Kurdî  ■  كوردی  ■  عربي
WED, 17 OCT 2018 05:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی پیرۆزبایی لە یەکێتیی لاوان دەکات
| KDP.info


هەولێر-KDP.info-  مەكتەبی سیاسی پارتی دیموكراتی كوردستان بەبۆنەی سەرکەوتنی هەشتەمین كۆنگرەی یەكێتیی لاوانی دیموكراتی كوردستان پەیامیکی پیرۆزبایی ئاراستەکردن کە ئەمە دەقەکەیەتی:

بەبۆنەی بەستن و بەسەركەوتوویی کۆتاییهاتنی هەشتەمین كۆنگرەی یەكێتی لاوانی دیموكراتی كوردستان، گەرمترین پیرۆزبایی لە ئەندامانی كۆنگرە دەكەین، پیرۆزبایی لە سەرجەم لاوانی کوردستان و ئەندامان و كادیرانی یەكێتیەتان و لەو بەڕێزانەش دەكەین کە متمانەی کۆنگرەیان پێبەخشرا و وەکو ستافی مەکتەبی سکرتاریەت هەڵبژێردران، ئاواتەخوازین وەك هەمیشە بەوپەڕی دڵسۆزی و بەرپرسانە  كاروبار و چالاكییەكانی داهاتووی رێکخراوە تێکۆشەرەکەتان رابپەڕێنن و رۆڵی بەرچاووكاریگەری خۆتان ببینن، لە هەوڵ و كۆششەكانتان سەركەوتوو بن و دەسكەوتی زیاتر بۆ توێژی لاوان و كۆمەڵگەكەمان بەدەست بێنن. 

بارزانی نەمر فەرموویەتی: لاوان شوورەی پۆڵایینن، هەر بۆیەش ئێوە مایەی ئومێد و هیوای گەلەكەمان بوون و پێویستە بۆ لەمەودواش بەپێی هەلومەرجی ئەمڕۆ و داهاتوو رۆڵی گرنگ و بایەخداری خۆتان ببیینن و خزمەتی زیاتری ئەو ئەزموونە بكەن و پارێزگاریش لەو دەسكەوتانەی  هاتوونەتە دی بكەن.

مایەی شانازییە یەکێتی لاوانی دیموکراتی کوردستان بەدرێژایی زیاتر لە (65)ساڵی خەباتی بەردەوام و مێژوویی توانیویەتی وەك رێكخراوێكی ئەكتیڤ و گرنگ ئەركی خۆی بەجێ بێنێ و رۆژ بە رۆژیش بەردەوام و بەرفراوانتر و زیاتر مكوڕ بێت لەسەر جێبەجێكردنی بەرنامەو پرۆگرامەكانی و لەسەر ئاستی ناخۆ و جیهانیش رۆڵی شیاوی خۆی ببینێ بۆ بەدیهێنانی خواست و ویست و ئامانجە رەواكانی لاوان.

رۆڵی كاریگەری توێژی لاوان لە قۆناغە جیاجیاكانی خەباتی نەتەوەیی و نیشتیمانیدا هەمیشە بەرچاو و بەرهەمدار بووە  لەپێناو پەرەپێدانی بوارە جیاجیاكانی كۆمەڵگەو بەرەوپێشبردنیان و لەرووی هۆشیاركردنەوەی تاكەكان و دەوڵەمەندكردنی بواری رۆشنبیریی و كولتوورییدا، بۆیە توێژی لاوان شانبەشانی چین وتوێژەكانی دیكە كۆمەڵگە لەو كاروانە پڕ بەخششەدا هەم سەركردەی لێهاتوویان بەو گەلە بەخشیوەو هەمیش قوربانی زۆریان لەپێناوی داوە، بۆیە جێدەستی یەكێتیەكەتان روون و دیارەو مایەی رێزوستایشە.

جارێكی دیكە وێرای پیرۆزباییمان، بەم بۆنەیەوە سوپاس و پێزانیمان بۆ خەبات و ماندوبوونی سکرتێر و ستافی پێشووی مەکتەبی سکرتاریەت و سەرکردایەتی یەکێتیەکەتان و، پاڵپشتی و پشتیوانی تەواوی خۆمان بۆ یەكێتیەكەتان دووپات دەكەینەوە و ئومێدەوارین هەردەم پێشەنگ و لە بەرەوپێشچوون دابن بۆ بەدیهێنانی گشت ئامانجەكانتان.


مەكتەبی سیاسی
پارتی دیموكراتی كوردستان
9/8/2018




دوایین هەواڵەکان

کرمانج عوسمان: دەبێ تاوانی ١٦ی ئۆکتۆبەر بەنێودەوڵەتی بکرێت

TUESDAY, 16 OCTOBER 2018 19:10:19

ھەولێر-KDP.info- شارەزایەکی نێودەوڵەتی دەڵێ، حکوومەتی عێراق خۆی تاوانباری ڕووداوەکانی ١٦ی ئۆکتۆبەرە و بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە.

 
سەرچاوەیەک لە کۆمسیۆن: ٣١٤ وێستگەی دەنگدان لە سلێمانی بۆ ئۆفیسی نیشتمانی نەگەڕێندراونەتەوە

TUESDAY, 16 OCTOBER 2018 18:10:48

ھەولێر-KDP.info-  سەرچاوەیەک لە کۆمسیۆنی باڵای سەربەخۆی هەڵبژاردن و ڕاپرسیی هەرێم دەڵێت, تا ئێستا ٣١٤ وێستگەی دەنگدان لە ئۆفیسی ھەڵبژاردنەکانی پارێزگای سلێمانی نەگەڕاوەتەوە ئۆفیسی نیشتمانی لە ھەولێر، بۆ ئەم مەبەستە کۆمسیۆن لێژنەیەکی پێنج کەسیی لە نوێنەری ھەر پێنج لایەنەکە پێک ھێناوە. بەو دەنگانە و سندووقە قردێڵە سوورەکانیشەوە ٤ تا ٥ کوردسی زیاد دەکات.

 
دەیان بەڵگەنامە لەسەر تاوانەکانی ١٦ی ئۆکتۆبەر ڕادەستی دادگا نێوخۆیی و نێودەوڵەتییەکان دەکرێن

TUESDAY, 16 OCTOBER 2018 16:10:29

  هەولێر -KDP.info- بە ھۆی ھێرشی داگیرکاریی ساڵی ڕابردووی عێراق ھێزەکانی عێراق بە پۆلیس و دژەتیرۆر و میلیشیاکانی حەشدی شەعبییەوە کەوتنە ئەنجامدانی چەندین تاوانی قێزەونی دژەمرۆڤایەتی لە دژی پێکھاتەکانی ئەو ناوچانە و پارێزەرێکیش دەڵێ، چەندین بەڵگە و دیکۆمێنت ئامادەیە و ڕادەستی دادگا نێوخۆیی و نێودەوڵەتییەکانی دەکەین.

 
د. مەحموود عوسمان: دەبێ بکەرانی ١٦ی ئۆکتۆبەر سزا بدرێن

TUESDAY, 16 OCTOBER 2018 16:10:52

هەولێر-KDP.info- ئەمڕۆ ساڵێک بەسەر خیانەتی ١٦ی ئۆکتۆبەری ساڵی ڕابردوودا تێپەڕی کە بە ھۆی خیانەتی ھەندێ بەرپرسی کوردەوە بەشێکی زۆری خاکی کوردستان لەدەست درا و کارەساتی مرۆییشی بەدوادا ھات، سیاسەتمەدارێکی کوردیش نیگەرانە لەوەی تا ئێستا تۆمەتبارانی ڕووداوەکانی ١٦ی ئۆکتۆبەر سزا نەدراون و ئاشکرای کرد، ڕەوشی کەرکووک ئاڵۆزە و نابێت عەسکەر دەستەڵاتدار بێت.

 
لە ترسی چالاکیی کوردانی کەرکووک، حەشدی شەعبی ناوچە کوردییەکان دەپشکنێت

TUESDAY, 16 OCTOBER 2018 15:10:59

کەرکووک-KDP.info- لە ترسی مانگرتن و چالاکیی کوردانی کەرکووک ھێزەکانی پۆلیس و حەشدی شەعبی کەوتووتەنە پشکنینی ناوچە کوردییەکانی شاری کەرکووک و بەرپرسێکی کوردیش دەڵێ، خەڵکی کەرکووک بڕیاری دابوو لە دژی داگیرکاری مانگرتن ڕابگەیەنێت، بەڵام شارەکە کراوەتە سەربازگە بۆ ڕێگریکردن لە چالاکیی کورد.

 


 
© 2018 Kurdistan Democratic Party, KDP