Kurdî  ■  كوردی  ■  عربي
WED, 20 MAR 2019 10:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزارەتی ئاوەدانکردنەوە: پڕۆژەی ڕێگای ھەولێر کۆیە تەواو دەکرێت
| KDP.info


 

   کۆیە-KDP.info-  بڕیارە بە چوار قۆناغ ڕێگای سەرەکیی ھەولێر کۆیە تەواو بکرێت و بەرپرسێکی وەزارەتی ئاوەدانکردنەوە و نیشەجێکردنیش دەڵێ، قۆناغی یەکەمی ڕێگاکە دەستی پێ کردووە و تا کۆیە تەواو دەکرێت.

 

ڕێگای سەرەکیی ھەولێر کۆیە بەر لە ڕاپەڕین دروست کراوە و بە ھۆی کۆنیی ڕێگاکە و ھاتوچۆیەکی زۆر لەسەری، پێویستی بە نوێکردنەوە و بەجووتسایدکردنی ھەیە. عەقید زاھیر محەمەد، بەڕێوەبەری ھاتوچۆی قەزای کۆیە بۆ ماڵپەڕی فەرمیی پارتی دیموکراتی کوردستان گوتی: "ڕێگای قەزای کۆیە، ڕێگایەکی زۆر کۆنە و بۆ سەردەمی خۆی دروست کراوە، بەڵام ئێستا کۆیە پێویستی بە ڕێگایەکی ھاوچەرخ ھەیە، بەتایبەتی ڕێگای نێوان کۆیە و ھەولێری پایتەختە و ڕۆژانە ژمارەیەکی زۆر ئۆتۆمبێل ھاتوچۆی لەسەر دەکەن."

 

بەڕێوەبەری ھاتوچۆی کۆیە دەڵێت: "دوای ڕووداوەکانی ١٦ی ئۆکتۆبەر و گرتنی ڕێگای کەرکووک بارگرانییەکی زۆر کەوتووەتە سەر ڕێگای کۆیە و لە دوای ١٦ی ئۆکتۆبەرەوە تا ئێستا ١٧٠ ڕووداوی ھاتوچۆ لەو ڕێگایە تۆمار کراون، پێویستە پەلە بکرێت لە تەواوکردنی ڕێگای کۆیە ھەولێر."

 

ئەندازیار سامی قادر، بەڕێوەبەری پڕۆژەکانی وەزارەتی ئاوەدانکردنەوەش بە ماڵپەڕی فەرمیی پارتی دیموکراتی کوردستانی ڕاگەیاند: "حکوومەت لەھەوڵدایە بۆ تەواوکردنی ڕێگای ھەولێر کۆیە، چونکە پێویستییەکی زەروورە بۆ ئێستا و قەڵەباڵغیی لەسەرە، بەڵام قەیرانی دارایی وای کرد پڕۆژەی ڕێگای ھەولێر کۆیە لە کاتی خۆیدا تەواو نەبێت، ئێستا دەستمان بە قۆناغی یەکەمی ڕێگاکە کردووە و کاری تێدا دەکرێت، بڕیاریشە بە چوار قۆناغ تا دەگاتە شارۆچکەی کۆیە تەواو بکرێت، ڕێگاکە بە شێوازێکی ئەندازەیی پێشکەوتوو بە شێوەی جووتساید جێبەجێ دەکرێت."

 

قائید میرۆ

 




دوایین هەواڵەکان

مەسروور بارزانی پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا پێگەیشت

TUESDAY, 19 MARCH 2019 21:03:13

هەولێر-KDP.info-  ئێوارەی ئەمڕۆ سێشەممە ١٩/٣/٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا بۆ کاروباری رۆژهەڵاتی ناوەڕاست و باکوری ئەفریقیا پێگەیشت.

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUESDAY, 19 MARCH 2019 20:03:07

هەولێر-KDP.info- ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

''ئاکرێ ب بەرفرەهترین شێوە دێ پێشوازیێ ل نەورۆزێ کەت'

TUESDAY, 19 MARCH 2019 18:03:24

ئاکرێ-KDP.info- بەرپرسێ کەلا کەڤن ل ئاکڕی ددەتە دیارکرن، ئاکرێ ناڤ و دەنگیا خۆ هەیە ب هەلکرنا ئاگرێ نەورۆزێ ئەڤ ساڵە ژی دێ ب بەرفرەهترین شێوە پێشوازیێ ل جەژنا نەورۆزی کەن.

 
لە خورماتوو ئاگری نەورۆز دەكرێتەوە

TUESDAY, 19 MARCH 2019 18:03:19

خورماتوو-KDP.info- بەرپرسی لیژنەی ناوچەی خورماتووی پارتی دەڵێ، ئەنجومەنی قەزای خورماتوو بڕیاریان داوە بە شێوەیەكی ڕەسمی ئاگری نەورۆز بكەنەوە و لە بناری چیای هەنجیرە ئاهەنگێك ڕێك خراوە و ئاگری نەورۆزی لێ دەكرێتەوە.

 
كوردێك لە پۆڵەندا خه‌ڵاتی باشترین توێژینه‌وه‌ی ساڵی پێ درا

TUESDAY, 19 MARCH 2019 18:03:07

پۆڵەندا-KDP.info-  د. حه‌سه‌ن عه‌لی سوڵتان، قوتابیی دكتۆرا بوو له‌ زانكۆی پۆلیته‌كنیكی پۆزنان-پۆڵه‌ندا. به‌هێزیی نامه‌ی دكتۆراكه‌ی سه‌رنجی چه‌ند دامه‌زراوه‌یه‌كی گه‌وره‌ی پۆڵه‌ندای به‌لای خۆیدا ڕا‌كێشا و وه‌ك یەکێک لە ٥ باشترین توێژینه‌وه‌ی ساڵ هه‌ڵبژێردرا.

 


 
© 2018 Kurdistan Democratic Party, KDP