Kurdî  ■  كوردی  ■  عربي
WED, 20 MAR 2019 11:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزارەتی پێشمەرگە: لەمەودوا پێشمەرگە بریندارەكان پێویستیان بە دەرەوە نابێت و لێره‌ چارەسەر دەكرێن
| KDP.info


 

ھەولێر-KDP.info- بەڕێوەبەری كاروباری تەندروستی لە وەزارەتی پێشمەرگە گوتی، ٧٠%ی نەخۆشخانەی پێشمەرگە تەواو بووە و بڕیارە لە كۆتایی مانگی نۆی ئەمساڵدا رادەستی وەزارەتی پێشمەرگە بكرێت، كە دواتر بە ڕووی پێشمەرگەدا دەكرێتەوە و چارەسەری پێویست بۆ پێشمەرگە دەكرێت و ئیدی پێویست بەوە نابێت پێشمەرگە بۆ چارەسەر رەوانەی دەرەوە بكرێت.

نەخۆشخانەی پیێشمەرگە لەسەر ڕووبەری ھەزار مەتر دووجا دروست دەكرێت و ١٠ مانگە دەست بە دروستكردنی كراوە و ئەڵمانیا تێچووی دروستكردنی پڕۆژەكەی لە ئەستۆ گرتووە، كە ئەو نەخۆشخانەیە بە بڕی چوار ملیۆن و ٨٠٠ هەزار دۆلار دروست دەكرێت.

بەڕێوەبەری كاروباری تەندروستی لە وەزارەتی پێشمەرگەی حكوومەتی ھەرێمی كوردستان، لیوا موحسین زەنگەنە، بە ماڵپەڕی فەرمیی پارتی دیموكراتی كوردستانی ڕاگەیاند: "دروستكردنی نەخۆشخانەی پێشمەرگە بەردەوامە و تاوەكو ئێستا ٧٠%ی نەخۆشخانەكە تەواو كراوە و بڕیارە تاوەكو ٣٠/٩ی ئەمساڵ ئەو٣٠%ـیەی ماوە ئەویش تەواو بكرێت و نەخۆشخانەكە رادەستی ئێمە بكەن، كە دواتر بە ڕووی ھێزەكانی پێشمەرگەدا دەكرێتەوە، چونكە ئێمە پەلەمانە و ئەوانیش مكوڕن لەسەر ئەوەی لە كاتی خۆیدا نەخۆشخانەكە تەواو بكەن".

لیوا موحسین گوتیشی، بە تەواوبوونی ئەو نەخۆشخانەیە، ئیدی پێشمەرگەكان لەو نەخۆشخانەیە چارەسەری پێویستیان بۆ دەكرێت و چیتر پێویستیان بە دەرەوەی وڵات نابێت، ئەگەر ھەشبێت زۆر كەم دەبێت.

زەنگەنە ئەوەیشی خستە ڕوو: "ژمارەیەكی یەكجار زۆر پێشمەرگەی بریندار تاوەكو ئێستا چارەسەری پێویستیان بۆ كراوە، ئینجا لە دەرەوە یاخود لە ناوخۆی ھەرێمی كوردستان و، لە ئێستایشدا تەنیا ٩٥ فایلی پێشمەرگە بریندارەكانمان لایە كە پێویستیان بە چارەسەر ھەیە، بۆیە لە ھەوڵداین ئەو پێشمەرگانە دكتۆریان بۆ بێنین و لەناوخۆی ھەرێمی كوردستان چارەسەریان بۆ بكەین، ھەر وڵاتێكیش خۆبەش لە دەرەوە چارەسەریان بكات، ئێمە ئامادەین ھاوكارییان بكەین".

دەشڵێ: "وەزارەتی پێشمەرگە ئەوەی لە دەستی بێت بۆ پێشمەرگە بریندارەكان دەیكات و، ھەمیشە چارەسەركردنی پێشمەرگە بە ئەرك و ئەولەوییەتی خۆی دەزانێت".

 

بڵند ئیبراھیم




دوایین هەواڵەکان

مەسروور بارزانی پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا پێگەیشت

TUESDAY, 19 MARCH 2019 21:03:13

هەولێر-KDP.info-  ئێوارەی ئەمڕۆ سێشەممە ١٩/٣/٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا بۆ کاروباری رۆژهەڵاتی ناوەڕاست و باکوری ئەفریقیا پێگەیشت.

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUESDAY, 19 MARCH 2019 20:03:07

هەولێر-KDP.info- ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

''ئاکرێ ب بەرفرەهترین شێوە دێ پێشوازیێ ل نەورۆزێ کەت'

TUESDAY, 19 MARCH 2019 18:03:24

ئاکرێ-KDP.info- بەرپرسێ کەلا کەڤن ل ئاکڕی ددەتە دیارکرن، ئاکرێ ناڤ و دەنگیا خۆ هەیە ب هەلکرنا ئاگرێ نەورۆزێ ئەڤ ساڵە ژی دێ ب بەرفرەهترین شێوە پێشوازیێ ل جەژنا نەورۆزی کەن.

 
لە خورماتوو ئاگری نەورۆز دەكرێتەوە

TUESDAY, 19 MARCH 2019 18:03:19

خورماتوو-KDP.info- بەرپرسی لیژنەی ناوچەی خورماتووی پارتی دەڵێ، ئەنجومەنی قەزای خورماتوو بڕیاریان داوە بە شێوەیەكی ڕەسمی ئاگری نەورۆز بكەنەوە و لە بناری چیای هەنجیرە ئاهەنگێك ڕێك خراوە و ئاگری نەورۆزی لێ دەكرێتەوە.

 
كوردێك لە پۆڵەندا خه‌ڵاتی باشترین توێژینه‌وه‌ی ساڵی پێ درا

TUESDAY, 19 MARCH 2019 18:03:07

پۆڵەندا-KDP.info-  د. حه‌سه‌ن عه‌لی سوڵتان، قوتابیی دكتۆرا بوو له‌ زانكۆی پۆلیته‌كنیكی پۆزنان-پۆڵه‌ندا. به‌هێزیی نامه‌ی دكتۆراكه‌ی سه‌رنجی چه‌ند دامه‌زراوه‌یه‌كی گه‌وره‌ی پۆڵه‌ندای به‌لای خۆیدا ڕا‌كێشا و وه‌ك یەکێک لە ٥ باشترین توێژینه‌وه‌ی ساڵ هه‌ڵبژێردرا.

 


 
© 2018 Kurdistan Democratic Party, KDP