێشوازی له‌ باڵیۆزی سوید له‌ عێراق كرد و لە دیدارەکەدا باڵیۆزی سوید له‌باره‌ی سیستمی سیاسی له‌ عێراقی فیدراڵ رایگه‌یاند، ئه‌وان پشتگیری له‌ سیستمێكی به‌هێز و هاوسه‌نگ و بنكه‌فره‌وان ده‌كه‌ن، كه‌ ره‌نگدانه‌وه‌ی پێكهاته‌كانی عێراق بێت و توانای دابینكردنی خزمه‌تگوزارییه‌ بنه‌ڕه‌تیه‌كانی هه‌بێت.

سەرۆک بارزانی لەگەڵ کەسایەتی و نوێنەرانی پێکهاتەکان و چینوتوێژەکانی شاری هەولێر کۆ بووه‌وە

WEDNESDAY, 19 SEPTEMBER 2018 15:09:32

هەولێر-KDP.info-  سەرۆک بارزانی سوپاسی خۆڕاگریی و ڕەوشتی بەرزی بەهاناوەچوونی خەڵکی لێقەوماو و میواندۆستیی خەڵکی شاری هەولێری کرد و ڕایگەیاند کە ئێوە سەلماندووتانە نیشتیمانپەرەوەر و خاوەن ڕەوشتێکی بەرزن و بەو ڕەوشتە بەرزەتانەوە نەتانهێشت ئاسایشی شارەکەتان تێکبچێت و بەوەیش خزمەتێکی گەورەتان بە سەقامگیری و ئاسایشی کوردستان کرد.



 
© 2018 Kurdistan Democratic Party, KDP