Kurdî  ■  كوردی  ■  عربي
WED, 20 MAR 2019 11:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"ژێرخانی ئەلکترۆنیی ئەمەریکا لەژێر هەڕەشەی ڕووسیادایە"
| KDP.info



هەولێر-KDP.info- گەورەترین کێشە کە بۆ هەڵبژاردنی مانگی ١١ی ئەمساڵ  بەرۆکی بە ترامپ گرتووە، پرسی دەستوەردانی ڕووسیایە لە ژێرخانی ئەلکترۆنیی دیجیتاڵیی ئەمەریکا، بۆیە ترامپ بەرەو کوێ دەچێ ئەو پرسە بە دوایی دێت.

ئەمەریکا وەک وڵاتێکی پێشکەوتووی بواری حکوومەتی ئەلکترۆنی ئێستا ژێرخانی ئەلکترۆنیی دیجیتاڵییەکەی لە ژێر هەڕەشەی ڕووسیادایە، ئەم باسە لە سەروبەندی هەڵبژاردنی ڕابردووی سەرۆکایەتیی ئەمەریکادا بەڕوونی دیار کەوت کە دەگوترێ ڕووسیا دزەی کردووەتە نێو ئەو سیستەمە و ئەو داتایانەی لەوکاتەدا بڵاو دەکرانەوە، ڕووسەکان لە ڕێگەی هاکی ئیمێل و داتاکانەوە گشتیان بەدەست خستبوون.

لە سەروبەندی هەڵبژاردنی ئەمەریکادا چەندان ئیمێلی تایبەتی هیلاری کلینتۆن بڵاو کرانەوە کە پێوەندییان بە دیپلۆماسییەتی ئەمەریکاوە هەبوو لەگەڵ وڵاتانی دەرەوە و ئەم کارەش بە گوێرەی ناوەندەکانی لێکۆڵینەوەی ئەمەریکا لە لایەن هاککەرە ڕووسەکانەوە کراوە، لەگەڵ ئەوەی کە هێرشی ئەلکترۆنیی ڕووسەکان گەیشتووەتە بەردەمی کۆنگرێس و دامەزراوەکانی دیکەی ئەمەریکا و وەزارەتی دەرەوە.

ئێستا ئەو باسە لە نێو ئەمەریکادا جارێکی دیکە گەرمە، لە کۆبوونەوەی لووتکەی ترامپ و پووتیندا باسی ئەو پرسە کرا و پووتین ڕایگەیاند کە ئەو، وەک سەرۆک پێوەندیی بەو پرسەوە نییە و ئینکاری لەو کارە کرد.

بەڵام هەواڵگریی نیشتمانیی ئەمەریکا دەڵێ، ١٢ کەسی ڕووس پێوەندییان هەیە بە هاککردنی زانیارییەکانی ئەمەریکاوە و دەستی ڕووس لەو بابەتەدا زۆر ئاشکرایە.

کۆشکی سپی دەڵێ، ئێمە لەو باوەڕداین کە تا ئێستا ئامانجی ڕووسیا بریتییە لەوەی هێرشی ئەلکترۆنی بۆ سەر ئەمەریکا بکات و ئەوانیش پێوەنداربوونە بەو هێرشە ئەلکترۆنییەی کە لە وادەی هەڵبژاردنی ڕابردووی سەرۆکایەتیی ئەمەریکادا ڕووی داوە.

سەرۆکی ئەمەریکاش، دۆناڵد ترامپ دەڵێ، ئێستایش هەڕەشەی هێرشی ئەلکترۆنی بۆ سەر ئەمەریکا لە لایەن ڕووسیاوە هەیە.

بەڕێوەبەری  هەواڵگریی نیشتمانیی ئەمەریکاش، دان کۆتس، ئاشکرای کرد کە ژێرخانی دیجیتاڵیی ئەمەریکا لە ژێر هێرشی دوژمنێکی دەرەکیدایە.

دۆناڵد ترامپ چەندین جار گوتوویەتی کە ئەو هیچ پێوەندیی بە هێرشی ئەلکترۆنی ڕووسەکانەوە نییە و پاڵپشتیی ئەو نەکراوە، بەڵام بە ئاشکرا دەڵێ، کە ڕووسەکان لە ساڵی ٢٠١٦ دەستیان خستووەتە نێو هەڵبژاردنی سەرۆکایەتیی ئەمەریکاوە.

بەڵام ئێستا ترامپ لەو بڕیارە پاشگەز بووەتەوە و دەڵێ، ڕەنگە لیژنەی هەواڵگریی نیشتمانیی ئەمەریکا نەیانتوانیبێ ئاشکرای بکەن کە کەسانێکی دیکە جگە لە ڕووسیا دەستیان هەبووبێ لە دەستوەردان لە هەڵبژاردنی سەرۆکایەتیی ئەمەریکا.

ترامپ ئێستا چارەنووسی پارتەکەی کە کۆمارییەکانە بەرەو هەڵبژاردنێکی گەورە دەچێ، ئەویش هەڵبژاردنی سێنات و هاوسە لە مانگی ١١ی ئەمساڵدا کە لە بەرنجامی ئەو هەڵبژاردنەدا کۆنگرێسی ئەمەریکا دیاری دەکرێ، لە هاوسدا ٤٣٥ ئەندام هەن و لە سێناتیشدا ١٠٠ ئەندام.

بە ئەنجامدانی ئەو هەوڵبژاردنە ئیدی چارەنووسی ترامپ دیاری دەبێ کە ئایا لە ٢٠٢٠ دەبێتەوە سەرۆک، یانیش نا، چونکە ئەگەر کۆمارییەکان ئەو هەڵبژاردنە ببنەوە و سێنات بەدەست بێنن ئەوا نیشانەی ئەوە دەبێ کە ئیدی ترامپ لە ٢٠٢٠ دەکەوێتە ژێر کێبڕکێی توندی هەڵبژاردن و هەروەها لە ئێستایشەوە تا ٢٠٢٠ ناتوانێ کۆنترۆڵی تێپەڕاندنی پرۆژەیاساکانی بۆ کۆنگرێس هەبێ بەبێ ئەوەی کە دیموکراتەکان ئەگەر لەسەری ڕەزامەند نەبن، واتە شەتداونی حکوومەتەکەی دەکرێ بۆ هەر پڕۆژەیاسایەک ئەگەر دیموکراتەکان بیانەوێ دەستی بۆ درێژ بکەن، بۆیە هەڵبژاردنی مانگی ١١ی ئەمساڵ بۆ ترامپ و کۆمارییەکان زۆر چارەنووسسازە و پرسێکیش کە ترامپ دەیەوێ لە ئەمەریکا یەکلای بکاتەوە، پرسی ئەو هێرشە ئەلکترۆنییەیە کە تا ئێستا لە ئەمەریکا وەک نیشانەی پرسیار لەسەر ترامپ هەیە، کە ئایا لە سەردەمی هەڵبژاردنی سەرۆکایەتیی ئەمەریکادا کەمپینەکەی ئەو دەستی لەو کارەدا هەبووە، یان نا.

شاو

 




دوایین هەواڵەکان

مەسروور بارزانی پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا پێگەیشت

TUESDAY, 19 MARCH 2019 21:03:13

هەولێر-KDP.info-  ئێوارەی ئەمڕۆ سێشەممە ١٩/٣/٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا بۆ کاروباری رۆژهەڵاتی ناوەڕاست و باکوری ئەفریقیا پێگەیشت.

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUESDAY, 19 MARCH 2019 20:03:07

هەولێر-KDP.info- ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

''ئاکرێ ب بەرفرەهترین شێوە دێ پێشوازیێ ل نەورۆزێ کەت'

TUESDAY, 19 MARCH 2019 18:03:24

ئاکرێ-KDP.info- بەرپرسێ کەلا کەڤن ل ئاکڕی ددەتە دیارکرن، ئاکرێ ناڤ و دەنگیا خۆ هەیە ب هەلکرنا ئاگرێ نەورۆزێ ئەڤ ساڵە ژی دێ ب بەرفرەهترین شێوە پێشوازیێ ل جەژنا نەورۆزی کەن.

 
لە خورماتوو ئاگری نەورۆز دەكرێتەوە

TUESDAY, 19 MARCH 2019 18:03:19

خورماتوو-KDP.info- بەرپرسی لیژنەی ناوچەی خورماتووی پارتی دەڵێ، ئەنجومەنی قەزای خورماتوو بڕیاریان داوە بە شێوەیەكی ڕەسمی ئاگری نەورۆز بكەنەوە و لە بناری چیای هەنجیرە ئاهەنگێك ڕێك خراوە و ئاگری نەورۆزی لێ دەكرێتەوە.

 
كوردێك لە پۆڵەندا خه‌ڵاتی باشترین توێژینه‌وه‌ی ساڵی پێ درا

TUESDAY, 19 MARCH 2019 18:03:07

پۆڵەندا-KDP.info-  د. حه‌سه‌ن عه‌لی سوڵتان، قوتابیی دكتۆرا بوو له‌ زانكۆی پۆلیته‌كنیكی پۆزنان-پۆڵه‌ندا. به‌هێزیی نامه‌ی دكتۆراكه‌ی سه‌رنجی چه‌ند دامه‌زراوه‌یه‌كی گه‌وره‌ی پۆڵه‌ندای به‌لای خۆیدا ڕا‌كێشا و وه‌ك یەکێک لە ٥ باشترین توێژینه‌وه‌ی ساڵ هه‌ڵبژێردرا.

 


 
© 2018 Kurdistan Democratic Party, KDP