Kurdî  ■  كوردی  ■  عربي
WED, 20 MAR 2019 11:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خەسرۆ گۆران: لیسی پارتی ھەمەڕەنگ دەبێت.. 25ی مانگ رادەستی كۆمسیۆنی دەكەین
| KDP.info


 

هەولێر-KDP.info- پارتی دیموكراتی كوردستان چەند رۆژێكە سەرقاڵی ئامادەكردنی لیستی كاندیدەكانیەتی و لەسەر ئاستی جۆراوجۆر ھەوڵەكان چڕ كراونەتەوە بۆ دانانی كاندیدانی لیستی پارتی، بەرپرسی دەزگای ھەڵبژاردنی پارتییش دەڵێ، "لیستێكی رێكوپێك ئامادە دەكرێت و ٢٥ی مانگ رادەستی كۆمسیۆنی دەكەین".

خەسرۆ گۆران، بەرپرسی دەزگای ھەڵبژاردنی پارتی، بە ماڵپەڕی فەرمیی پارتی دیموكراتی كوردستانی راگەیاند، "لە شەممەی رابردووەوە تا ئەمڕۆ لەسەر ئاستی مەكتەبی سیاسی كار بۆ ئامادەكردنی لیستی كاندیدانی پارتیمان دەكرێت، لەبەر ئەوەش مەكتەبی سیاسی لەگەڵ ئەنجوومەنی سەركردایەتیی پارێزگاكان و ھەموو لقەكانی حزب بابەتی دانانی كاندیدانی پارتی بۆ ھەڵبژاردنی پەرلەمانی كوردستانیان تاوتوو كردووە، چەندین كۆبونەوەی تایبەت بەو پرسەوە ئەنجام دراون و بڕیارە لیستێك كە لە 100 كاندید پێك ھاتووە، ئامادە بكەین، دانانی ژمارەی كاندید بۆ ھەر پارێزگایەكیش لەسەر بنەمای دەنگی پارتی دەبێت لەو پارێزگایەدا".

بەرپرسی دەزگای ھەڵبژاردنی پارتی ئاماژەی بۆ ئەوەش كرد، "لیستی پارتی، لیستێكی ھەمەڕەنگ دەبێت، واتا ٣٠%ی بۆ ئافرەت دەبێت و لە ھەموو ناوچەكانی ھەرێمی كوردستان كاندیدمان دەبێت، راستە ھاووڵاتیانی  كەركووك و ناوچە كوردستانییە داگیركراوەكان بەشداری لە ھەڵبژاردنی ٣٠ی ئەیلوولی پەرلەمانی كوردستاندا ناكەن، لەگەڵ ئەوەش خەڵكێكی زۆرمان ھەیە كە خەڵكی كەركووكن و دەمێكە لە ھەرێمی كوردستان نیشتەجێن، ئەوانیش بێبەش نەكراون، ھەتا كاندیدی كوردی ئێزدی و فەیلیمان ھەیە بۆ پەرلەمانی كوردستان".

كۆمسیۆنی باڵای راپرسی و ھەڵبژاردنەكانی ھەرێمی كوردستان، رۆژی ٢٥ی مانگی وەك كۆتا ڕۆژ بۆ ناردنی ناوی كاندیدانی كیانەكان دیاری كردووە و، پەیوەست بە رادەستكردنی ناوی كاندیدانی پارتی، خەسرۆ گۆران دەڵێت، "كۆمسیۆن ٢٥ی ئەم مانگەی دیاری كردووە بۆ رادەستكردنی ناوی كاندیدەكان، ئێمەیش ھەوڵ دەدەین لە ٢٥ی مانگدا ناوی لیستی كاندیدمان ئاڕاستەی كۆمسیۆنی باڵای راپرسی و ھەڵبژاردنەكانی كوردستان بكەین، ئێمە لە پلانماندا نییە بەر لە ٢٥ی مانگ ناوی كاندیدەكانمان رادەستی كۆمسیۆن بكەین".

 

قائید میرۆ

 

 




دوایین هەواڵەکان

مەسروور بارزانی پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا پێگەیشت

TUESDAY, 19 MARCH 2019 21:03:13

هەولێر-KDP.info-  ئێوارەی ئەمڕۆ سێشەممە ١٩/٣/٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا بۆ کاروباری رۆژهەڵاتی ناوەڕاست و باکوری ئەفریقیا پێگەیشت.

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUESDAY, 19 MARCH 2019 20:03:07

هەولێر-KDP.info- ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

''ئاکرێ ب بەرفرەهترین شێوە دێ پێشوازیێ ل نەورۆزێ کەت'

TUESDAY, 19 MARCH 2019 18:03:24

ئاکرێ-KDP.info- بەرپرسێ کەلا کەڤن ل ئاکڕی ددەتە دیارکرن، ئاکرێ ناڤ و دەنگیا خۆ هەیە ب هەلکرنا ئاگرێ نەورۆزێ ئەڤ ساڵە ژی دێ ب بەرفرەهترین شێوە پێشوازیێ ل جەژنا نەورۆزی کەن.

 
لە خورماتوو ئاگری نەورۆز دەكرێتەوە

TUESDAY, 19 MARCH 2019 18:03:19

خورماتوو-KDP.info- بەرپرسی لیژنەی ناوچەی خورماتووی پارتی دەڵێ، ئەنجومەنی قەزای خورماتوو بڕیاریان داوە بە شێوەیەكی ڕەسمی ئاگری نەورۆز بكەنەوە و لە بناری چیای هەنجیرە ئاهەنگێك ڕێك خراوە و ئاگری نەورۆزی لێ دەكرێتەوە.

 
كوردێك لە پۆڵەندا خه‌ڵاتی باشترین توێژینه‌وه‌ی ساڵی پێ درا

TUESDAY, 19 MARCH 2019 18:03:07

پۆڵەندا-KDP.info-  د. حه‌سه‌ن عه‌لی سوڵتان، قوتابیی دكتۆرا بوو له‌ زانكۆی پۆلیته‌كنیكی پۆزنان-پۆڵه‌ندا. به‌هێزیی نامه‌ی دكتۆراكه‌ی سه‌رنجی چه‌ند دامه‌زراوه‌یه‌كی گه‌وره‌ی پۆڵه‌ندای به‌لای خۆیدا ڕا‌كێشا و وه‌ك یەکێک لە ٥ باشترین توێژینه‌وه‌ی ساڵ هه‌ڵبژێردرا.

 


 
© 2018 Kurdistan Democratic Party, KDP