Kurdî  ■  كوردی  ■  عربي
SUN, 17 FEB 2019 11:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کوردانی شەبەک داوای کورسیی کۆتا لە پەرلەمان دەکەن
| KDP.info


 

دهۆک-KDP.info- نوێنەری کوردانی شەبەک لە پەرلەمانی عێراق دەڵێت، داوامان لە هەرێمی کوردستان کردووە کورسیی کۆتا دابین بکەن بۆ کوردانی شەبەک لە پەرلەمانی کوردستان.

 

سالم شەبەک، بە ماڵپەڕی فەرمیی پارتی دیموکراتی کوردستانی گوت: "ئێمە وەک پێکهاتەیەکی ڕەسەنی کوردستانی بێبەشین لە پەرلەمانی کوردستان و داوامان کردووە وەک تایبەتمەندییەکی پێکهاتەیی کورسیی کۆتا بۆ کوردانی شەبەک لە پەرلەمانی کوردستان دابین بکرێت."

 

ئەو دەشڵێت: "بۆ ئەم مەبەستەش داوامان لە هەرێمی کوردستان کردووە ئەم داوایەی کوردانی شەبەک قبووڵ بکەن و یادداشتمان بۆ چەندین جێگای پەیوەندیدار ناردووە بۆ ئەوەی ئەو مافە ڕەوایە بە کوردانی شەبەک بدرێت، چونکە شەبەکەکان پێکهاتەیەکی ڕەسەنی کوردستانین و دەبێ لە کوردستان تایبەتمەندییان پارێزراو بێت."

 

کوردانی شەبەک لە دەشتی نەینەوا دەژین و نزیکەی ٥٠٠ هەزار کەسن. لە دوای هاتنی داعش زۆربەیان ئاوارەی هەرێمی کوردستان بوون، زۆریشیان لە لایەن حەشدی شەعبیەوە ئازار دراون و ئێستا لە هەرێمی کوردستانن.

 

شەبەک ئاماژەیشی دا: "کوردانی شەبەک بە هۆی کوردبوونیانەوە باجی زۆریان داوە، هەندێک لایەنی عێراقی بە هەموو شێوەیەک دەیانەوێت کوردانی شەبەک و ناوچەکانیشیان لە کوردستان دوور بکەن، لەبەر ئەمەش دەمانەوێ کوردستان گرنگیی زیاتر بە کوردانی شەبەک بدات و لە پۆستە ئیدارییەکان و کورسیی پەرلەمانیش بێبەش نەبن، بۆ ئەوەی پلانی دوژمنانمان سەرنەگرن و پێویستە تەواوی لایەنە کوردستانییەکان لەسەر ئەم داوایە ڕازی بن."

 

پەرلەمانی کوردستانی ١١ کورسیی کۆتای بۆ پێکهاتە نەتەوەیی و ئایینییەکان دابین کردووە و کوردانی ئێزدی و کاکەییش داوایان کردبوو کورسیی کۆتایان هەبێت، چونکە ڕیژەیان کەمە و ناگەنە پەرلەمان.

 

هەرێمی کوردستان مەڵبەندی پێکهاتە ئایینی و نەتەوەییەکانە و لە جیهانیشدا بەوە ناسراوە کە کوردستان خۆی لە پێکهاتە ئایینی و نەتەوەییەکان دەکاتە خاوەن.

 

کـــاروان بـــاعەدری




دوایین هەواڵەکان

مەسروور بارزانی لەگەڵ ئەندامانی كۆنگرێسی ئەمەریكا كۆ بووەوە

SUNDAY, 17 FEBRUARY 2019 11:02:44

ئەڵمانیا-KDP.info- لە بەردەوامیی دیدار و كۆبوونەوەكانی لەگەڵ وەزیر و كاربەدەستانی وڵاتانی جیهان لە پەراوێزی كۆنگرەی ئاسایشی میونشن، مەسروور بارزانی، راوێژكاری ئەنجوومەنی ئاسایشی هەرێمی كوردستان، لەگەڵ ئیلیسا سلۆتكین و ئەلیسە ستافانیك، ئەندامانی كۆنگرێسی ئەمەریكا كۆ بووەوە.

 
ناوەڕۆكی كۆبوونەوەی مەسروور بارزانی و وەزیری دەوڵەت بۆ كاروباری دەرەوەی ئیمارات

SUNDAY, 17 FEBRUARY 2019 11:02:06

ئەڵمانیا-KDP.info- لە دووەم رۆژی كۆنفڕانسی ئاسایشی میونشندا، مەسروور بارزانی، راوێژكاری ئەنجوومەنی ئاسایشی هەرێمی كوردستان، دوێنێ شەممە 16/02/2019، لەگەڵ ئەنوەر قەرقاش، وەزیری دەوڵەت بۆ كاروباری دەرەوەی ئیمارات كۆ بووەوە.

 
ناوەڕۆكی كۆبوونەوەی مەسروور بارزانی و وەزیری دەوڵەت بۆ كاروباری دەرەوەی ئیمارات

SUNDAY, 17 FEBRUARY 2019 10:02:24

ئەڵمانیا-KDP.info- لە دووەم رۆژی كۆنفڕانسی ئاسایشی میونشندا، مەسروور بارزانی، راوێژكاری ئەنجوومەنی ئاسایشی هەرێمی كوردستان، دوێنێ شەممە 16/02/2019، لەگەڵ ئەنوەر قەرقاش، وەزیری دەوڵەت بۆ كاروباری دەرەوەی ئیمارات كۆ بووەوە.

 
مەسروور بارزانی و وەزیری بەرگریی ئەڵمانیا كۆ بوونەوە

SUNDAY, 17 FEBRUARY 2019 10:02:34

ئەڵمانیا-KDP.info- مەسروور بارزانی، راوێژكاری ئەنجوومەنی ئاسایشی هەرێمی كوردستان، لە دووەم رۆژی كۆنفڕانسی ئاسایشی میونشندا، دوێنێ شەممە 16/02/2019، لەگەڵ خاتوو ئۆرسۆلا ڤۆندێرلاین، وەزیری بەرگریی ئەڵمانیا كۆ بووەوە.

 
مەحموود عوسمان: نزیكبوونەوەی حیزبەكان لە ڕێككەوتن ئومێدبەخشە

SUNDAY, 17 FEBRUARY 2019 10:02:31

سلێمانی-KDP.info- حیزبەكانی براوەی هەڵبژاردنەكانی كوردستان، لە كۆبوونەوە و دانوستاندان بۆ پێكهێنانی كابینەی نۆیەمی حكوومەتی هەرێمی كوردستان، سیاسەتمەداری كورد مەحموود عوسمان دەڵێ، نزیكبوونەوەی حیزبەكان ئومێدبەخشە و، داواش دەكات بە زوویی حكوومەتی نوێ ڕابگەیەندرێت.

 


 
© 2018 Kurdistan Democratic Party, KDP