Kurdî  ■  كوردی  ■  عربي
SUN, 19 AUG 2018 09:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کونسووڵی چیک: لە کوردستان هەست دەکەم لە نێو خزم و کەسی خۆمم
| KDP.info


هەولێر-KDP.info-  سەرۆك بارزانی پێشوازی لە كونسووڵی گشتیی كۆماری چیك لە هەولێر كرد و لە دیدارەکەدا کونسووڵی چیک گوتی ئەو ماوەیەی لێرەم هەست دەکەم لەنێو خزم و کەسی خۆمم.

ڕۆژی چوارشەممە ٨ـی٨ـی٢٠١٨ لە سەلاحەدین سەرۆك بارزانی پێشوازی لە میخائیل سڤۆبۆدا كونسووڵی گشتیی نوێی كۆماری چیك لە هەولێر كرد.
لە دیدارەكەدا كونسووڵی گشتیی كۆماری چیك كە بە مەبەستی خۆناساندن سەردانی سەرۆك بارزانیی كردبوو، خۆشحاڵیی خۆی بە نزیکیی و دۆستایەتیی هەردوو گەلی چیك و کوردستان دەربڕی و گوتی ئەو ماوەیەی لێرەم هەست دەکەم لەناو خزم و کەسی خۆمم. كونسووڵی گشتیی كۆماری چیك لە هەولێر لە درێژەی قسەكانیدا جەختی لەوە كردەوە هەموو هەوڵی خۆی بۆ پەرەپێدانی زیاتری پەیوەندییەکانی نێوان وڵاتەکەی و هەرێمی کوردستان دەخاتەگەڕ و کاری جیدیش دەکەن بۆ پەرەپێدانی کاری زیاتری هاوبەش لە بوارەکانی خوێندنی باڵا و پەروەردە و کشتوکاڵ و پیشەسازی و بازرگانی، جگە لە کارکرنیان لە هاوکارییکردنی ئاوارەکان.
لەبەرانبەردا سەرۆك بارزانی بەخێرهاتنی كۆنسووڵی گشتیی نوێی كۆماری چیكی كرد و هیوای سەركەوتنی بۆ خواست لە ئەرك و كارەكانی و سوپاسی گەل و حكوومەتی كۆماری چیكی كرد كە پاڵپشتی گەلی كوردستان و هێزی پێشمەرگە بوونە و داوایشی كرد دۆستایەتیی گەلی كوردستان و گەلی كۆماری چیك قووڵتر بێت و هەماهەنگی و هاوکاریی هەردوولاش لە هەموو بوارەکاندا زیاتر بکرێت.


 




دوایین هەواڵەکان

"پەکەکە ٣٠٠ کەسی ئێزدیی ڕفاندووە"

SATURDAY, 18 AUGUST 2018 17:08:39

شنگال-KDP.info-  پەکەکە تۆمەتبارە بە ڕفاندنی منداڵانی کوردی ئێزدی و بە پێی زانیارییەکان ٣٠٠ منداڵی ئێزدی لە لایەن پەکەکەوە ڕفێندراون و بەشێک لەوانە بۆ قەندیل براون و مەشق و ڕاھێنانیان پێ دەکرێت.

 
"کێشەی ئاو لە بەحرکە و دەوروبەری ھەولێر چارە دەکرێت"

SATURDAY, 18 AUGUST 2018 17:08:47

بەحرکە-KDP.info-لە وەرزی ھاویندا کێشەی کەمئاوی بەشێک لە ناوچەکانی دەوروبەری ھەولێر، بەتایبەتی ڕۆژھەڵاتی ھەولێر دەگرێتەوە و وەک بەڕێوەبەری ناحیەی بەحرکە ڕوونی کردەوە، جگە لە لێدانی ژمارەیەک بیر، پڕۆژەی ئیفراز چوار دەست پێ دەکات و کۆتایی بە کێشەی کەمئاوی دێت لە بەحرکە و دەوروبەری ھەولێر.

 
چاودێران: "حەشد بەرەو هەڵوەشانەوە دەچێ..لە ناوچە داگیرکراوەکانی کوردستان دەکشێنەوە"

SATURDAY, 18 AUGUST 2018 17:08:17

هەولێر-KDP.info- گۆڕانکارییەکانی عێراق و ناوچەکە وای کرد ھێزەکانی حەشدی شەعبی خۆیان لە ھەندێ ناوچەی عێراق بەرەو ناوچەکانی شیعە مەزھەبەکان بپێچنەوە و چاودێرانیش ئاشکرای دەکەن، بە ھۆی گۆڕانکارییەکان و کۆدەنگیی لایەنی نێودەوڵەتی و نێوخۆیی، حەشدی شەعبی بەرەو پووکانەوە و ھەڵوەشاندنەوە دەچێت و لە چەند مانگی داھاتووشدا سەرچاوە ماددیەکانی وشک دەبن.

 
حەیدەر شەشۆ: شنگال بووەتە کێشەیەکی نێودەوڵەتی

SATURDAY, 18 AUGUST 2018 16:08:39

شنگال-KDP.info- فەرماندەی گشتیی هێزی پاراستنی ئێزیدخان لە شنگال ڕایگەیاند، کێشەی شنگال بووەتە کێشەیەکی نێودەوڵەتی و لەدەست عێراق دەرچووە و تا ئێستا کەس نازانێت چارەنووسی شنگال چی بەسەر دێت.

 
حەمید ئەفەندی: پەکەکە لە شنگال چەکی بەدەستە و عیراقیش بێدەنگە

SATURDAY, 18 AUGUST 2018 15:08:26

هەولێر-KDP.info- حەمید ئەفەندی، فەرماندەی هێزی پێشمەرگەی كوردستان لە باشیك، ڕایدەگەیەنێت، حكوومەتی عێراق بە هۆی هەبوونی پەكەكەوە لە شنگال تووشی گرفت هاتووە و باوەڕی وایە دەبێ دەڤەرەكە چۆڵ بكەن. دەشڵێت: "نائارامیی ناوچەكە، لە بەرژەوەندیی كەسدا نییە".

 


 
© 2018 Kurdistan Democratic Party, KDP