Kurdî  ■  كوردی  ■  عربي
WED, 17 OCT 2018 05:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی: لەگەڵ ئەوەداین هەڵبژاردن لە وادەی خۆیدا بکرێت.. بڕیارەکەی ئەنجوومەنی ئاسایش خۆشحاڵی کردین
| KDP.info


 

هه‌ولێر-KDP.info- سەرۆکوەزیرانی كوردستان لە کۆنگرەیەکی رۆژنامەوانیدا خۆشحاڵی خۆی لەهەمبەر بڕیاری ئەنجوومەنی ئاسایشی نێودەوڵەتی دەربڕی بۆ لێکۆڵینەوە لە تاوانی دژ بە ئێزدییەکان، ئەوەشی گوت وەکو پارتی جەخت لەوە دەکەنەوە هەڵبژاردن لە کاتی خۆیدا بکرێت.

سەرۆکوەزیرانی کوردستان نێچیرڤان بارزانی لە میانەی کۆنگرەیەکی رۆژنامەوانیدا رایگەیاند: "کەیسی بە جینۆساید ناساندنی ئێزدییەکان بەرەو پێشچووە و خۆشحاڵین بە بڕیاری ئەنجوومەنی ئاسایشی نێودەوڵەتی، کە لێکۆڵینەوە لە دۆسییەی تاوانی دژ بە ئێزدییەکان بکرێت، دەبێت قەرەبووی ئێزدییەکانیش لە بەرامبەر ئەو کارەساتەی بەسەریاندا هات، بکرێنەوە".

هەر لە میانەی پرێسکۆنفرانسەکەشدا سەرۆکوەزیرانی كوردستان، پێوه‌ست بە هەڵبژاردنی داهاتووی پەرلەمانی کوردستان، رایگەیاند، "ئەوان لەگەڵ ئەوەدان هەڵبژاردنەکە لە وادەی خۆیدا بکرێت جەختیشیان لەسەر ئەوە کردوەتەوە، هاوكات رەتیشی کردەوە برێت مەکگۆرک داوای دواخستنی هەڵبژاردنی ئەمجارەی لە حکوومەتی هەرێم کردبێت، گوتیشی: "بەهیچ شێوەیەک مەکگۆرک باسی دواخستنی هەڵبژاردنی پەرلەمانی کوردستانی نەکردووە، هیچ لایەنێکی سیاسی ناوخۆ بە فەرمیی داوایان لە حکوومەت نەکردووە، کە هەڵبژاردن دوا بخەین. وەکو پارتی دیموکراتی کوردستانیش پێداگرین لە کاتی خۆیدا هەڵبژاردن بکرێت".

ئەوەشی ئاشکرا کرد، کە زەوی بۆ کەسوکاری شەهیدانی دژ بە تیرۆریستانی داعش دابین دەکرێت و جێبەجێشی دەکەن، هاوکات ئەوەشی خستە روو، کە بە هۆی شەڕی دژ بە داعش و قەیرانی دارایی زۆربەی پڕۆژەکان وەستێندرابوون، بەڵام لەمەودوا دەست بە تەواوکردنی پڕۆژەکان دەکرێنەوە.

 

خێڵان بەختیار




دوایین هەواڵەکان

کرمانج عوسمان: دەبێ تاوانی ١٦ی ئۆکتۆبەر بەنێودەوڵەتی بکرێت

TUESDAY, 16 OCTOBER 2018 19:10:19

ھەولێر-KDP.info- شارەزایەکی نێودەوڵەتی دەڵێ، حکوومەتی عێراق خۆی تاوانباری ڕووداوەکانی ١٦ی ئۆکتۆبەرە و بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە.

 
سەرچاوەیەک لە کۆمسیۆن: ٣١٤ وێستگەی دەنگدان لە سلێمانی بۆ ئۆفیسی نیشتمانی نەگەڕێندراونەتەوە

TUESDAY, 16 OCTOBER 2018 18:10:48

ھەولێر-KDP.info-  سەرچاوەیەک لە کۆمسیۆنی باڵای سەربەخۆی هەڵبژاردن و ڕاپرسیی هەرێم دەڵێت, تا ئێستا ٣١٤ وێستگەی دەنگدان لە ئۆفیسی ھەڵبژاردنەکانی پارێزگای سلێمانی نەگەڕاوەتەوە ئۆفیسی نیشتمانی لە ھەولێر، بۆ ئەم مەبەستە کۆمسیۆن لێژنەیەکی پێنج کەسیی لە نوێنەری ھەر پێنج لایەنەکە پێک ھێناوە. بەو دەنگانە و سندووقە قردێڵە سوورەکانیشەوە ٤ تا ٥ کوردسی زیاد دەکات.

 
دەیان بەڵگەنامە لەسەر تاوانەکانی ١٦ی ئۆکتۆبەر ڕادەستی دادگا نێوخۆیی و نێودەوڵەتییەکان دەکرێن

TUESDAY, 16 OCTOBER 2018 16:10:29

  هەولێر -KDP.info- بە ھۆی ھێرشی داگیرکاریی ساڵی ڕابردووی عێراق ھێزەکانی عێراق بە پۆلیس و دژەتیرۆر و میلیشیاکانی حەشدی شەعبییەوە کەوتنە ئەنجامدانی چەندین تاوانی قێزەونی دژەمرۆڤایەتی لە دژی پێکھاتەکانی ئەو ناوچانە و پارێزەرێکیش دەڵێ، چەندین بەڵگە و دیکۆمێنت ئامادەیە و ڕادەستی دادگا نێوخۆیی و نێودەوڵەتییەکانی دەکەین.

 
د. مەحموود عوسمان: دەبێ بکەرانی ١٦ی ئۆکتۆبەر سزا بدرێن

TUESDAY, 16 OCTOBER 2018 16:10:52

هەولێر-KDP.info- ئەمڕۆ ساڵێک بەسەر خیانەتی ١٦ی ئۆکتۆبەری ساڵی ڕابردوودا تێپەڕی کە بە ھۆی خیانەتی ھەندێ بەرپرسی کوردەوە بەشێکی زۆری خاکی کوردستان لەدەست درا و کارەساتی مرۆییشی بەدوادا ھات، سیاسەتمەدارێکی کوردیش نیگەرانە لەوەی تا ئێستا تۆمەتبارانی ڕووداوەکانی ١٦ی ئۆکتۆبەر سزا نەدراون و ئاشکرای کرد، ڕەوشی کەرکووک ئاڵۆزە و نابێت عەسکەر دەستەڵاتدار بێت.

 
لە ترسی چالاکیی کوردانی کەرکووک، حەشدی شەعبی ناوچە کوردییەکان دەپشکنێت

TUESDAY, 16 OCTOBER 2018 15:10:59

کەرکووک-KDP.info- لە ترسی مانگرتن و چالاکیی کوردانی کەرکووک ھێزەکانی پۆلیس و حەشدی شەعبی کەوتووتەنە پشکنینی ناوچە کوردییەکانی شاری کەرکووک و بەرپرسێکی کوردیش دەڵێ، خەڵکی کەرکووک بڕیاری دابوو لە دژی داگیرکاری مانگرتن ڕابگەیەنێت، بەڵام شارەکە کراوەتە سەربازگە بۆ ڕێگریکردن لە چالاکیی کورد.

 


 
© 2018 Kurdistan Democratic Party, KDP