Kurdî  ■  كوردی  ■  عربي
TUE, 11 DEC 2018 10:34 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كشتوكاڵی كەركووك: پڕۆسەی عەرەباندن بە شێوەیەكی فراوان بەردەوامە
| KDP.info


 

كەركووك-KDP.info- بەڕێوەبەری كشتوكاڵی كەركووك ڕایگەیاند، پڕۆسەی عەرەباندن لە سنووری كەركووك بە دوو شێوە بەردەوامە، یەكێك لە رێگەی وەزارەتی كشتوكاڵ و ئەوەی دیكەیش لە رێگەی دادگاكانی كەركووكە، كە دەیانەوێت زیاتر لە ٥ھەزار گرێبەستی كشتوكاڵی بۆ عەرەبەكان بگەڕێننەوە، لە كاتێكدا كوردەكان خاوەنی ئەو زەویانەن و بەپێی ماددەی ١٤٠ بۆیان گەڕێندراونەتەوە.

لە دوای ڕووداوەكانی ١٦ی ئۆكتۆبەر، حكوومەتی عێراق بە ھەموو شێوەیەك دژایەتیی كورد دەكات و ھەوڵ دەدات بۆ ئەوەی نفووزی كورد لە كەركووك كەم ببێتەوە و نفووزی عەرەب زیاد ببێت، بۆ ئەو مەبەستەش پڕۆسەیەكی عەرەباندنی دەست پێكردووە.

مەھدی موبارەك، بۆ ماڵپەڕی فەرمیی پارتی دیموكراتی كوردستان، گوتی: "لە دوای ١٦ی ئۆكتۆبەرەوە، دیسان حكوومەتی عێراق دەستی كردووە بە گۆڕینی دیمۆگرافی لە سنووری كەركووك لە زۆر بواردا، لەوانە زەوییە كشتوكاڵییەكان كە پێشتر لەلایەن رژێمی بەعسەوە دەستیان بەسەردا گیرابوو كە زیاتر لە یەك ملیۆن دۆنم دەبوو و، دوای پڕۆسەكە ھەوڵی چارەكردنی كێشەكان درا لە رێگەی دوو بڕیارەوە، ئەویش بڕیاری ژمارە چوار بەپێی ماددەی ١٤٠كە پێویستە سەرجەم گرێبەستە كشتوكاڵییەكان ھەڵوەشێندرێنەوە و بدرێنەوە كورد، بۆیە ٥ ھەزار و ٣٢٦ گرێبەست ھەڵوەشانەوە و دواتر بڕیاری ژمارەی ٢٩ لە ساڵی ٢٠١٢دەرچوو، كە ھەموو بڕیارەكانی لیژنەی كاروباری باشوور ھەڵوەشێنەوە، بەڵام حكوومەتی عێراق ئەم كارەی نەكردووە تا ئێستا".

بەڕێوەبەری كشتوكاڵی كەركووك، گوتیشی: "دوای ١٦ی ئۆكتۆبەر، حكوومەتی عێراق لە رێگەی پارێزگار و وەزارەتی كشتوكاڵەوە بڕیاری داوە دووبارە عەرەبەكان بگەڕێنەوە بۆ سەر زەوییەكان و گرێبەستەكانیان بۆ بگەڕێندرێتەوە و نووسراوێكی حەوت خاڵییشیان كردووە، كە سەرجەم خاڵەكان خۆیان ئامادەیان كردووە و ھەموویان دژی ماددەی ١٤٠ـن و خزمەت بە كەركووك ناكەن و دەبنە ھۆی زیاتر ئاڵۆزبوونی كێشەكان".

موبارەك باسی لەوەش كرد، جگە لەوەی دادگاكانی كەركووك بڕیار دەدەن گرێبەستەكان بۆ عەرەبەكان بگەڕێندرێنەوە، دادوەرەكانیش ھەموویان عەرەبی شۆڤێنین، ئەمەیش وای كردووە پڕۆسەی عەرەباندن بە شێوەیەكی فراوان دەست پێبكات و دەیانەوێت ھەموو ئەو زەویانەی دوای پڕۆسەی ئازادیی عێراق درابوونەوە كورد، جارێكی دیكە بە مەبەستی عەرەباندن، بۆ عەرەبەكان بگەڕێننەوە.

بڵند ئیبراھیم


 




دوایین هەواڵەکان

شاندێكی حكوومەتی هەرێم و وەزارەتی دەرەوەی فەڕەنسا كۆ بوونەوە

TUESDAY, 11 DECEMBER 2018 10:12:23

پاریس-KDP.info- شاندێكی حكوومەتی هەرێمی كوردستان بە سەرپەرشتیی رێكخەری راسپاردە نێودەوڵەتییەكان، سەردانی وەزارەتی دەرەوەی فەڕەنسایان كرد.

 
فڕاكسیۆنی پارتی، لە رێگەی پڕۆژەیاسایەكەوە كێشەی رەگەزنامەی ھاووڵاتیان چارە دەكات

TUESDAY, 11 DECEMBER 2018 09:12:08

ھەولێر-KDP.info- فڕاكسیۆنی پارتی، سەرقاڵی چارەكردنی كێشەی رەگەزنامەی ھاووڵاتیانی ھەرێمی كوردستان و عێراقە، ئەوانەی ساڵانی رابردوو لە رێگەی تۆماری لاوەكییەوە مامەڵەیان كردووە. پەرلەمانتارێكی پارتییش دەڵێ: "ئەگەر لەگەڵ بەغدا نەگەییشتینە ڕێگەچارەیەك، پڕۆژەیاسایەك لە پەرلەمان دەردەكەین".

 
ئەم مانگە کارەکانی نەخۆشخانەی پێشمەرگە کۆتاییان دێت

MONDAY, 10 DECEMBER 2018 18:12:51

ھەولێر-KDP.info- جێگری سوپاسالاری ھێزی پێشمەرگە لە وەزارەتی پێشمەرگەی حکوومەتی ھەرێمی کوردستان گوتی، بڕیارە لە وادەی دیاریکراوی خۆیدا نەخۆشخانەی پێشمەرگە تەواو بێت و دواتریش دەست بە دانانی پێداویستیی ناو نەخۆشخانەکە دەکرێت و تاوەکو سەرەتای مانگی چوار، ھێزی پێشمەرگە لەو نەخۆشخانەیە چارەسەری وەردەگرن.

 
پارتی ٦٦ ساڵەی دامەزراندنی یەکێتیی ئافرەتانی کوردستان پیرۆز دەکات

MONDAY, 10 DECEMBER 2018 18:12:33

هەولێر-KDP.info-  مەکتەبی سیاسی پارتی دیموکراتی کوردستان لە پەیامێکدا ٦٦ ساڵەی دامەزراندنی یەکێتیی ئافرەتانی کوردستانی پیرۆزدەکات و لە پەیامەکەدا هاتووە، توێژی ئافرەتان بەپێی ئەو پێگەوسەنگ و پانتاییەی هەیانە لە نێو كۆمەڵگەدا ئەرك و كارێكی چارەنووسسازیان لەئەستۆیە لەبواری پەروەردەوپێشكەوتنی كۆمەڵگە، بۆیە رۆڵی بەرپرسانەی ئێوەویەكێتیەكەتان هەمیشە گرنگ و كاریگەرە بەتایبەتیش لەو هەلومەرجەی ئەمڕۆماندا لەو جێگەوپێگەو بوارانەی بۆتان رەخساوە كاری تیابكەن بۆ داكۆكیكردن لە دەسكەوتەكانمان و پاراستنی ئەو ئەزموونەو كۆتاییهێنان بە كێشەوگیروگرفت و مەینەتیەكان.

 
فراکسیۆنی پارتی لەگەڵ کۆمەڵەی دۆستایەتیی ژاپۆن. کوردستان و کونسووڵی ئەڵمانیا کۆ بووەوە

MONDAY, 10 DECEMBER 2018 17:12:45

هەولێر -KDP.info- سەرۆکی فراکسیۆنی پارتی لە پەرلەمانی کوردستان لە دوو دیداری جودادا لەگەڵ کونسووڵی ئەڵمانیا و کۆمەڵەی دۆستایەتیی ژاپۆن- کوردستان کۆ بووەوە.

 


 
© 2018 Kurdistan Democratic Party, KDP