Kurdî  ■  كوردی  ■  عربي
WED, 20 MAR 2019 11:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە پارێزگای دھۆک ھەڵمەتی داماڵینی چەکی بێمۆڵەت دەست پێ دەکات
| KDP.info


 

دهۆك-KDP.info- پۆلیسی دھۆک لەبارەی جێبەجێکردنی بڕیاری داماڵینی چەکی بێمۆڵەت خۆی ئامادە دەکات. گوتەبێژی بەڕێوەبەرایەتیی گشتیی پۆلیسی دھۆک دەڵێ، ھەرسێ بڕیاری لیژنەی ئەمنیی پارێزگای دھۆک وەک خۆیان جێبەجێ دەکەن.

 

ڕائید ھێمن سلێمان، گوتەبێژی پۆلیسی پارێزگای دھۆک بە ماڵپەڕی فەرمیی پارتی دیموکراتی کوردستانی ڕاگەیاند: "دوابەدوای دەرچوونی بەیاننامەی لیژنەی باڵای ئەمنیی پارێزگای دھۆک، دوێنێ لە بەڕێوەبەرایەتیی گشتیی پۆلیسی پارێزگای دھۆک، لیوا تارق، بەڕێوەبەری گشتیی پۆلیسی دھۆک لەگەڵ ھەموو بەشەکان کۆ بووەتەوە و پێداگریی لەسەر جێبەجێکردنی ھەرسێ بڕیارەکەی لیژنەی ئەمنیی پارێزگای دھۆک کردووە، کە ئیدی نابێ بە ھیچ شێوەیەک دیاردەی چەکھەڵگرتنی بێمۆڵەت لە پارێزگای دھۆک بمینێت و ڕێوشوێنی ئەمنی و یاسایی دەگرنە بەر."

 

کۆتاییی مانگی ڕابردوو لیژنەی ئەمنیی پارێزگای دھۆک بۆ زیاتر پاراستنی سەروماڵی ھاووڵاتییان و نەھێشتنی حاڵەتی کوشتن سێ بڕیاری دەرکرد و تێیدا مۆڵەتی پازدە ڕۆژی بە ھاووڵاتییانی دھۆک دا کە چەکی بێمۆڵەت ڕادەستی ھێزە ئەمنییەکان بکەن، بەپێچەوانەوە لێپرسینەوەیان لێ دەکرێت."

 

دوای زیادبوونی حاڵەتەکانی کوشتن و خۆکوشتن، ئەنجومەنی ئاسایشی ھەرێمی کوردستان ھۆشداریی دا لە ھەبوونی چەکی بێمۆڵەت و ئۆتۆمبێلی بێ ساڵیانە و دەستی بە داماڵینی چەک کرد. ڕائید ھێمن سلێمان ئاماژەی بۆ ئەوە کرد: "پێشتریش ھەڵگرتنی چەکی بێمۆڵەت قەدەغە بووە و جگە لە ھێزەکانی پێشمەرگە و ئاسایش نابێ چەک لای ھاووڵاتییانی سڤیل بێت."

 

لە وەڵامی پرسیارێکی ماڵپەڕی فەرمیی پارتی دیموکراتی کوردستاندا سەبارەت بەوەی کەی ھەڵمەتی داماڵینی چەکی بێمۆڵەت لە دھۆک دەست پێ دەکات، گوتەبێژی پۆلیسی دھۆک ھیچ وادەیەکی دەستنیشان نەکرد.

 

قائید میرۆ


 




دوایین هەواڵەکان

مەسروور بارزانی پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا پێگەیشت

TUESDAY, 19 MARCH 2019 21:03:13

هەولێر-KDP.info-  ئێوارەی ئەمڕۆ سێشەممە ١٩/٣/٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پەیوەندییەکی تەلەفۆنی لە ئەلێستەر بێرت وەزیری دەوڵەتی حکوومەتی بەریتانیا بۆ کاروباری رۆژهەڵاتی ناوەڕاست و باکوری ئەفریقیا پێگەیشت.

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUESDAY, 19 MARCH 2019 20:03:07

هەولێر-KDP.info- ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

''ئاکرێ ب بەرفرەهترین شێوە دێ پێشوازیێ ل نەورۆزێ کەت'

TUESDAY, 19 MARCH 2019 18:03:24

ئاکرێ-KDP.info- بەرپرسێ کەلا کەڤن ل ئاکڕی ددەتە دیارکرن، ئاکرێ ناڤ و دەنگیا خۆ هەیە ب هەلکرنا ئاگرێ نەورۆزێ ئەڤ ساڵە ژی دێ ب بەرفرەهترین شێوە پێشوازیێ ل جەژنا نەورۆزی کەن.

 
لە خورماتوو ئاگری نەورۆز دەكرێتەوە

TUESDAY, 19 MARCH 2019 18:03:19

خورماتوو-KDP.info- بەرپرسی لیژنەی ناوچەی خورماتووی پارتی دەڵێ، ئەنجومەنی قەزای خورماتوو بڕیاریان داوە بە شێوەیەكی ڕەسمی ئاگری نەورۆز بكەنەوە و لە بناری چیای هەنجیرە ئاهەنگێك ڕێك خراوە و ئاگری نەورۆزی لێ دەكرێتەوە.

 
كوردێك لە پۆڵەندا خه‌ڵاتی باشترین توێژینه‌وه‌ی ساڵی پێ درا

TUESDAY, 19 MARCH 2019 18:03:07

پۆڵەندا-KDP.info-  د. حه‌سه‌ن عه‌لی سوڵتان، قوتابیی دكتۆرا بوو له‌ زانكۆی پۆلیته‌كنیكی پۆزنان-پۆڵه‌ندا. به‌هێزیی نامه‌ی دكتۆراكه‌ی سه‌رنجی چه‌ند دامه‌زراوه‌یه‌كی گه‌وره‌ی پۆڵه‌ندای به‌لای خۆیدا ڕا‌كێشا و وه‌ك یەکێک لە ٥ باشترین توێژینه‌وه‌ی ساڵ هه‌ڵبژێردرا.

 


 
© 2018 Kurdistan Democratic Party, KDP