Kurdî  ■  كوردی  ■  عربي
TUE, 19 MAR 2019 13:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی: ئه‌م به‌ڵگه‌نامه‌یه‌ ساخته‌یه‌.. داوای یاسایی تۆمار ده‌كه‌ین
| KDP.info


 
هه‌ولێر-KDP.info-  له‌ ڕوونکردنەوەیەکدا لەبارەی ئەو بەڵگەنامە ساختەیەی بە ناوی ڕێککەوتننامەی نێوان پارتی دیموکراتی کوردستان و لیستی فەتح و دەوڵەتی قانوون کە لە تۆڕە کۆمەڵایەتییەکان بڵاو بۆتەوە سکرتێری ڕاگەیاندنی فازڵ میرانی سکرتێری مەکتەبی سیاسیی پارتی دیموکراتی کوردستان ڕایده‌گەیێنێ، كه‌ به‌ڵگه‌نامه‌یه‌كی ساخته‌یه‌ و داوایش ده‌كات داوا بەدواداچوون بکرێت و ئەو کەس و لایەنانە بدۆزنەوە کە لە پشت بڵاوکردنەوەی ئەم بەڵگەنامە ساختەیەوه‌ن.
 
 ئەمەش دەقی ڕوونکردنەوەکەیە:
 
بەڵگەنامەیەکی بەدەست نووسراو بە ناوی هەریەکە لە بەڕێزان فازڵ میرانی سکرتێری مەکتەبی سیاسی پارتی دیموکراتی کوردستان و حەسەن سنێد نوێنەری لیستی دەوڵەتی قانون و محەمەد هاشمی نوێنەری لیستی فەتح بە بەرفراوانی لە تۆڕە کۆمەڵایەتیەکان بڵاوکراوەتەوە، چەندین خاڵ ڕیزکراوە، گوایە لەنێوان هەرسێ لا  ڕێککەوتن کراوە، کە بەڕێز مسعود بارزانی کاندیدی کورد بۆ پۆستی سەرۆک کومارە و بەڕێز نوری مالیکی کاندید بۆ پۆستی سەرۆک وەزیران ڕێکەوتنی لەسەرکراوە کە ڕێککەوتنەکە پشتیوانی لە هەردوو کاندید دەکات، هەروەها چەند خاڵێکی دی نووسراوە، ئێمە ڕایدەگەیەنین کە ئەوەی بڵاوکراوەتەوە، هیچ بنەمایەکی نیە، داوا دەکەین بەدواداچوون بکرێت و ئەو کەس و لایەنانە بدۆزنەوە کە لە پشت بڵاوکردنەوەی ئەم بەڵگەنامە ساختەیەن، هەروەها ئەوەش ڕادەگەیەنین کە لە مافی خۆمان خۆش نابین و داوای یاسایی لەسەر ئەو کەس و لایەنانە تۆماردەکەین کە دەستیان لە دروستکردنی ئەم بەڵگەنامە ساختەیەدا هەیە، دووبارە ڕایدەگەیەنین ئەم بەڵگەنامەیە ساختەیە و ڕەتی دەکەینەوە و هیچ پەیوەندییەکی بە بەڕێز فازڵ میرانی سکرتێری مەکتەبی سیاسی پارتی دیموکراتی کوردستەنەوە نییە.
 
خەلیل بەرواری
سکرتێری ڕاگەیاندنی فازڵ میرانی
 
 



دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP