Kurdî  ■  كوردی  ■  عربي
SAT, 16 FEB 2019 05:19 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هاووڵاتیانی كه‌ركووك: نە ئاو، نە كارەبا و نە خزمەتگوزاریی تەندروستیمان نییە
| KDP.info


 

كەركووك -KDP.info- دوای ڕووداوەكانی 16ـی ئۆكتۆبەری ساڵی ڕابردوو، سەپاندنی ئیدارەیەكی ناشەرعی بەسەر كەركووكدا و دوورخستنەوەی زۆربەی بەرپرسانی ئیداریی شارەكە، ئاستی خزمەتگوزاریی گشتی دابەزیوە و هاووڵاتیانی شاره‌كه‌ش ده‌ڵێن، وەزعمان زۆر خراپە و، نە ئاو، نە كارەبا و نە خزمەتگوزاریی تەندروستیمان نییە.

تەحسین بارام، هاووڵاتیی كوردی دانیشتووی شاری كەركووك، بە ماڵپەڕی فەرمیی پارتی دیموكراتی كودستانی گوت: "لە ئێستادا و پاش ڕووداوەكانی 16ـی ئۆكتۆبەری ساڵی ڕابردوو و نەمانی ئیدارەی كوردی لە شارەكەدا، تەواوی خزمەتگوزارییەكان وەك ئاو و كارەبا و هەڵگرتنەوەی زبڵ و خاشاكی ماڵان زۆر خراپ بووە، ئێستا تەواوی كۆڵان و شەقامەكانی شارەكەمان بڕ بووە لە خۆڵ و خاشاك و بارودۆخمان زۆر خراپە و ڕۆژانە چەندین ئاگر دەكرێنەوە لە كۆڵانەكان بۆ سووتاندنی خاشاكەكان كە بۆنێكی زۆر ناخۆش ئاسمانی كەركووكی تەنیوە".

پیرۆز كەریم، یەكێكی دیكە لە هاووڵاتیانی شاری كەركووك و ئافرەتی ماڵەوە، لای خۆییەوە گوتی: "بە ڕاستی وەزعمان زۆر خراپە، نە ئاو، نە كارەبا و نە خزمەتگوزاریی تەندروستیمان نییە، دوای داگیركردنی كەركووك ئیدی ئەم شارە تەواوی خزمەتگوزارییەكانی زۆر خراپ بوون و بە كەڵكی ژیان نەماوە، تەنانەت ئێستاشارەوانییش نایەت خۆڵ و خاشاكەكان فڕێ بدات و ئێمە خۆمان لە كۆڵانەكان دەیسووتێنین، دواجاریش بۆ تەندروستیی گیشتی زیانی هەیە، بەڵام كەس خۆی بە بەرپرسیار نازانێت".

محەممەد كەمال، سەرۆكی لیستی برایەتی لە ئەنجوومەنی پارێزگای كەركووك، بە ماڵپەڕی فەرمیی پارتی دیموكراتی كوردستانی ڕاگەیاند: "خزمەتگوزارییە گشتییەكان لە شاری كەركووك بە تەواوەتی پەكیان كەوتووە و، بەرپرسانی ئێستای شارەكە گوێ بە خزمەتگوزاریی هاووڵاتیان نادەن".

پێش ڕووداوەكانی 16ـی ئۆكتۆبەری ساڵی ڕابردوو، لەلایەن حكوومەتی هەرێمی كوردستانەوە مانگانە 10 ملیۆن دۆلار دەدرا بە ئیدارەی كەركووك و، ئاستی خزمەتگوزاریی گشتی زۆر بەرز بوو.

كەمال گوتیشی: "پێش كارەساتی 16ـی ئۆكتۆبەر، مانگانە حكوومەتی هەرێمی كوردستان 10 ملیۆن دۆلاری دەدا بە ئیدارەی شاری كەركووك و خزمەتگوزاریی كارەبا و ئاو و پاككردنەوەی شار و خزمەتگوزاری گشتی لە ئاستێكی بەرزدا بوو، بەڵام دوای ڕووداوەكانی 16ـی ئۆكتۆبەر تەواوی خزمەتگوزارییەكان زۆر دابەزیون و كوچە و كۆڵانەكان و شەقامە گشتییەكانی كەركووك پڕ بوون لە خۆڵ و خاشاك، هاووڵاتیانیش خاشاكەكانیان لە كۆڵانەكان دەسووتێنن و بۆنێكی زۆر ناخۆش بڵاو دەبێتەوە و ژینگەی شارەكەیش بە تەواوەتی پیس بووە، هەروەها ئەو كۆمپانیا ئەهلیانەی شارەكەیان پاك دەكردەوە، ئێستا كار ناكەن و تەواوی ئیشەكانیان ڕاگرتووە".

 

هێڤیار هەڵەبجەیی

 




دوایین هەواڵەکان

ترەمپ: لە 24 کاتژمێری داهاتوودا راگەیێندراوێک لەبارەی سووریا بڵاودەکەمەوە

FRIDAY, 15 FEBRUARY 2019 22:02:35
ئەمریکا-KDP.info-  سەرۆکی ئەمریکا رایگەیاند، فەرمانی راگەیاندنی باری نائاسایی واژۆ دەکات و لە 24 کاتژمێری داهاتووشدا راگەیێندراوێک لەبارەی جەنگی داعش لە سووریا بڵاودەکاتەوە.
 
مه‌سروور بارزانی له‌گه‌ڵ سه‌رۆكی پارته‌كه‌ی ئه‌نگێلا مێركلی راوێژكاری ئه‌ڵمانیا كۆده‌بێته‌وه‌

FRIDAY, 15 FEBRUARY 2019 21:02:12
میونشن-KDP.info- مه‌سروور بارزانی، راوێژكاریی ئه‌نجوومه‌نی ئاسایشی هه‌رێمی كوردستان، له‌گه‌ڵ ئانیگریت كرامپ كارینباوه‌ر، سه‌رۆكی پارتی CDU، كه‌ پارته‌كه‌ی ئه‌نگێلا مێركلی راوێژكاری ئه‌ڵمانیایه‌، كۆبووه‌وه‌.
 
ناوه‌ڕۆكی كۆبوونه‌وه‌ی مه‌سروور بارزانی و فالح فه‌یاز

FRIDAY, 15 FEBRUARY 2019 20:02:07
میونشن-KDP.info- مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان، له‌ په‌راوێزی كۆنگره‌ی ئاسایشی میونشن له‌ ئه‌ڵمانیا، له‌گه‌ڵ فالح فه‌یاز، راوێژكاری ده‌زگای ئاسایشی نیشتمانی عێراق كۆبووه‌وه‌.
 
هه‌ورامی: هه‌واڵی ماڵپه‌ڕی په‌یسه‌رپریس ڕه‌تده‌كه‌ینه‌وه‌.. ڕێز له‌ بڕیاری یه‌كێتی ده‌گرین

FRIDAY, 15 FEBRUARY 2019 20:02:54
هه‌ولێر-KDP.info- هێمن هه‌ورامی به‌ربژێر پارتی بۆ جێگری سه‌رۆكی په‌رله‌مانی كوردستان ده‌ڵێ، سه‌رله‌به‌ری ئه‌و هه‌واڵه‌ و زانیاریه‌كانی ماڵپه‌ڕی په‌یسه‌رپریس ڕه‌تده‌كه‌ینه‌وه‌ و ڕێز له‌ بڕیاری یه‌كێتی ده‌گرین بۆ هه‌ر كاندیدێك و ئه‌و بابه‌ته‌ی په‌یوه‌ندی به‌ یه‌كێتییه‌وه‌ هه‌یه‌.
 
فازڵ نەبی: به‌غدا ٣١٧ ملیار دیناری بۆ مانگی دوو رەوانەی هه‌رێم کردووە

FRIDAY, 15 FEBRUARY 2019 18:02:04
هه‌ولێر-KDP.info- بریکاری پێشووی وەزارەتی دارایی حکوومەتی عێراق گوتی، دوای کەوتنەبواری جێبەجێکردنی یاسای بودجە لەلایەن حکوومەتی عێراق پشکی ھەرێمیان حیساب کردووە و ھەر وەکو ساڵی ڕابردوو ٣١٧ ملیار دیناریان بۆ مانگی دوو رەوانە کردووە.
 


 
© 2018 Kurdistan Democratic Party, KDP