Kurdî  ■  كوردی  ■  عربي
SAT, 16 FEB 2019 05:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عەمید سەرحەد: ھەڵوەشاندنەوەی بەڕێوەبەرایەتیی پۆلیسی قەزا و ناحیەكانی كەركووك، سیاسییە
| KDP.info


 

كەركووك-KDP.info-  بەڕێوەبەری پۆلیسی قەزا و ناحیەكانی كەركووك گوتی، بە بڕیاری حكوومەتی عێراق، بەڕێوەبەرایەتیی پۆلیسی قەزا و ناحیەكانی كەركووك ھەڵوەشاوەتەوە، ئەمەش بڕیارێكی سیاسییە و دەزانن ئەو بەڕێوەبەرایەتییە لە دەست كورددا بووە، بۆیە ھەڵیانوەشاندووەتەوە.

لەسەر داواكاریی پارێزگاری كەركووك بە وەكالەت و بە بڕیارێكی سەربازی، وەزارەتی ناوخۆی حكوومەتی عێراق بڕیاری دا بە ھەڵوەشاندنەوەی بەڕێوەبەرایەتیی پۆلیسی قەزا و ناحیەكانی كەركووك و، ئەفسەر و پۆلیسەكانیشی رەوانەی بەڕێوەبەرایەتیی پۆلیسی كەركووك كراونەتەوە.

لەو بارەیەوە، عەمید سەرحەد قادر، بەڕێوەبەری پۆلیسی قەزا و ناحیەكانی كەركووك، بە ماڵپەڕی فەرمیی پارتی دیموكراتی كوردستانی ڕاگەیاند: "وەزارەتی ناوخۆی حكوومەتی عێراق بڕیاری ھەڵوەشاندنەوەی بەڕێوەبەرایەتیی پۆلیسی قەزا و ناحیەكانی كەركووكی دەركردووە، ئەمەش بڕیارێكی سیاسییە و ئەوەی پێیان بكرێت دژی كەركووك دەیكەن و، ئەگەر بتوانن ئەنجوومەنی پارێزگایش ھەڵدەوەشێننەوە".
قادر گوتیشی، ئەو بڕیارانە ھەمووی لە بەغدا دەدرێن و سیاسین و خەڵكێكی دیكەیشی لە پشتەوەیە. بە بێ ئەوەی ئاماژە بەو خەڵكانە بكات.

بەڕێوەبەری پۆلیسی قەزا و ناحیەكانی كەركووك باسی لەوەش كرد، ھۆكاری ھەڵوەشاندنەوەی ئەو بەڕێوەبەرایەتییە، بۆ ئەوە دەگەڕێتەوە كە بە دەست كوردەوە بووە، بۆیە نایانەوێت كورد ھیچ رۆڵێكی لە كەركووك بمێنێت، ئەگەر نا ئەو بەڕێوەبەرایەتییە رۆڵێكی بەرچاوی ھەبووە لە ڕووبەڕووبوونەوەی تیرۆر لە ناوچەكەدا.

لە دوای ڕووداوەكانی ١٦ی ئۆكتۆبەر، بەڕێوەبەری پۆلیسی قەزا و ناحیەكانی كەركووك لەوێ نەماوە و ھێزە عێراقییەكان و حەشدی شەعبییش دەستیان بەسەر ناوچەكەدا گرتووە، هەروەها پارێزگاری كەركووكیش بە وەكالەت بە ئارەزووی خۆی بڕیار دژی كورد دەردەكات و ھەر پۆستێكیش بە دەست كوردەوە بێت، لێیان وەردەگرێتەوە.

بڵند ئیبراھیم




دوایین هەواڵەکان

ترەمپ: لە 24 کاتژمێری داهاتوودا راگەیێندراوێک لەبارەی سووریا بڵاودەکەمەوە

FRIDAY, 15 FEBRUARY 2019 22:02:35
ئەمریکا-KDP.info-  سەرۆکی ئەمریکا رایگەیاند، فەرمانی راگەیاندنی باری نائاسایی واژۆ دەکات و لە 24 کاتژمێری داهاتووشدا راگەیێندراوێک لەبارەی جەنگی داعش لە سووریا بڵاودەکاتەوە.
 
مه‌سروور بارزانی له‌گه‌ڵ سه‌رۆكی پارته‌كه‌ی ئه‌نگێلا مێركلی راوێژكاری ئه‌ڵمانیا كۆده‌بێته‌وه‌

FRIDAY, 15 FEBRUARY 2019 21:02:12
میونشن-KDP.info- مه‌سروور بارزانی، راوێژكاریی ئه‌نجوومه‌نی ئاسایشی هه‌رێمی كوردستان، له‌گه‌ڵ ئانیگریت كرامپ كارینباوه‌ر، سه‌رۆكی پارتی CDU، كه‌ پارته‌كه‌ی ئه‌نگێلا مێركلی راوێژكاری ئه‌ڵمانیایه‌، كۆبووه‌وه‌.
 
ناوه‌ڕۆكی كۆبوونه‌وه‌ی مه‌سروور بارزانی و فالح فه‌یاز

FRIDAY, 15 FEBRUARY 2019 20:02:07
میونشن-KDP.info- مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان، له‌ په‌راوێزی كۆنگره‌ی ئاسایشی میونشن له‌ ئه‌ڵمانیا، له‌گه‌ڵ فالح فه‌یاز، راوێژكاری ده‌زگای ئاسایشی نیشتمانی عێراق كۆبووه‌وه‌.
 
هه‌ورامی: هه‌واڵی ماڵپه‌ڕی په‌یسه‌رپریس ڕه‌تده‌كه‌ینه‌وه‌.. ڕێز له‌ بڕیاری یه‌كێتی ده‌گرین

FRIDAY, 15 FEBRUARY 2019 20:02:54
هه‌ولێر-KDP.info- هێمن هه‌ورامی به‌ربژێر پارتی بۆ جێگری سه‌رۆكی په‌رله‌مانی كوردستان ده‌ڵێ، سه‌رله‌به‌ری ئه‌و هه‌واڵه‌ و زانیاریه‌كانی ماڵپه‌ڕی په‌یسه‌رپریس ڕه‌تده‌كه‌ینه‌وه‌ و ڕێز له‌ بڕیاری یه‌كێتی ده‌گرین بۆ هه‌ر كاندیدێك و ئه‌و بابه‌ته‌ی په‌یوه‌ندی به‌ یه‌كێتییه‌وه‌ هه‌یه‌.
 
فازڵ نەبی: به‌غدا ٣١٧ ملیار دیناری بۆ مانگی دوو رەوانەی هه‌رێم کردووە

FRIDAY, 15 FEBRUARY 2019 18:02:04
هه‌ولێر-KDP.info- بریکاری پێشووی وەزارەتی دارایی حکوومەتی عێراق گوتی، دوای کەوتنەبواری جێبەجێکردنی یاسای بودجە لەلایەن حکوومەتی عێراق پشکی ھەرێمیان حیساب کردووە و ھەر وەکو ساڵی ڕابردوو ٣١٧ ملیار دیناریان بۆ مانگی دوو رەوانە کردووە.
 


 
© 2018 Kurdistan Democratic Party, KDP