Kurdî  ■  كوردی  ■  عربي
TUE, 18 JUN 2019 16:37 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌رۆك بارزانی: بیر له‌ دواخستنی هه‌ڵبژاردن مه‌كه‌نه‌وه‌
| KDP.info



هه‌ولێر-KDP.info-  سه‌رۆك بارزانی، له رێوڕه‌سمی 72ه‌مین ساڵیادی پارتی دیموكراتی كوردستان له‌ هه‌ولێر، رایگه‌یاند، پارتی زیاتر وه‌كو بزووتنه‌وه‌یه‌كی نه‌ته‌وه‌یی ده‌ركه‌وتووه‌، ئه‌گه‌رچی پارتی به‌ ته‌مه‌ن پیره‌، به‌ڵام به‌ كردار گه‌نجه‌. هاوكات ڕایگه‌یاند، وەك پارتی بەهیچ شێوەیە لەگەڵ دواخستنی هەڵبژاردنی پەرلەمانی كوردستاندا نین.

ئێوارەی ڕۆژی پێنجشەممە 16ـی ئابی 2018 لە شاری هەولێر سەرۆك مەسعود بارزانی بەشداری لە مەراسیمی یادی 72 ساڵەی دامەزراندنی پارتی دیموكراتی كوردستاندا كرد.

لەو مەراسیمە كە بە ئامادەبوونی ژمارەیەكی زۆر لە كەسایەتییە سیاسی و حزبییەكان و سەرۆك و سكرتێر و ئەندامی لایەنە سیاسییەكان و كونسوڵ و نوێنەری وڵاتان و ڕێكخراوەكانی كۆمەڵگەی مەدەنی و بەرپرسانی ئیداریی هەرێمی كوردستان لە هۆتێل ڕۆتانای شاری هەولێر بەڕێوەچوو، سەرەتا وتاری بەخێرهێنانی میوانەكان لە لایەن هۆشیار زێباری ئەندامی مەكتەبی سیاسیی پارتی بە زمانی عەرەبی و ئینگلیزی خوێندرایەوە. پاشان سەرۆك بارزانی وتارێكی بۆ ئامادەبووانی مەراسیمەكە پێشكەش كرد.

سەرۆك بارزانی لە وتارەكەیدا پاش بەخێرهێنانی میوانەكان، سڵاوی بۆ دامەزرێنەری پارتی و هەڤاڵەكانی بارزانیی نەمر هنارد و سوپاسی ئەندام و لایەنگر و كادیر و جەماوەری پارتیشی كرد كە هەمیشە پشت و پەنای پارتی دیموكراتی كوردستان بوونە. هەروەها ئاماژەیشی بەوەدا كە پارتی پەناگە بووە بۆ تێكۆشەر و خەباتگێڕانی كوردستان و بۆ ماوەیەكی دوورودرێژ هەر لە دامەزراندنییەوە هەتا شۆڕشی ئەیلوول پارتی نەیهێشت كە گەلی كورد تووشی نائومێدی ببێت.

 لەدرێژەی وتەكانیدا سەرۆك بارزانی ئاماژەی بە بایەخی شۆڕشی ئەیلوول دا و ئەوەی خستەڕوو كە شۆڕشی ئەیلوول شۆڕشێكی سیاسی و نەتەوەیی و كۆمەڵایەتی و سەرتاسەریی كوردستان بووە و هیچ كات هاوشێوەی دوژمنان دەستی بۆ ئازاردانی خەڵك نەبرد و شۆڕشی ئەیلوول وای كرد كە ناكۆكیی لەگەڵ ڕژێم نەبێتە ناكۆكیی نێوان نەتەوەكان.

سەرۆك بارزانی وێڕای ئاماژەدان بە قارەمانێتی و خۆڕاگریی خەڵكی كوردستان و سەركردە و پێشمەرگەكان لە شەڕی داعش و ڕووداوەكانی شازدەی ئۆكتۆبەر ئەوەی دووپات كردەوە كە ئێستا كاتی ئەوەیە هەموو لایەك بەخۆماندا بچبنەوە و پارتیش دەستی برایەتی و هاوكاری بۆ هەموو لایەك درێژ دەكات چونكە دەستكەوتەكان تەنیا لەكاتی پێكەوەبوون دێنە دی و دەپارێزرێن. داوایشی كرد كە لایەنە كوردستانییەكان لەجیاتی یەكترشكاندن پێكەوە گفتوگۆ لەگەڵ بەغدادا بكەن.

سەرۆك بارزانی جەختیشی لەوە كردەوە كە پێویستە لەجیاتی ئەوەی لایەنەكان بیر لە دواخستنی هەڵبژاردن بكەنەوە كار بۆ هەڵبژاردنێكی باش و بەهێز بكەن بۆ ئەوەی حكوومەتێكی بەهێز دروست ببێ كە بتوانێت چاكسازی بكات و كێشەكانی خەڵك چارەسەر بكات.

لە كۆتایی وتارەكەیدا سەرۆك بارزانی یادی داستانی بێوێنەی خۆاكوڕكی كردەوە و پێزانینی بۆ قارەمانێتیی پێشمەرگە هەبوو لە ڕووبەڕووبوونەوەی دوژمن.

 

 




دوایین هەواڵەکان

مه‌كته‌بى سیاسیى پارتى پیرۆزبایى له‌ نێچیرڤان بارزانى ده‌كات

TUESDAY, 18 JUNE 2019 16:06:42

هەولێر-KDP.info-  به‌بۆنه‌ى ده‌ستبه‌كاربوونییه‌وه‌ وه‌ك سه‌رۆكى هه‌رێمى كوردستان و به‌مه‌به‌ستى پیرۆزباییكردن، مه‌كته‌بى سیاسیى پارتى دیموكراتى كوردستان، سه‌ردانى به‌ڕێز نێچیرڤان بارزانى كرد.

"سبەی پارتی لەبارەی ھەمواری یاسای ھەڵبژاردنی ئەنجومەنی پارێزگاکانی عێراقەوە کۆ دەبێتەوە"

TUESDAY, 18 JUNE 2019 16:06:17

هەولێر-KDP.info-  بڕیارە حەفتی دابێ پەرلەمانی عێراق ھەمواری پڕۆژەیاسای ھەڵبژاردنی ئەنجومەنی پارێزگاکانی عێراق بخاتە دەنگدانەوە و بەرپرسی ھەڵبژاردنەکانی پارتییش دەڵێ، چوارشەممە (١٩-٦-٢٠١٩) پارتی لەسەر ئەو بابەتە کۆ دەبێتەوە. دەشڵێ، پێداگیری لەسەر ھەڵوێستی پارتی دەکەن بۆ ئەوەی کۆرسییەکی کۆتا بۆ کوردانی فەیلی لە بەغدا زیاد بکرێت.

 
پێنجەمین بەنداوی گەورەی ھەرێمی کوردستان تەواو دەبێـت

TUESDAY, 18 JUNE 2019 16:06:02

دەربەندیخان-KDP.info- کارەکانی تایبەت بە تەواوکردنی پێنجەمین گەورەبەنداوی ھەرێمی کوردستان دەستیان پێ کردەوە و لە کۆتاییی مانگی ١١ـدا تەواو دەبێت. بەڕێوەبەری گشتیی بەنداو و کۆگاکانی ئاوی ھەرێمی کوردستانیش دەڵێت، بەنداوی دێوانە ٢٢ ملیۆن مەتر سێجا ئاو گل دەداتەوە.

 
"دانانی سندووقی سكاڵا له‌ كابینه‌ی نوێی حكوومه‌تدا هه‌نگاوێكی گرنگ ده‌بێت"

TUESDAY, 18 JUNE 2019 15:06:59

سلێمانی-KDP.info-  له‌ كابینه‌ی نوێی حكوومه‌تی هه‌رێمی كوردستاندا دامه‌زراوه‌یه‌ك بۆ سندووقی سكاڵا دادەمەزرێت كه‌  هاووڵاتییان و فه‌رمانبه‌رانی ده‌وڵه‌ت دەتوانن ڕاسته‌وخۆ كه‌موكووڕی و گه‌نده‌ڵی و ڕۆتینییاتی دامه‌زراوه‌كانی حكوومه‌ت له‌ ڕێگه‌ی سكاڵاوه‌ بگه‌یه‌ننه‌ به‌رپرسانی باڵای حكوومه‌ت.

سەرۆك بارزانی پێشوازی لە یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان کرد

TUESDAY, 18 JUNE 2019 14:06:30

هەولێر-KDP.info-  رۆژی سێشەممە 18ـی 6ـی 2019 لە سەلاحەددین سەرۆك مەسعود بارزانی پێشوازی لە كەریم ئەسعەد ئەحمەدخان یاریدەدەر و ڕاوێژكاری تایبەتی سكرتێری گشتیی ڕێكخراوی نەتەوە یەكگرتووەكان بۆ لێكۆلینەوە لە تاوانەكانی داعش و شاندێكی یاوەری كرد.



 
© 2018 Kurdistan Democratic Party, KDP