Kurdî  ■  كوردی  ■  عربي
TUE, 19 MAR 2019 13:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"ھۆڵەندا لە ئایندەش وەک ڕابردوو ھاوکاری حکوومەتی ھەرێم دەبێت"
| KDP.info


هۆڵەندا-KDP.info- سەرۆکی حکوومەتی ھەرێمی کوردستان لە دوای سەردانەکەی بۆ تورکیا، سەردانی ھۆڵەندای کرد و لەگەڵ سەرۆکوەزیرانی ھۆڵەندا کۆ بووەوە و جەختیان لەسەر ھاوکاریی ھۆڵەندا بۆ ھەرێمی کوردستان کردەوە، نوێنەری حکوومەتی ھەرێمی کوردستانیش لە یەکێتیی ئەورووپا سەردانەکەی سەرۆکی حکوومەتی بەگرینگ وەسف کرد.

١٠ی ٧ی ٢٠١٨ سەرۆکی حکوومەتی ھەرێمی کوردستان "نێچیرڤان بارزانی" بە سەرۆکایەتی شاندێک و بە بانگھێشتی فەرمی سەردانی ھۆڵەندای کرد و لە لایەن ‌سەرۆکوەزیرانی ھۆڵەنداوە "مارک ڕۆتە"،‌ لە ئۆفیسی خۆی لە دەنھاخ پێشوازیی لێ کرا. دوای کۆبوونەوەی لەگەڵ "مارک ڕۆتە"‌، سەرۆکوەزیرانی ھۆڵەندا،  نێچیرڤان بارزانی لە لێدوانێکی ڕۆژنامەوانیدا باسی لە ناوەڕۆکی کۆبوونەوەکە و سەردانیان بۆ تورکیا و ھۆکاری دواخستنی سەردانیان بۆ بەلجیکا کرد.

لە کۆبوونەوەکەدا کە ھەر یەکە ‌لە د. فوئاد حسێن، سەرۆکی دیوانی سەرۆکایەتیی ھەرێمی کوردستان، سەفین دزەیی، گوتەبێژی فەرمی و دلاوەر خالید ئاژگەیی، نوێنەری حکوومەتی ھەرێمی کوردستان لە یەکێتیی ئەوروپا ئامادە بوون، ھەردوولا دوایین پێشھات و پەرەسەندنەکانی عێراق، ناوچەکە و ڕۆژھەڵاتی ناوەڕاستییان تاوتوێ کرد.

ھەر پەیوەست بەم سەردانەی سەرۆکی حکوومەتی ھەرێمی کوردستان، نوێنەری حكوومەتی ھەرێمی كوردستان لە یەكێتی ئەورووپا دلاوەر خالید ئاژگەیی، لە لێدوانێکی تایبەتدا بە ماڵپەڕی فەرمیی پارتی دیموکراتی کوردستانی ڕاگەیاند: "خۆی سەردانەکە لە چوارچێوەی پتەوکردنی پەیوەندی لەگەڵ ولاتانی یەکێتیی ئەورووپا بوو ئەوجارەیان سەردانەکە تایبەت بوو بۆ برۆکسل و ھۆڵەندا، بڕیاربوو کە لەگەڵ بەرپرسانی باڵای بەلجیکا و یەکێتیی ئەورووپا و پەرلەمانی ئەورووپا کۆ ببێتەوە، بەڵام میواندارییەکەی بۆ تورکیا بەشێک لە کۆبوونەوەکانی دوا خست، بۆیە ئەم جارە تەنیا سەردانی ھۆڵەندای کرد."

گوتیشی: "لە ھۆڵەندا وەکو سەرۆکی وڵاتان پیشوازی لە سەرۆکوەزیرانی کوردستان کرا، چونکە سەردانەکە فەرمی بوو، ڕێکاری سەردان بۆ ھەر سەرۆکێک کرابێت، بۆ سەرۆکوەزیرانیش کرا، واتە بە گەرمی پێشوازیی لێ کرا، ئەمە پەیامێکی زۆر گرینگە، چونکە لە دوای ڕیفراندۆم گەمارۆیەکی زۆر لەسەر کوردستان ھەبوو، ئەمەش ئەوە دەردەخات کە پێگەی ھەرێمی کوردستان زۆر لەوە گەورەتر و بەھێزترە و سەرکردایەتیی سیاسیی کورد، بەتایبەت جەنابی سەرۆک بارزانی و نێچیرڤان بارزانی لەسەر ئاستی نێودەوڵەتی پێگەی گرنگی خۆیان ھەیە."

ئەو نوێنەرەی حکوومەتی ھەرێمی کوردستان لە یەکێتیی ئەورووپا گوتیشی: "ئەو سەردانانەی کە بۆ فەرەنسا و ئەڵمانیا کردی گرنگیی خۆی ھەبوو. گرنگیی ئەو پەیامە لەچیدا بوو، بەرھەمیشی چی بوو؟ خۆی پەیامێکی گرینگە، چونکە هۆڵەندا ئەندامە لە یەکێتیی ئەوروپا و بەردەوام دەبێ لە پەیوەندییەکانی لەگەڵ کوردستان و پێمان دەڵێن کە کوردستان بە تەنیا نییە و پەرە بە پەیوەندییەکانمان دەدەین."

بڕیارە ھۆڵەندا بە جیددی بێتە پێش بۆ ھاوکاریی ھەرێمی کوردستان بۆ بنیاتنانەوەی کەرتی کشتوکاڵ بۆ ئەوەی ھەرێمی کوردستان پشتی ئەوەندە بە نەوت نەبەستی و زیاتر پشت بە داھاتی ناوخۆ و کشتوکاڵ ببەستێ، ئەوان بڕیارە پلانێک دابڕێژن بۆ ھاوکاری لە ھەموو بوارە جیاجیاکاندا، لە ڕووی سەربازیشەوە ئەوان ھاوکاری وەزارەتی پێشمەرگەن و ھاوکار دەبن، پێش شەڕی "داعش" ھاوکار بوونە، دوای شەڕی داعشیش ھەر ھاوکار دەبن. سەردانەکە کۆتایی پێ دێت و بڕیار وایە لە داھاتوو سەردانی تر بەردەوام بن.


فایزە کۆیی

 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP