Kurdî  ■  كوردی  ■  عربي
FRI, 22 FEB 2019 08:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عامری: حەشدی‌شەعبی ئەو حکوومەتە دەڕووخێنێ کە ئەمەریکا سەرۆکوەزیرانەکەی دیاری بکات
| KDP.info


 

بەغدا-KDP.info-  سەرۆکی هاوپەیمانیی فەتح، هادی عامری دەستتێوەردانی ئەمەریکای لە دیارکردنی سەرۆکوەزیرانی دابێی عێراقی ڕەت کردەوە و، گوتیشی کە خۆی ڕازیی نەبووە لەسەر حیسابی هاوپەیمانیی شیعەکان بەربژێری ئەو پۆستە بێ.

عامری لە دیداریدا لەگەڵ ڕۆژنامەنووسان گوتی "پڕۆژەیەک هەیە بۆ بێهێواکردنی عێراقییەکان و ئەمەش لە بوونی داعش مەترسیدارترە."

پێوەست بە دەستوەردانی ئەمەریکایش لە دیاریکردنی سەرۆکوەزیران دابێ، دەپرسێ "ئایا مافی ئەوەمان هەیە پۆلیسێک لە ئێران یان لە تورکیا یانیش لە سعوودیا و بە ئەمەریکایشەوە دابمەزرێنین، وەڵامەکە نەخێرە. کەواتە بۆچی قەبووڵی بکەین سەرۆکوەزیرانمان بۆ دیاری بکەن؟"

ئاماژە بە سەردانێکی برێت ماکگورک نوێنەری، هادی عامری گوتی "پێمگوت، قەبووڵ ناکەین دەست وەربدەنە کاروباری سیاسیی عێراق، هەروەها قەبووڵی ناکەین ناوێک بۆ پۆستی سەرۆکوەزیرانی عێراق بەسەرماندا بسەپێنن، ئەگەر بێتو هەر ناوێک بسەپێنن، ئەوا لە دوو مانگدا حکوومەت لەلایەن حەشدی شەعبییەوە شکست دەبات؛ پاش ئەوە عەبادی پێوەندی پێوە کردم و لەسەر ئەو قسانەم بۆ ماکگورک گلەیی کرد."
ئەو گوتیشی، هیوایەکی گەورە هەیە لە ڕێی سەرۆکوەزیرانی داهاتووەوە عێراق هەستێتەوە و سەرۆکوەزیرانێک بێ مەیدانی، نەک لە کۆشک دابنیشێ.
  
عامری نایشارێتەوە کە، هۆکاری خراپیی باری ئابووریی عێراق گەندەڵییە و ئاماژەیشی دا "ڕوانگایەک هەیە لە ڕێی کاری مەیدانییەوە وڵات بینا بکرێتەوە، بەڵام هێشتا بڕوامان بە ئەو ناوانە نییە کە بۆ پۆستی سەرۆکوەزیرانی پێشنیاز کراون."
گوتیشی "ئەگەر ببم بە سەرۆکوەزیران، ئەوا کار بۆ حکوومەتی هەتساندنەوەی وڵات دەکات و ئەنجوومەنێکی ئاوەدانکردنەوە و خزمەتگوزاری، کە هاوشێوەی ئەزموونی (التصنیع العسكری)ـی سەردەمی ڕژێمی پێشوویە."

لەبارەی هاوپەیمانەتیی فەتح و سائیروونیشەوە کە لە ماڵی موقتەدا سەدر ڕاگەیێندرا، گوتی "هاوپەیمانەتییەکی کۆمەڵگەیی دەبێ ڕێگر دەبێ لە تێکچوونی پێوەندیی نێوان جەماوەری هەردوولا لە داهاتوودا."


زریان زیاد




دوایین هەواڵەکان

سەرۆك بارزانی پێشوازی لە باڵیۆزی كۆماری ئیسلامیی ئێران لە بەغدا دەكات

THURSDAY, 21 FEBRUARY 2019 16:02:47

هەولێر-KDP.info-  ڕۆژی پێنجشەممە ٢١ـی ٢ـی ٢٠١٩ لە سەلاحەددین سەرۆك مەسعوود بارزانی پێشوازی لە ئیرەج مەسجدی باڵیۆزی كۆماری ئیسلامیی ئێران لە بەغدا و شاندێكی یاوەری كرد كە پێكهاتبوو لە كونسوڵەكانی كۆماری ئیسلامیی ئێران لە هەولێر و سلێمانی و كەربەلا و نەجەف.

مه‌سروور بارزانی پێشوازی لە سەرۆكی دەزگای مەدا بۆ ڕاگەیاندن و ڕۆشنبیری و ھونەر كرد

THURSDAY, 21 FEBRUARY 2019 16:02:14

هەولێر-KDP.info-  ئه‌مڕۆ پێنج شەممە ٢١/٢/٢٠١٩ مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازی لە فەخری كەریم، سەرۆكی دەزگای مەدا بۆ ڕاگەیاندن و ڕۆشنبیری و ھونەر كرد.

"لە مەخموور داعش ھێرشی کردە سەر گوندێک"

THURSDAY, 21 FEBRUARY 2019 15:02:16

مەخموور-KDP.info-  چەکدارانی داعش لە سنووری قەزای مەخموور ھێرشیان کردە سەر دانیشووانی گوندێکی ناوچەکە و بەرپرسێکی پارتییش لە مەخموور ئاشکرای کرد، بڕیارە پێشمەرگە بگەڕێتەوە ئەو شوێنانەی مەترسییان لەسەرە تا داعش کەڵک لەو بۆشاییە ئەمنییە وەرنەگرێت کە سوپای عێراق توانای کۆنتڕۆڵکردنی نییە.

 
د. بەشیر حەداد داوای ڕوونكردنەوە لە ئەنجومەنی باڵای دادوەریی عێراق دەكات

THURSDAY, 21 FEBRUARY 2019 15:02:52

بەغدا-KDP.info-  لەسەر لادانی زمانی كوردی لە لۆگۆ نوێیەكەیان، د. بشیر حەداد، جێگری سەرۆكی ئەنجومەنی نوێنەرانی عێراق داوای ڕوونكردنەوە لە ئەنجومەنی باڵای دادوەریی عێراق دەكات.

 
شاندێكی پارتە سیاسییەكانی یۆنان سەردانی مەکتەبی پێوەندییەکانی دەرەوەی پارتیی کرد

THURSDAY, 21 FEBRUARY 2019 15:02:26

هەولێر-KDP.info-  سەرۆكی شاندەکە بە ناوی شاندەوە سوپاسی بەرپرسی پەیوەندییەكانی دەرەوەی كرد بۆ ئەم پێشوازییە و ڕایگەیاند كە گەلی یۆنان و هەردوو پارتی گەل و نیودیموكراتی یۆنان ڕێز لە خەبات و داخوازییەكانی گەلی كوردستان دەگرن.

 


 
© 2018 Kurdistan Democratic Party, KDP