Kurdî  ■  كوردی  ■  عربي
TUE, 18 JUN 2019 16:38 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"پەکەکە ٣٠٠ کەسی ئێزدیی ڕفاندووە"
| KDP.info


 

شنگال-KDP.info-  پەکەکە تۆمەتبارە بە ڕفاندنی منداڵانی کوردی ئێزدی و بە پێی زانیارییەکان ٣٠٠ منداڵی ئێزدی لە لایەن پەکەکەوە ڕفێندراون و بەشێک لەوانە بۆ قەندیل براون و مەشق و ڕاھێنانیان پێ دەکرێت.

 

لە کاتی ھێرشی گرووپی تیرۆرستیی داعش بۆ سەر دەڤەری شنگال ژمارەیەک چەکداری پارتی کرێکارانی کوردستان کەڵکیان لەو بۆشاییە ئەمنییەی ناوچەکە وەرگرت و بە زۆر خۆیان بەسەر شنگالدا سەپاند. کاوە عیدۆ خەتاری، سەرۆکی ڕێکخراوی جڤین بۆ گەشەپێدانی کوردانی ئێزدی، پێی وایە ھەبوونی ھێزەکانی پەکەکە و ھێزەکانی دیکەی وەک حەشد و هێزەکانی عێراق بوونەتە سەرچاوەی کێشە بۆ دەڤەری شنگال و یەکێک لە ھۆکارەکانی سەقامگیرنەبوونی ڕەوشی قەزای شنگال بۆ ھەبوونی ئەو ھێزانە دەگەڕێتەوە.

 

کوردانی ئێزدی پەکەکە بە ڕفاندنی منداڵەکانیان تۆمەتبار دەکەن لە شنگال و تا ئێستا ژمارەیەک منداڵ دیار نەماون و دواتر دەرکەوتووە لە نێو ھێزەکانی پەکەکەدان. کاوە عیدۆ بۆ ماڵپەڕی فەرمیی پارتی دیموکراتی کوردستان ئاشکرای کرد: "جگە لە ئاڵۆزکردنی ڕەوشی شنگال، پەکەکە دەستی ھەبووە لە ڕفاندنی ژمارەیەک ھاووڵاتیی کوردی ئێزدیدا و بە پێی ئاماری بەردەست تا ئیستا ٣٠٠ منداڵ و ھەرزەکاری ئێزدی لە لایەن پەکەکەوە ڕفێندراون."

 

خەتاری ئاماژەی بۆ ئەوە کرد: "ئەو ئێزدییانە بە دوو شێوە ڕفێندراون لە لایەن پەکەکەوە، بەشێکیان لە کاتی ھێرشی سەر شنگال ڕوویان لە ڕۆژئاوای کوردستان کردووە و لەوێ پەکەکە چەکداری کردوون، بەشێکی دیکە لە شنگال ڕفێندراون و زانیاریمان ھەیە بردراون بۆ قەندیل و شوێنەکانی دیکەی کوردستان، کێشەی سەرەکی لەوەدایە زۆرێک لەوان لە خوار تەمەنی یاسایی و بە پێی یاسا نێوخۆیی و جیھانییەکان قەدەغەیە کاری سیاسی و چەکداری بەو منداڵ و ھەرزانە بکرێت."

 

قائید میرۆ




دوایین هەواڵەکان

مه‌كته‌بى سیاسیى پارتى پیرۆزبایى له‌ نێچیرڤان بارزانى ده‌كات

TUESDAY, 18 JUNE 2019 16:06:42

هەولێر-KDP.info-  به‌بۆنه‌ى ده‌ستبه‌كاربوونییه‌وه‌ وه‌ك سه‌رۆكى هه‌رێمى كوردستان و به‌مه‌به‌ستى پیرۆزباییكردن، مه‌كته‌بى سیاسیى پارتى دیموكراتى كوردستان، سه‌ردانى به‌ڕێز نێچیرڤان بارزانى كرد.

"سبەی پارتی لەبارەی ھەمواری یاسای ھەڵبژاردنی ئەنجومەنی پارێزگاکانی عێراقەوە کۆ دەبێتەوە"

TUESDAY, 18 JUNE 2019 16:06:17

هەولێر-KDP.info-  بڕیارە حەفتی دابێ پەرلەمانی عێراق ھەمواری پڕۆژەیاسای ھەڵبژاردنی ئەنجومەنی پارێزگاکانی عێراق بخاتە دەنگدانەوە و بەرپرسی ھەڵبژاردنەکانی پارتییش دەڵێ، چوارشەممە (١٩-٦-٢٠١٩) پارتی لەسەر ئەو بابەتە کۆ دەبێتەوە. دەشڵێ، پێداگیری لەسەر ھەڵوێستی پارتی دەکەن بۆ ئەوەی کۆرسییەکی کۆتا بۆ کوردانی فەیلی لە بەغدا زیاد بکرێت.

 
پێنجەمین بەنداوی گەورەی ھەرێمی کوردستان تەواو دەبێـت

TUESDAY, 18 JUNE 2019 16:06:02

دەربەندیخان-KDP.info- کارەکانی تایبەت بە تەواوکردنی پێنجەمین گەورەبەنداوی ھەرێمی کوردستان دەستیان پێ کردەوە و لە کۆتاییی مانگی ١١ـدا تەواو دەبێت. بەڕێوەبەری گشتیی بەنداو و کۆگاکانی ئاوی ھەرێمی کوردستانیش دەڵێت، بەنداوی دێوانە ٢٢ ملیۆن مەتر سێجا ئاو گل دەداتەوە.

 
"دانانی سندووقی سكاڵا له‌ كابینه‌ی نوێی حكوومه‌تدا هه‌نگاوێكی گرنگ ده‌بێت"

TUESDAY, 18 JUNE 2019 15:06:59

سلێمانی-KDP.info-  له‌ كابینه‌ی نوێی حكوومه‌تی هه‌رێمی كوردستاندا دامه‌زراوه‌یه‌ك بۆ سندووقی سكاڵا دادەمەزرێت كه‌  هاووڵاتییان و فه‌رمانبه‌رانی ده‌وڵه‌ت دەتوانن ڕاسته‌وخۆ كه‌موكووڕی و گه‌نده‌ڵی و ڕۆتینییاتی دامه‌زراوه‌كانی حكوومه‌ت له‌ ڕێگه‌ی سكاڵاوه‌ بگه‌یه‌ننه‌ به‌رپرسانی باڵای حكوومه‌ت.

سەرۆك بارزانی پێشوازی لە یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان کرد

TUESDAY, 18 JUNE 2019 14:06:30

هەولێر-KDP.info-  رۆژی سێشەممە 18ـی 6ـی 2019 لە سەلاحەددین سەرۆك مەسعود بارزانی پێشوازی لە كەریم ئەسعەد ئەحمەدخان یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان بۆ لێكۆلینەوە لە تاوانەكانی داعش و شاندێكی یاوەری كرد.



 
© 2018 Kurdistan Democratic Party, KDP