Kurdî  ■  كوردی  ■  عربي
TUE, 19 MAR 2019 13:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نیزیکبوونا هەولێر و ئەمستردام دێ لوبیەكى ل ئێکەتیا ئورۆپا بۆ هەرێما کوردستانێ دروستکەت
| KDP.info


 

دهۆک-KDP.info- مامۆستایێ زانینگەهێ و چاڤدێرێ سیاسى راگەهاند، حکومەتا هەرێما کوردستانێ هەست کریە دێ حکومەتا هولەندا شێت باشتر پێشتەڤانیێ ل خەلکێ هەرێما کوردستانێ کەت ب تایبەت دبوارێ ئابۆرى و سیاسى و مرۆڤایەتى و لەشکەریدا، دیسان سەردانا سەرۆک وەزیرێ هەرێما کوردستانێ بۆ وەلاتێ هولەندا دێ بیتە پێنگاڤەک کۆ حکومەتا هولەندا راستەخۆ سەرەدەریێ دگەل حکومەتا هەرێمێ بکەت.

 

10-7-2018ێ، سەرۆکێ وەزیررێ هەرێما کوردستانێ (نیچیرڤان بارزانى) لسەر داخوازیا سەرۆک وەزیرێ هولەندا (مارک رووتە) سەرەدانا وەلاتێ هولەندا کر و د روونشتنێن جودادا چەندین بابەتێن گرنگ بەحسکرن، د.هەوار نێروەیى، مامۆستایێ زانینگەهێ و چاڤدێرێ سیاسى بۆ مالپەرێ فەرمیێ پارتى دیموکراتى کوردستان گۆت:" وەلاتێ هولەندا ئێک ژ وەلاتا بوویە لگۆر دیرۆکێ هاریکاریێن مرۆڤایەتى پێشکێشى خەلکێ کوردستانێ کرین و رۆلەکێ باش دشەرێ دژى تیرۆرستێن داعشێدا ل سنۆرێن هەرێما کوردستانێ هەیى و بالیۆزێ هولەندى ل هەرێمێ  ژروویى ئابۆرى ڤە کارەکێ باش ئەنجامدایە، کۆ حکومەتا هەرێما کوردستانێ هەست کریە دێ حکومەتا هولەندا شێت باشتر پێشتەڤانیێ ل خەلکێ هەرێما کوردستانێ کەت ب تایبەت دبوارێ مرۆڤایەتى و لەشکەریدا".

 

د راگەهاندەکێ دا سەرۆک وەزیرێ هەرێما کوردستانێ (نیچیرڤان بارزانى) بەحسکر، ئەڤ سەرەدانە ژروویێ مەعنەوى ڤە رامانەکا مەزنە بۆ خەلک و حکومەتا هەرێما کوردستانێ.

 

چاڤدێرێ سیاسى خویاکر:" سیاسەتا وەلاتێ هولەندا  برێکا هەڤپەیمانیا نیڤدەولەتى و یوئێن و ئێکەتیا ئوروپى یا رژد بوویە هاریکاریێن مرۆڤایەتى و پێشتەڤانیا سیاسى پێشکێشى هەرێما کوردستانێ بکەت و ب تایبەت د شەرێ دژى تیرۆرێدا، بەلێ تا نوکە هولەندا نەشیا بوو وەک پێدڤى و ب شێوەکێ راستەوخۆ هاریکاریان رەوانەیى هەرێمێ بکەت، جونکى تا نوکە هەرێما کوردستانێ پشکەکە ژ حکومەتا عیراقێ، بەلێ سەرەدانا سەرۆک وەزیرێ هەرێمى بۆ هولەندا پێگەهەکێ باش بۆ ئابۆر و سیاسەتا هەرێمێ لسەر ئاستێ نیڤدەولەتى دروست دکەت و ئەڤ نیزیکبوونە دێ بیتە پالپشتیەک ژلایێ هولەندا ڤە ژبۆ ناڤبرنا هەر هەرشەکا لسەر هەرێمێ هەبیت و دبیت لوبیەکا باش لسەر ئاستێ ئێکەتیا ئوروپا بۆ هەرێما کوردستانێ دروست بکەت".

 

مامۆستایێ زانینگەهێ زەلالکر:" هولەندا بەردەوام گرنگى دایە کەرتێ چواندنێ و نوکە هەولددەت ب شێوازەکێ نوو کار بۆ پێشڤەبرنا ڤى کەرتى ل هەرێما کوردستانێ دروست بکەت، ژبەر هندى ئەڤ سەردانە دێ بیتە پێنگاڤەک کۆ حکومەتا هولەندا راستەخۆ سەرەدەریێ دگەل حکومەتا هەرێمێ بکەت و ئەڤ پەیوەندى یە ببنە یێن فەرمى ژبۆ زەنگینکرنا بەرهەمێ گشتوگالێ ل دەڤەرێ، دیسان رێژەکا زۆرا خەلکێ هەرێما کوردستانێ ئاوارایى وەلاتێ هولەندا بووینە و تا نوکە گەلەک ژ وان دبێ ناسنامەنە، ژبەر هندێ ئەڤە چەندە دێ پیتە رێخوشکەرەک بۆ چارەسەرکرنا کێشەیێن هەولاتێن کورد لوى وەلاتى".

 

هەلز عەلى سەلیم


 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP