Kurdî  ■  كوردی  ■  عربي
WED, 17 OCT 2018 04:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"گوتارەکەی سەرۆک بارزانی دووپاتی کردەوە گەلی کورد درێژەپێدەری سەربەخۆییە"
| KDP.info


 

دهۆک -KDP.info- مامۆستایەکی زانکۆ دەڵێت، گۆتارەکەی سەرۆک بارزانی زۆر مانا لەخۆی دەگرێت، پەیامیکیش بوو کە گەلی کورد بە هیچ شێوەیەک پاشکۆیەتیی قبووڵ نەکردووە و پاشگەزیش نەبووەتەوە لە سەربەخۆیی.

 

ئەمڕۆ سێشەممە، (٧-٨-٢٠١٨) لە شاری هەولێر لە ژێر چاودێری و بە ئامادەبوونی سەرۆک بارزانی، هەشتەمین کونگرەی یەکێتیی لاوانی دیموکراتی کوردستان بە ناوی "کۆنگرەی پێشمەرگە" دەستی بە کارەکانی خۆی کرد. لە کۆنگرەکەشدا سەرۆک بارزانی پەیامێکی پێشکێش کرد و ڕایگەیاند: "ئێستاش ئەگەر کەسێک، یان لایەنێک وا بیر بکەنەوە کە ئێمە ئەو مافەمان نییە، بەڕاستی هەڵەن. ئەگەر تەسەور بکەن ئێمە پەشیمان دەبینەوە و پاشەکەشە دەکەین، ئەوە خەیاڵە".

 

لەو بارەیەشەوە، د. هەوار نێروەیی، مامۆستای زانکۆ بە ماڵپەڕی فەرمیی پارتی دیموکراتی کوردستانی گوت: "هەرگیز کورد خۆی بۆ دوژمن نەچەماندووە و سەرۆک بارزانیش ئەوەی قبووڵ نییە یەکێک بریار لەسەر چارەنووسی کورد بدات و گوتارەکەی سەرۆک بارزانی زۆر مانای هەبوو، کە کورد جگە لە مافی خۆی داوای هیچ شتێکی نەکردووە، جگە لە هەمووی ئەمانەش، کورد داوای سەربەخۆیی دەکات، ئەمەش مافێکی ڕەوای گەلی کوردە."

 

لە بەشێکی دیکەی پەیامەکەیدا سەرۆک بارزانی گوتی: "هیچ گرفتێكمان له‌گه‌ڵ گه‌لانی دیكه‌ نییه‌ و ته‌نیا كێشه‌مان له‌گه‌ڵ فه‌رمانڕه‌واكان هه‌بووه‌، كه‌ ده‌ڵێین با شه‌ریك بین قبووڵیان نییه‌، كه‌ ده‌شڵێین با دراوسێ بێن، ئه‌ویشیان قبووڵ نییه‌، ئێمه‌ش پاشكۆیه‌تیمان قبووڵ نییه‌".

 

نێروەیی ئەوەیش بیر دەهێنێتەوە، کە لە گۆتارەکەی سەرۆک بارزانیدا ئاشکرا بوو، هەندێک لایەن پێیان وابوو کوردستان بێهێزە، بەڵام دەرکەوت ئەوان بێهێز بوون و کورد لە هەموو ڕوویەكەوە، لە ڕووی دیپلۆماسی و سیاسی و لە ڕووی هەرێمایەتیشەوە بەهێز بووە.

 

کــاروان بـــاعەدری

 




دوایین هەواڵەکان

کرمانج عوسمان: دەبێ تاوانی ١٦ی ئۆکتۆبەر بەنێودەوڵەتی بکرێت

TUESDAY, 16 OCTOBER 2018 19:10:19

ھەولێر-KDP.info- شارەزایەکی نێودەوڵەتی دەڵێ، حکوومەتی عێراق خۆی تاوانباری ڕووداوەکانی ١٦ی ئۆکتۆبەرە و بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە.

 
سەرچاوەیەک لە کۆمسیۆن: ٣١٤ وێستگەی دەنگدان لە سلێمانی بۆ ئۆفیسی نیشتمانی نەگەڕێندراونەتەوە

TUESDAY, 16 OCTOBER 2018 18:10:48

ھەولێر-KDP.info-  سەرچاوەیەک لە کۆمسیۆنی باڵای سەربەخۆی هەڵبژاردن و ڕاپرسیی هەرێم دەڵێت, تا ئێستا ٣١٤ وێستگەی دەنگدان لە ئۆفیسی ھەڵبژاردنەکانی پارێزگای سلێمانی نەگەڕاوەتەوە ئۆفیسی نیشتمانی لە ھەولێر، بۆ ئەم مەبەستە کۆمسیۆن لێژنەیەکی پێنج کەسیی لە نوێنەری ھەر پێنج لایەنەکە پێک ھێناوە. بەو دەنگانە و سندووقە قردێڵە سوورەکانیشەوە ٤ تا ٥ کوردسی زیاد دەکات.

 
دەیان بەڵگەنامە لەسەر تاوانەکانی ١٦ی ئۆکتۆبەر ڕادەستی دادگا نێوخۆیی و نێودەوڵەتییەکان دەکرێن

TUESDAY, 16 OCTOBER 2018 16:10:29

  هەولێر -KDP.info- بە ھۆی ھێرشی داگیرکاریی ساڵی ڕابردووی عێراق ھێزەکانی عێراق بە پۆلیس و دژەتیرۆر و میلیشیاکانی حەشدی شەعبییەوە کەوتنە ئەنجامدانی چەندین تاوانی قێزەونی دژەمرۆڤایەتی لە دژی پێکھاتەکانی ئەو ناوچانە و پارێزەرێکیش دەڵێ، چەندین بەڵگە و دیکۆمێنت ئامادەیە و ڕادەستی دادگا نێوخۆیی و نێودەوڵەتییەکانی دەکەین.

 
د. مەحموود عوسمان: دەبێ بکەرانی ١٦ی ئۆکتۆبەر سزا بدرێن

TUESDAY, 16 OCTOBER 2018 16:10:52

هەولێر-KDP.info- ئەمڕۆ ساڵێک بەسەر خیانەتی ١٦ی ئۆکتۆبەری ساڵی ڕابردوودا تێپەڕی کە بە ھۆی خیانەتی ھەندێ بەرپرسی کوردەوە بەشێکی زۆری خاکی کوردستان لەدەست درا و کارەساتی مرۆییشی بەدوادا ھات، سیاسەتمەدارێکی کوردیش نیگەرانە لەوەی تا ئێستا تۆمەتبارانی ڕووداوەکانی ١٦ی ئۆکتۆبەر سزا نەدراون و ئاشکرای کرد، ڕەوشی کەرکووک ئاڵۆزە و نابێت عەسکەر دەستەڵاتدار بێت.

 
لە ترسی چالاکیی کوردانی کەرکووک، حەشدی شەعبی ناوچە کوردییەکان دەپشکنێت

TUESDAY, 16 OCTOBER 2018 15:10:59

کەرکووک-KDP.info- لە ترسی مانگرتن و چالاکیی کوردانی کەرکووک ھێزەکانی پۆلیس و حەشدی شەعبی کەوتووتەنە پشکنینی ناوچە کوردییەکانی شاری کەرکووک و بەرپرسێکی کوردیش دەڵێ، خەڵکی کەرکووک بڕیاری دابوو لە دژی داگیرکاری مانگرتن ڕابگەیەنێت، بەڵام شارەکە کراوەتە سەربازگە بۆ ڕێگریکردن لە چالاکیی کورد.

 


 
© 2018 Kurdistan Democratic Party, KDP