Kurdî  ■  كوردی  ■  عربي
TUE, 19 MAR 2019 13:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"بە سەدان كەیسی گەورەی گەندەڵی لە عێراق ھەیە"
| KDP.info


 

هەولێر-KDP.info- دوای ئەوەی خۆپێشاندەرانی عێراق سووربوونی خۆیان لەسەر بەردەوامیدان بە خۆپێشاندانەكان ڕاگەیاند، حەیدەر عەبادی، سەرۆكوەزیرانی عێراق، ھۆشداریی دایە ئەو بەرپرسانەی لە گەندەڵییەوە گلاون و ڕایگەیاند، كەیسەكانیان دراوەتە دەستەی نەزاھە و ناوەكانیان ئاشكرا دەكرێت.

د. تاریق گەردی، ئەندامی خولی پێشووی پەرلەمانی عێراق، بە ماڵپەڕی فەرمیی پارتی دیموكراتی كوردستانی ڕاگەیاند: "حكوومەتی عێراق و سەرۆكوەزیرانەكەی چارەسەریان بۆ كێشەكانی ئێستای عێراق پێ نییە، تەنانەت ئەوان لەسەر كاردانەوە كار دەكەن، چونكە ھەر لە سەرەتای خۆپێشاندانەكانی باشووری عێراقەوە بینیمان تا ڕادەیەك بێدەنگی بە ھەڵوێستی حكوومەتەوە دیار بوو، بەڵام كاتێك مەرجەعییەت ھەڵوێستی خۆی ئاشكرا كرد كە لەگەڵ داوای خۆپێشاندانی ئاشتیانەدان، یەكسەر حكوومەتی عێراقیش ھەڵوێستی خۆی ڕاگەیاند و ئامادەییی خۆی نیشان دا بۆ جێبەجێكردنی ھەندێك لە داواكاریی خۆپێشاندەرانی پارێزگاكانی باشووری عێراق".

 

یەكێك لە داواكاریی خۆپێشاندەرانی باشووری عێراق، لێپرسینەوەیە لە حكوومەت و ئەو كەسانەی سامانی عێراقیان بە گەندەڵی بردووە و خەڵكی بەبێ خزمەتگوزاری ماونەتەوە، گەردی ئەوەشی ڕوون كردەوە: "لە حەفتەی ڕابردوودا عەلی سیستانی لە ڕێگەی نوێنەرەكەیەوە باسی لە ئەنجامدانی چاكسازی و گۆڕینی حكوومەتی ئێستای عێراق كرد، بە شێوەیەك تەنانەت ئاماژەی بۆ ئەوەش كرد كە عەبادی بگۆڕدرێت لە پۆستی سەرۆكوەزیران، ھەر دوای ئەوە حەیدەر عەبادی ھات و باسی ئاشكراكردنی بەرپرسە گەندەڵەكانی عێراقی كرد و ھەڕەشەی لێپرسینەوەی لە گەندەڵكاران كرد".

 

لەبارەی دەستبردن بۆ پرسی گەندەڵی و بەرەنگاربوونەوەی گەندەڵكاران، دكتۆر تاریق گەردی دەڵێت: "لە عێراق بە سەدان كەیسی گەورەی گەندەڵی و سەدان كەیسی بچووك و مامناوەند ھەن، كاتێك ئێمە لە پەرلەمان بووین، چەندین كەیسی گەندەڵی گەییشتبوونە لیژنەی نەزاھە، بەڵام بابەتی دەستبردن بۆ چاكسازی و نەھێشتنی گەندەڵی، ھەندێك قورسە بۆ عەبادی، لەبەر ئەوەی ڕاماڵینی گەندەڵكاران و بنەبڕكردنی گەندەڵی بە ھەندێ كەس ناكرێت کە ڕاڕا بن، بەڵكو بە كەسانێكی بەھێز دەكرێت، بۆیە پێم وایە حكوومەتی ئێستای عێراق ناتوانێت گەندەڵكاران سزا بدات".

 

قائید میرۆ


 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP