Kurdî  ■  كوردی  ■  عربي
WED, 22 AUG 2018 10:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

رەزامەندی دراوە مووچەی كەسوكاری شەھیدان و زیندانیانی سیاسی بخرێتە سەر بەغدا
| KDP.info


 
هەولێر-KDP.info- گوتەبێژی وەزارەتی شەھیدان و ئەنفالكراوان گوتی، حكوومەتی عێراق رەزامەندیی داوە بۆ ئەوەی مووچەی كەسوكاری شەھیدان و ئەنفالكراوان و زیندانیانی سیاسی بخرێتە سەر حكوومەتی عێراق، بۆ ئەو مەبەستەیش شاندێك پێك ھاتووە و بڕیارە سەردانی بەغدا بكات.
 
لە ماوەی ڕابردوودا پەرلەمانی عێراق پڕۆژەیاسایەكی پەسەند كرد، كە بەپێی ئەو پڕۆژەیاسایە، حكوومەتی عێراق ناچار دەبێت مووچەی كەسوكاری شەھیدان و ئەنفالكراوان و زیندانیانی سیاسیی ھەرێمی كوردستان دابین بكات.
 
فوئاد عوسمان، گوتەبێژی وەزارەتی شەھیدان و ئەنفالكراوانی حكوومەتی ھەرێمی كوردستان، بە ماڵپەڕی فەرمیی پارتی دیموكراتی كوردستانی ڕاگەیاند: "پەرلەمانی عێراق بڕیاری داوە كە مووچەی كەسوكاری شەھیدان و ئەنفالكراوان و زیندانیانی سیاسی بخرێتە سەر بەغدا، حكوومەتی ھەرێمیش لیژنەیەكی دروست كرد و چەند كۆبوونەوەیەكیان ئەنجام داوە و لە دواكۆبوونەوەیشدا نامەیەكیان بۆ سەرۆكوەزیران ناردووە بۆ ئەوەی سەردانی بەغدا بكەن و لەگەڵی دانیشن بۆ جێبەجێكردنی رێكارەكان، سەرۆكوەزیرانیش رەزامەندی لەسەر گواستنەوەی مووچەكەیان داوە، بۆیە ئومێد دەكەین ئەو بڕیارە جێبەجێ بكرێت، بۆ ئەوەی بتوانین خزمەتی كەسوكاری شەھیدان و زیندانیان سیاسی بكەین".
 
عوسمان گوتیشی: "ژمارەی كەسوكاری شەھیدان و زیندانیانی سیاسی، نزیكەی ١٠٠ هەزار كەس دەبێت و تەنیا مووچەش نییە و ئیمتیازاتی دیكەیشیان ھەیە، وەك كورسیی خوێندن و تەندروستی، بۆیە پەرلەمان حكوومەت پابەند دەكات ئەو بڕیارە جێبەجێ بكات".
 
دەشڵێ، ھەر كاتێك شاندەكە سەردانی بەغدای كرد و رێكارەكان جێبەجێ كران، ئەوكات مووچەكە دەگوازرێتەوە بۆ سەر بەغدا.
 
بڵند ئیبراھیم
 



دوایین هەواڵەکان

یەکگرتوو: یەکلیستی هێز و لایەنە سیاسییەکان لە بەغدا، کورد بەهێز دەکات

TUESDAY, 21 AUGUST 2018 14:08:26

دهۆک-KDP.info-سەرۆکی ئەنجوومەنی سەرکردایەتی یەکگرتووی ئیسلامی کوردستان لە بادینان ڕایگەیاند، پێویستە کورد بە یەکلیستی بگەڕێتەوە بەغدا و چیدی خۆیان لە یەکدی بە دوور نەگرن.

نێچیرڤان بارزانی: كوردستان بە‌رە‌و ئایندە‌یە‌كی گە‌شتر ھە‌نگاودە‌نێت

TUESDAY, 21 AUGUST 2018 14:08:59

هەولێر-KDP.info-  نێچیرڤان بارزانی، سەرۆکوەزیرانی هەرێمی کوردستان پەیامێکی پیرۆزبایی بڵاوکردەوە و پیرۆزبایی خۆی ئاراستەی موسڵمانانی کوردستان و جیهان کرد و رایگەیاند، كوردستان بە‌رە‌و ئایندە‌یە‌كی گە‌شتر ھە‌نگاودە‌نێت.


رێکخەری راسپاردە نێودەوڵەتییەکان وه‌ڵامی تۆمه‌تی وەزارەتی دەرەوەی ئەمریکا ده‌داته‌وه‌

MONDAY, 20 AUGUST 2018 23:08:11

هه‌ولێر-KDP.info-  دیندار زێباری ده‌ڵێ، حکوومەتی هەرێمی کوردستان بە جیددی کار دەکات بۆ بەرەنگاربوونەوەی هەر جۆرە  توندوتیژییەک دژی ئافرەتان و بازرگانیکردن بە ئافرەتان و منداڵان و، بە توندی سزای ئەو کەسانە دەدات کە تاوانەکان ئەنجام دەدەن.

 
پەیامی پیرۆزبایی سەرۆک بارزانی بەبۆنەی جەژنی قوربان

MONDAY, 20 AUGUST 2018 22:08:41

هه‌ولێر-KDP.info-  بەبۆنەی جەژنی پیرۆزی قوربانه‌وه‌، سەرۆک بارزانی پیرۆزبایی لە خەڵکی کوردستان و عێراق دەکات، هه‌روه‌ها پیرۆزبایی ئاراستەی خانەوادەی سەربەرزی شەهیدان و پێشمەرگە قارەمانەکانی کوردستان دەکات.

 
پارتی پەیامێکی پیرۆزبایی راگەیاند

MONDAY, 20 AUGUST 2018 20:08:49

هەولێر-KDP.info-  مەكتەبی سیاسی پارتی دیموكراتی كوردستان بەبۆنەی جەژنی قوربانی پیرۆز، لە پەیامیدا دەڵێ، ئاواتەخوازین ئەو بۆنە پیرۆزە ببێتە مایەی ئایندەیەكی گەش بۆ گەلەكەمان و كوردستانیش هەر لە پێشكەوتن و ئاوەدانیی و ئارامیی دا بێت.

 


 
© 2018 Kurdistan Democratic Party, KDP