Kurdî  ■  كوردی  ■  عربي
TUE, 16 OCT 2018 22:14 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کۆمەڵە کوردییەکانی ئەورووپا کۆنگرە دەبەستن
| KDP.info


 

دهۆک -KDP.info- جیگری سەرۆکی کۆمەڵە کوردییەکانی وڵاتانی سۆڤییەتی پێشوو ڕایگەیاند، کۆنگرەی کۆمەڵە کوردییەکانی ئەورووپا دەبەسترێت.

یورا نەبەیڤ، بە ماڵپەڕی فەرمیی پارتی دیموکراتی کوردستانی ڕایگەیاند: "بڕیارە لە ٢٥-٩-٢٠١٨دا کۆنگرەی کۆمەڵە کوردییەکانی ئەورووپا لە وڵاتی بەلجیکا ببەسترێت و تەواوی کۆمەڵە کوردییەکان تێیدا پشکدار ببن."

یورا نەبەیڤ گوتی: "بەستنی کۆنگرە بۆ بەڕێوەبردنی کارەکانیانە بۆ زیاتر خزمەتکردن بە گەلی کورد و پشتیوانیکردنی کوردەکانی دەرەوەی وڵات و کێشەکانی کورد."

نەبەیڤ دەشڵێت: "ئامانجامان دروستکردنی لۆبییەکی کوردستانییە دوور لە هەموو بیر و ڕا جیاوازەکان و ڕێکخستنی گەلی کورد لە تاراوگە و فێرکردنی زمانی کوردی بۆ کوردانی تاراوگە و زیاتر ڕێكخستنیان و ناساندنی کەلتووری کوردی هەم بە کوردەکان و هەم بە ئەورووپییەکانیش."

پێش چەند ڕۆژێک کۆمەڵە کوردییەکانی وڵاتانی سۆڤییەتی جاران کۆنفراسی خۆیان بەست و سەرۆک بارزانی پشتیوانیی خۆی بۆ ئەوان دیاری کرد و پەیامێکیشی ئاراستە کردن.

کـــاروان بــــاعەدری


 




دوایین هەواڵەکان

کرمانج عوسمان: دەبێ تاوانی ١٦ی ئۆکتۆبەر بەنێودەوڵەتی بکرێت

TUESDAY, 16 OCTOBER 2018 19:10:19

ھەولێر-KDP.info- شارەزایەکی نێودەوڵەتی دەڵێ، حکوومەتی عێراق خۆی تاوانباری ڕووداوەکانی ١٦ی ئۆکتۆبەرە و بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە.

 
سەرچاوەیەک لە کۆمسیۆن: ٣١٤ وێستگەی دەنگدان لە سلێمانی بۆ ئۆفیسی نیشتمانی نەگەڕێندراونەتەوە

TUESDAY, 16 OCTOBER 2018 18:10:48

ھەولێر-KDP.info-  سەرچاوەیەک لە کۆمسیۆنی باڵای سەربەخۆی هەڵبژاردن و ڕاپرسیی هەرێم دەڵێت, تا ئێستا ٣١٤ وێستگەی دەنگدان لە ئۆفیسی ھەڵبژاردنەکانی پارێزگای سلێمانی نەگەڕاوەتەوە ئۆفیسی نیشتمانی لە ھەولێر، بۆ ئەم مەبەستە کۆمسیۆن لێژنەیەکی پێنج کەسیی لە نوێنەری ھەر پێنج لایەنەکە پێک ھێناوە. بەو دەنگانە و سندووقە قردێڵە سوورەکانیشەوە ٤ تا ٥ کوردسی زیاد دەکات.

 
دەیان بەڵگەنامە لەسەر تاوانەکانی ١٦ی ئۆکتۆبەر ڕادەستی دادگا نێوخۆیی و نێودەوڵەتییەکان دەکرێن

TUESDAY, 16 OCTOBER 2018 16:10:29

  هەولێر -KDP.info- بە ھۆی ھێرشی داگیرکاریی ساڵی ڕابردووی عێراق ھێزەکانی عێراق بە پۆلیس و دژەتیرۆر و میلیشیاکانی حەشدی شەعبییەوە کەوتنە ئەنجامدانی چەندین تاوانی قێزەونی دژەمرۆڤایەتی لە دژی پێکھاتەکانی ئەو ناوچانە و پارێزەرێکیش دەڵێ، چەندین بەڵگە و دیکۆمێنت ئامادەیە و ڕادەستی دادگا نێوخۆیی و نێودەوڵەتییەکانی دەکەین.

 
د. مەحموود عوسمان: دەبێ بکەرانی ١٦ی ئۆکتۆبەر سزا بدرێن

TUESDAY, 16 OCTOBER 2018 16:10:52

هەولێر-KDP.info- ئەمڕۆ ساڵێک بەسەر خیانەتی ١٦ی ئۆکتۆبەری ساڵی ڕابردوودا تێپەڕی کە بە ھۆی خیانەتی ھەندێ بەرپرسی کوردەوە بەشێکی زۆری خاکی کوردستان لەدەست درا و کارەساتی مرۆییشی بەدوادا ھات، سیاسەتمەدارێکی کوردیش نیگەرانە لەوەی تا ئێستا تۆمەتبارانی ڕووداوەکانی ١٦ی ئۆکتۆبەر سزا نەدراون و ئاشکرای کرد، ڕەوشی کەرکووک ئاڵۆزە و نابێت عەسکەر دەستەڵاتدار بێت.

 
لە ترسی چالاکیی کوردانی کەرکووک، حەشدی شەعبی ناوچە کوردییەکان دەپشکنێت

TUESDAY, 16 OCTOBER 2018 15:10:59

کەرکووک-KDP.info- لە ترسی مانگرتن و چالاکیی کوردانی کەرکووک ھێزەکانی پۆلیس و حەشدی شەعبی کەوتووتەنە پشکنینی ناوچە کوردییەکانی شاری کەرکووک و بەرپرسێکی کوردیش دەڵێ، خەڵکی کەرکووک بڕیاری دابوو لە دژی داگیرکاری مانگرتن ڕابگەیەنێت، بەڵام شارەکە کراوەتە سەربازگە بۆ ڕێگریکردن لە چالاکیی کورد.

 


 
© 2018 Kurdistan Democratic Party, KDP