Kurdî  ■  كوردی  ■  عربي
THU, 20 SEP 2018 04:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هەمان عەقڵیەت
| KDP.info


ئاریان فەرەج

عەبادی دەڵێ ئامادە نییە لەبەرامبەر بەشداریی كورد لە پێكهێنانی گەورەترین كوتلەی پەرلەمانیدا، لەسەر كەركووك مساوەمە لەگەڵ كورد بكات، وەك ئەوەی كەركووك مڵكی ئەو بێت و سەودا و مامەڵەی پێوە بكات.
ئەم پیاوە پێدەچێ تا ئێستایش لەو راستییە سادەیە حاڵی نەبووبێت كە هەموو بەدبەختییەكانی عێراق و كۆی ئەو هەڵە سیاسییانەی روویان دا، دەرهاویشتەی ئەم عەقڵیەتە نەزۆك و بێكەڵك و خۆسەپێنە بوو. دەرهاویشتەی پێشێلی دەستوور بوو، گەر ئەوەی زانیبا هەڵبەت ئەو راستییەشی دەرك دەكرد كە كێشەی كەركووك لە دەستوورێكدا كە نەك هەر كورد بەڵكو زۆرینەی عێراق دەنگی بۆ داوە، نەخشەڕێی چارەسەری بۆ دەستنیشان كراوە، ئەوەی مل بۆ ئەو دەستوورەش نەدات ناتوانێ پشتگیریی پێكهاتەكان بە دەست بێنێ.
كورد وەك ناوی خۆی لە كوردستانیەتی كەركووك بێگومانە، بەڵگەنامە مێژوویی و جوگرافییەكانیش سەنەد و پشتیوانن، كاتێكیش كەوتە بەر هەڕەشەی داعش، بە خوێن سەلمێندرا شاری كێیە، دەركەوت كێ خوێنی بۆ دا و پاراستی و نەیهێشت بە دەردی مووسڵ بچێت. ئەوانەش كە ئێستا ئیدیعای خاوەندارێتی دەكەن و گوایە مساوەمەی لەسەر ناكەن، بینیمانن چۆن چنگ لەسەر شان هەڵاتن و لەبەردەم گورگی داعشدا بەجێیانهێشت. لە ریفراندۆمیشدا بۆ هەموو دونیا ڕوون بۆوە كەركووك چی دەوێت و كامەیە بڕیاری خەڵكەكەی.
بەڵام سەرباری ئەوەش، كورد چونكە باوەڕی بە دەستوور و رێگەچارەی یاسایی و سەردەمیانە و باوەڕی بە رێزگرتن لە بڕیار و ئیرادەی خەڵك هەیە، هەر لە دەسپێكەوە قبووڵی بوو كە بە سەرژمێری و بە تەتبیع و بە ئیستیفتای خەڵكەكەی، چارەنووسی كەركووك یەكلا بكرێتەوە نەك بە فەرزی ئەمری واقع.
كەركووك بەو حاڵەتە راگوزار و ناجۆر و كاتییەی ئێستا پێیدا گوزەر دەكات و لە نەتیجەی خیانەت كەوتۆتە بندەستی میلیشیا، نە ناسنامەكەی دەگۆڕێ و نە واقیعێكی نوێی درێژخایەنی بەسەردا فەرز دەكرێ، كەركووك یەكەمجاری نییە داگیر بكرێ و گەر بە داگیركردن بوایە دەمێك بوو كەركووك كوردستانی نەدەبوو. خەڵكانی زۆر لە عەبادی بەهێز و جەبەرووتتر خۆیان لە داگیركردنی كەركووكدا تاقی كردەوە و دواتر سەری خۆیان لەسەر دانا، حیساب هەڵچنین لەسەر ئەو رەوشە كاتییەی ئێستای كەركووك، بۆ كەسێك خەو بە گەڕێكی دیكەی سەرۆكوەزیرانییەوە ببینێ، كورتبینی و ناشایستەیییە، نەخوێندەنەوەی مێژووی دوور و نزیك و دەرس وەرنەگرتنە لە مێژوو. عەبادی چوار ساڵ چی بۆ عێراق كرد جگە لە دزینی سەركەوتنەكانی خەڵكی دیكە، جگە لەو ناڕەزایی و مەحرومییەی كە خەڵك بە خۆپیشاندان تەعبیریان لێ كرد، بە چ روویەكەوە قسەی لەخۆ گەورەتر دەكات و پێی وایە هێشتا لە بانگەشەی هەڵبژاردندایە!.
سنگ دەرپەڕاندن و موزایەدە بەسەر هاومەزهەب و كوتلە مونافیسەكاندا بە تایبەت لە بواری دژایەتیی خواستەكانی كورددا، لە بانگەشەی هەڵبژاردنیشدا دەنگی بۆ هیچ كوتلەیەكی شیعی و عەرەبی كۆ نەكردەوە، چجای ئێستا كە هەموان لەبەردەم پێكهێنانی كوتلەی گەورە و تەشكیلی حكوومەتدان، حكوومەتێك بێ رەزامەندی و پەسەندیی پێكهاتەی كورد، مەحاڵە رووناكی ببینێ. بۆیە ئەم جۆرە قسە و لێدوانە كات و زەمیەنەیان بەسەر چووە و بە دەردی كەس ناخۆن. 
 




دوایین هەواڵەکان

گوته‌بێژی پارتی: پارتی كاندیدی بۆ پۆستی سەرۆككۆماری عێراق دەبێت

WEDNESDAY, 19 SEPTEMBER 2018 20:09:28

هه‌ولێر-KDP.info-  پارتی دیموكراتی كوردستان ڕایده‌گه‌یێنێ، كە پۆستی سەرۆكی كۆمار ئیستحقاقی گەلی كوردستانە و نابێ هیچ لایەنێك تەنیا بە مڵكی خۆی بزانێت. پارتی له‌سه‌ر زاری گوته‌بێژی فه‌رمییه‌وه‌ جه‌ختیش ده‌كاته‌وه‌، كه‌ پارتی بۆ پڕكردنەوەی پۆستی سەرۆككۆماری عێراق كاندیدی خۆی دەبێت.

 
مه‌سروور بارزانی له‌گه‌ڵ شاندێكی باڵای سه‌ربازی ئیتاڵیا كۆبووەوە‌

WEDNESDAY, 19 SEPTEMBER 2018 17:09:55

هەولێر-KDP.info-  مه‌سروور بارزانی له‌گه‌ڵ شاندێكی باڵای سه‌ربازی ئیتاڵیا كۆبووەوە و‌ فه‌رمانده‌ی هێزه‌كانی ئیتاڵیا له‌ عێراق، باسی له‌ چالاكیی هێزه‌كانیان كرد و رایگه‌یاند، ئه‌وان وه‌ك حكوومه‌تی ئیتاڵیا له‌ به‌رنامه‌ی مه‌شقكردن به‌ هێزه‌كانی پێشمه‌رگه‌ به‌ شێوازێكی نوێ و جۆرایه‌تی پێشكه‌وتووتر به‌رده‌وام ده‌بێت، كه‌ له‌گه‌ڵ قۆناغی ئێستای شه‌ڕی تیرۆریستان بگونجێت.

دەیان چاودێری وڵاتان ناویان بۆ چاودێریکردنی هەڵبژاردن تۆمار کردووە

WEDNESDAY, 19 SEPTEMBER 2018 16:09:03

ھەولێر -KDP.info- سەرۆکی تۆڕی شەمس بۆ چاودێریکردنی ھەڵبژاردنەکان گوتی، تا ئێستا پرۆسەی بانگەشەی ھەڵبژاردنی پەرلەمانی کوردستان بە ئارامی بەڕێوە دەچێت و دەیان چاودێری وڵاتان، وەک ھەریەکە لە وڵاتانی ئەمەریکا و ژاپۆن بە فەرمی ناوی خۆیان بۆ چاودێریکردنی ھەڵبژاردنەکان تۆمار کردووە.

 
مه‌سروور بارزانی پێشوازی له‌ باڵیۆزی سوید له‌ عێراق کرد

WEDNESDAY, 19 SEPTEMBER 2018 15:09:52

هەولێر-KDP.info-  مه‌سروور بارزانی پێشوازی له‌ باڵیۆزی سوید له‌ عێراق كرد و لە دیدارەکەدا باڵیۆزی سوید له‌باره‌ی سیستمی سیاسی له‌ عێراقی فیدراڵ رایگه‌یاند، ئه‌وان پشتگیری له‌ سیستمێكی به‌هێز و هاوسه‌نگ و بنكه‌فره‌وان ده‌كه‌ن، كه‌ ره‌نگدانه‌وه‌ی پێكهاته‌كانی عێراق بێت و توانای دابینكردنی خزمه‌تگوزارییه‌ بنه‌ڕه‌تیه‌كانی هه‌بێت.

سەرۆک بارزانی لەگەڵ کەسایەتی و نوێنەرانی پێکهاتەکان و چینوتوێژەکانی شاری هەولێر کۆ بووه‌وە

WEDNESDAY, 19 SEPTEMBER 2018 15:09:32

هەولێر-KDP.info-  سەرۆک بارزانی سوپاسی خۆڕاگریی و ڕەوشتی بەرزی بەهاناوەچوونی خەڵکی لێقەوماو و میواندۆستیی خەڵکی شاری هەولێری کرد و ڕایگەیاند کە ئێوە سەلماندووتانە نیشتیمانپەرەوەر و خاوەن ڕەوشتێکی بەرزن و بەو ڕەوشتە بەرزەتانەوە نەتانهێشت ئاسایشی شارەکەتان تێکبچێت و بەوەیش خزمەتێکی گەورەتان بە سەقامگیری و ئاسایشی کوردستان کرد.



 
© 2018 Kurdistan Democratic Party, KDP