Kurdî  ■  كوردی  ■  عربي
WED, 20 MAR 2019 11:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیامی سەرۆك بارزانی بۆ كۆنفڕانسی فیدراسیۆنی نێودەوڵەتیی كۆمەڵە كوردییەكانی وڵاتانی سۆڤییەتی پێشوو
| KDP.info


 
هەولێر-KDP.info- له‌ په‌یامێكدا بۆ كۆنفڕانسی فیدراسیۆنی نێودەوڵەتیی كۆمەڵە كوردییەكانی وڵاتانی سۆڤییەتی پێشوو، سه‌رۆك بارزانی ده‌ڵێت: "دەستخۆشی لە بەستنی كۆنفڕانسی فیدراسیۆنی كۆمەڵە كوردییەكانی وڵاتانی سۆڤییەتی پێشوو دەكەم و پێزانینم هەیە بۆ هەوڵی یەكە بە یەكەی ئێوەی ئازیز بۆ ڕێكخستن و یەكخستنی كاروبار و چالاكییەكانی كۆمەڵە كوردییەكان لەو وڵاتانە و هیوای سەركەوتنتان بۆ دەخوازم".
 
ده‌قی په‌یامی سه‌رۆك بارزانی.. 
 
بەناوی خودای بەخشندە و میهرەبان
 
بەڕێزان سەرۆك و ئەندامانی كۆنفڕانسی فیدراسیۆنی نێودەوڵەتیی كۆمەڵە كوردییەكانی وڵاتانی سۆڤییەتی پێشوو
 
میوانان و ئامادەبووانی بەڕێز
 
ئەم كاتەتان باش..
 
دەستخۆشی لە بەستنی كۆنفڕانسی فیدراسیۆنی كۆمەڵە كوردییەكانی وڵاتانی سۆڤییەتی پێشوو دەكەم و پێزانینم هەیە بۆ هەوڵی یەكە بە یەكەی ئێوەی ئازیز بۆ ڕێكخستن و یەكخستنی كاروبار و چالاكییەكانی كۆمەڵە كوردییەكان لەو وڵاتانە و هیوای سەركەوتنتان بۆ دەخوازم.
 
بە داخێكی زۆرەوە گەلی كورد بە زۆر و بە بێ ئیرادەی خۆی دابەش كراوە و ئەو دابەشبوونە وای كردووە گەلی كورد تووشی كارەسات و زوڵمی گەورە بێت و كورد بۆ بەرگری لە مانەوەی خۆی  بەرخودانی كردووە و شۆڕشە یەك لەدوای یەكەكانی كورد بەڵگەی ئەو ڕاستییەن. جینۆساید و ئەنفال و كیمیاباران و ئاوارەكردن، پەلاماری تیرۆریستان و ئەو كارەساتەی بەسەر خوشك و برا ئێزیدییەكانمان هات و دەیان كارەساتی تر و ڕووداوەكانی دوای ڕیفراندۆمی هەرێمی كوردستان هەر هەمووی بۆ تواندنەوە و لەناوبردنی گەلی كورد بووە. بەڵام پشت بە خودای گەورە و خۆڕاگریی گەلەكەمان و قارەمانێتیی پێشمەرگە گەلی كورد زیندووە و ئیرادەی تێكنەشكاوە و لە خەباتی خۆی بەردەوامە.
 
گەلی كورد هەمیشە ئاشتی و پێكەوەژیانی ویستووە و هەرگیز نەیویستووە ستەم لە گەلانی تر بكات و دەیەوێت بە ئاشتی و سەربەرزی بژیێت. ئەركی هەموو لایەكمانە بە باشترین شێوە پەیامی ئاشتی بگەیێنین و جیهانیان لە دۆزە ڕەواكەی گەلی كوردستان تێبگەیێنین. لەگەڵ ئەوەیشدا هەوڵی ئەوە بدەین پەیوەندیی كولتووری و سیاسی و دۆستایەتی بە باشترین شێوە لەگەڵ گەلانی جیهان دروست بكەین.
 
زۆر خۆشحاڵم كە ئێوەی بەڕێز لە هەوڵی ئەوە دان لە ڕێگەی یەكگرتن و خۆ ڕێكخستن لەسەر شێوازی سەردەمیانە ببن بە پردێكی پتەو بۆ پەپوەندیی كورد و ئەو وڵاتانەی كە لەنێو جیۆگرافیای سۆڤییەتی پێشوودان.
 
لێرەدا بە دەرفەتی دەزانم كە جەخت لە پەیوەندیی مێژوویی نێوان هەرێمی كوردستان و ڕووسیا و وڵاتانی تری سۆڤییەتی پێشوو بكەومەوە كە ئەو مێژووە لەسەر دەستی جەنابی بارزانیی نەمر بناخەی بۆ دانرا و گەییشتە لووتكە. هەروەها پێزانینیشم هەیە بۆ سیاسەتی حكوومەتی ڕووسیا و وڵاتانی تری ئەو ناوچەیە لەبەرانبەر دۆزی كورد و ڕێگەپێدانیان بۆ چالاكی سیاسی و كولتووری و ئەو سیاسەتە بەرز دەنرخێنم.
 
بە پێویستیشی دەزانم سوپاسی بێ پایانی خۆم ئاراستەی ئێوەی خۆشەویست بكەم بۆ هەستی نەتەوایەتی و نیشتیمانپەروەریتان و دەستخۆشیتان لێ دەكەم بۆ هەوڵەكانتان بۆ پاراستنی ڕەسەنایەتی و زمان و كولتووری كورد لەنێو خۆتان. هەروەها هەڵوێستی ئێوەی خۆشەویست بۆ پاڵپشتیتان لە خوشك و براكانتان لە هەرێمی كوردستان لە كاتی ڕیفراندۆم لە یاد ناكەین و جێگەی شانازی و خۆشحاڵیمانە. ڕیفراندۆم دەربڕینی ڕای ڕەوای گەلێكی مەزلووم بوو بە ئاشتیانەترین شێواز، ڕاستە ڕووداوەكانی دوای ڕیفراندۆم و ناپاكیی هەندێ كەس زیانی گەورەی لە گەلی كوردستان دا بەڵام دڵنیاتان دەكەم ئێستا گەلی كوردستان بە ئیرادەیەكی بەرزتر و بە هۆشیارییەكی زیاتر ماوەتەوە و ڕووی لە داهاتوویەكی گەش و پێشكەوتنە.
 
لە كۆتاییدا ئەوە دووپات دەكەمەوە كە ئێوە خوشك و برا و ئازیز و جێگەی ئومێدی ئێمەن، و پشتیوانی لە كار و چالاكییە فەرهەنگی و سیاسییەكانتان دەكەین و هیوادارم كۆنفرانسەكەتان بە بڕیار و ڕاسپاردەی باش كۆتایی بێت و دەروازەیەكیش بێت بۆ یەكخستنی وتاری ئێوە و كوردەكانی ئەوروپا و هەموو جالیەی كورد لە وڵاتانی جیهان.
 
بمێنن بە خێر و خۆشی
 
مسعود بارزانی
 



دوایین هەواڵەکان

مەسروور بارزانی پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا پێگەیشت

TUESDAY, 19 MARCH 2019 21:03:13

هەولێر-KDP.info-  ئێوارەی ئەمڕۆ سێشەممە ١٩/٣/٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا بۆ کاروباری رۆژهەڵاتی ناوەڕاست و باکوری ئەفریقیا پێگەیشت.

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUESDAY, 19 MARCH 2019 20:03:07

هەولێر-KDP.info- ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

''ئاکرێ ب بەرفرەهترین شێوە دێ پێشوازیێ ل نەورۆزێ کەت'

TUESDAY, 19 MARCH 2019 18:03:24

ئاکرێ-KDP.info- بەرپرسێ کەلا کەڤن ل ئاکڕی ددەتە دیارکرن، ئاکرێ ناڤ و دەنگیا خۆ هەیە ب هەلکرنا ئاگرێ نەورۆزێ ئەڤ ساڵە ژی دێ ب بەرفرەهترین شێوە پێشوازیێ ل جەژنا نەورۆزی کەن.

 
لە خورماتوو ئاگری نەورۆز دەكرێتەوە

TUESDAY, 19 MARCH 2019 18:03:19

خورماتوو-KDP.info- بەرپرسی لیژنەی ناوچەی خورماتووی پارتی دەڵێ، ئەنجومەنی قەزای خورماتوو بڕیاریان داوە بە شێوەیەكی ڕەسمی ئاگری نەورۆز بكەنەوە و لە بناری چیای هەنجیرە ئاهەنگێك ڕێك خراوە و ئاگری نەورۆزی لێ دەكرێتەوە.

 
كوردێك لە پۆڵەندا خه‌ڵاتی باشترین توێژینه‌وه‌ی ساڵی پێ درا

TUESDAY, 19 MARCH 2019 18:03:07

پۆڵەندا-KDP.info-  د. حه‌سه‌ن عه‌لی سوڵتان، قوتابیی دكتۆرا بوو له‌ زانكۆی پۆلیته‌كنیكی پۆزنان-پۆڵه‌ندا. به‌هێزیی نامه‌ی دكتۆراكه‌ی سه‌رنجی چه‌ند دامه‌زراوه‌یه‌كی گه‌وره‌ی پۆڵه‌ندای به‌لای خۆیدا ڕا‌كێشا و وه‌ك یەکێک لە ٥ باشترین توێژینه‌وه‌ی ساڵ هه‌ڵبژێردرا.

 


 
© 2018 Kurdistan Democratic Party, KDP