Kurdî  ■  كوردی  ■  عربي
TUE, 19 MAR 2019 13:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"لایه‌نه‌ عێراقییه‌كان هه‌رێمی كوردستان به‌ كلیلی چاره‌ی كێشه‌كان ده‌زانن"
| KDP.info


 

به‌غدا-KDP.info-  به‌رپرسانی پارتی دیموكراتی كوردستان له‌ به‌غدا جه‌خت له‌وه‌ ده‌كه‌نه‌وه‌ پێویسته‌ ئه‌مجار كورد پێداگری له‌سه‌ر دانانی ئالیه‌تێك بكات بۆ جێبه‌جێكردنی ڕێككه‌وتنه‌كان، چونكه‌ له‌ ماوه‌ی ڕابردوو هیچ ڕێككه‌وتنێك جێبه‌جێ نه‌كراوه‌ و هاتنی سوننه‌ و شیعه‌ش بۆ هه‌رێمی كوردستان له‌به‌ر ئه‌وه‌یه‌ كه‌ هه‌رێمی كوردستان و شه‌خسی سه‌رۆك بارزانی به ‌كلیلی چاره‌سه‌ری كێشه‌كان ده‌زانن.

 

ڕۆژ به‌ ڕۆژ دانوستانه‌كانی نێوان لایه‌نه‌ سیاسییه‌كان گه‌رموگوڕتر ده‌بێت و ‌ئێستا شانده‌ عێراقییه‌كان ده‌ستیان به‌ سه‌ردانی هه‌رێمی كوردستان كردووه‌، بۆ ئه‌وه‌ی بتوانن كوردیش ڕازی بكه‌ن و به‌شداری له‌ كابینه‌ی نوێی حكوومه‌ت بكات و به‌ ڕای چاودێرانیش هیچ حكوومه‌تێك به‌بێ كورد دروست نابێت.

 

به‌رپرسی لقی پێنجی پارتی دیموكراتی كوردستان له‌ به‌غدا، شوان محه‌مه‌د ته‌ها، به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "پێگه‌ی هه‌رێمی كوردستان و پارتی دیموكراتی كوردستان به‌تایبه‌تی گرنگیی زۆری هه‌یه‌، بۆیه‌ ئێستا جموجووڵ هه‌یه‌ و سه‌ردانی لایه‌نه‌كانی عێراق بۆ هه‌رێمی كوردستان له‌وه‌وە سه‌رچاوه‌ی گرتووه‌، ئێمه‌ له ‌سه‌روبه‌ندی كۆتاییهاتنی ژماردنی ده‌نگه‌كانین، بۆیه‌ گفتوگۆكان گه‌رموگوڕتر ده‌بن بۆ ئه‌وه‌ی حكوومه‌تێك دروست بكرێت جێگه‌ی ڕه‌زامه‌ندیی هه‌موو لایه‌ك بێت، ئه‌مه‌ش مانای ئه‌وه‌ نییه‌ كۆسپ و ته‌گه‌ره‌ی له‌ به‌رده‌م نه‌بێت، به‌ڵام هه‌نگاوی خێراتر ده‌نرێت."

 

شوان محه‌مه‌د ته‌ها گوتیشی: "ئێمه‌ سه‌ردانی به‌غدامان كرد و سوننه‌ و شیعه‌ش سه‌ردانی هه‌رێمی كوردستانیان كردووە، ئه‌مه‌ش گرنگه‌ بۆ ئه‌وه‌ی دۆخه‌كه‌ ئاسایی بكرێته‌وه‌، چونكه‌ پێگه‌ی هه‌رێمی كوردستان و پارتیش گرنگیی خۆی هه‌یه‌ و له‌ دانوستانه‌كان قورساییی خۆی ده‌بێت بۆ ئه‌وه‌ی حكوومه‌ت دروست بكرێت."

 

ته‌ها باسی له‌وه‌ش كرد: "ئه‌و خاڵانه‌ی هه‌رێمی كوردستان كردوویانه‌ته‌ بنه‌ما بۆ دانوستانی پێکهێنانی حكوومه‌تی نوێی عێراق ته‌ندروستن، كه‌ ئه‌وانیش شه‌راكه‌ت و هاوسه‌نگی و تەوافق و جێبه‌جێكردنی ده‌ستووره‌ و جگه‌ له‌وه‌ش، به‌ لای ئێمەوە‌ پڕۆژه‌ی ئه‌و لایه‌نه‌ گرنگه‌ كه‌ حكوومه‌ت دروست ده‌كات و چۆن جێبه‌جێی ده‌كات و پێویسته‌ ئالیه‌تێك هه‌بێت بۆ جێبه‌جێكردنی، چونكه‌ پێشتر حكوومه‌ته‌كانی عێراق پڕۆژه‌كانی خۆیان جێبه‌جێ نه‌كردووه‌."

 

ئه‌و به‌رپرسه‌ی پارتی ئه‌وه‌یشی خسته‌ ڕوو: "پێویسته‌ كورد ئه‌مجاره‌ پێداگری بكات له‌سه‌ر دانانی ئالیه‌تێك بۆ جێبه‌جێكردنی ڕێككه‌وتنه‌كان و پڕۆژه‌ی حكوومه‌ت كه‌ هه‌موو لایه‌نه‌كان له‌ سه‌ری ده‌گه‌نه‌ ڕێككه‌وتن."

 

ئیسماعیل سایه‌میر، كارگێری لقی پێنجی پارتی دیموكراتی كوردستان له ‌به‌غدا، به ‌ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "گه‌رموگوڕییه‌ك هه‌یه‌ له ‌لایه‌ن لایه‌نه‌كان بۆ گفتوگۆكردن له‌باره‌ی پێكهێنانی حكوومه‌تی نوێ و ڕه‌نگه‌ دوای سه‌ردانی شاندی هاوبه‌شی فه‌تح و ده‌وڵه‌تی یاسا شاندی نه‌سر و سائیرونیش دێنه‌ هه‌رێمی كوردستان، چونكه‌ لایه‌نه‌ شیعی و سوننه‌كان گه‌یشتوونه‌ته‌ ئه‌و بڕوایه‌ كه‌ كلیلی چارەی كێشه‌كان لای هه‌رێمی كوردستان و تایبەت لای سه‌رۆك بارزانییه‌."

 

ئیسماعیل سایه‌میر باسی له‌وه‌ش كرد: "سه‌ركرده‌كانی ئه‌وان به‌رده‌وام باس له‌وه‌ ده‌كه‌ن، کە به‌بێ هه‌رێمی كوردستان ناتوانن هیچ كێشه‌یه‌ك چاره‌ بكه‌ن، چونكه‌ هه‌رێمی كوردستان هه‌میشه‌ كێشه‌كانی چاره كردووه‌ و بووەته‌ ڕزگاركه‌ری عێراق له‌ كێشه‌كان."

 

بڵند ئیبراهیم


 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP