Kurdî  ■  كوردی  ■  عربي
TUE, 19 MAR 2019 13:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرحەد قادر: هاوسەنگیی هێز گۆڕاوە و داعش هێرش دەكات.. هێزە عێراقییەكان تەنیا بەرگری دەكەن
| KDP.info


كەركووك-KDP.info- بەڕێوەبەری پۆلیسی قەزا و ناحیەكانی كەركووك گوتی، لە دوای 16ی ئۆكتۆبەرەوە هاوسەنگیی هێز لە كەركووك گۆڕاوە و داعش هێرش دەكات و هێزە عێراقییەكانیش تەنیا بەرگری دەكەن، ئێستایش نزیكەی 500 گوند لە داعش پاك نەكراونەتەوە.

لە دوای ڕووداوەكانی 16ی ئۆكتۆبەر، جارێكی دیكە لە سنووری كەركووك داعش سەری هەڵداوەتەوە، كە بەردەوام هێرش دەكەنە سەر هێزە عێراقییەكان و گوندەكان و كردەوەی تیرۆریستی ئەنجام دەدەن، هێزە عێراقییەكانیش توانای بەرگریكردنیان نییە.

بەڕێوەبەری پۆلیسی قەزا و ناحیەكانی كەركووك، عەمید سەرحەد قادر، بە ماڵپەڕی فەرمیی پارتی دیموكراتی كوردستانی ڕاگەیاند: "كاتی خۆی كە ناوچەكانی كەركووك لە داعش پاك كرانەوە، داعش لە سنووری ریاز و رەشاد و زاب هەر مابوو و، هێزە عێراقییەكان ئەو ناوچانەیان بە تەواوی پاك نەكردبووەوە، كە زیاتر لە 500گوند دەبێت لەو سنوورە تا دەگاتە زنجیرە چیاكانی حەمرین و وادی زەرگە و زەیتوون، كە تاوەكو ئێستا داعشیان لێیە و هێزە عێراقییەكانیش بۆ ئەو ناوچانە نەچوون، بۆیە لە دوای 16ی ئۆكتۆبەریش داعش جارێكی دیكە خۆی رێك خستووەتەوە و بوونەتەوە هێزێكی ڕێكخراو و بەردەوام هێرش دەكەنە سەر هێزە عێراقییەكان، هەروەها كردەوەی تیرۆریستی ئەنجام دەدەن و رۆژانە هێرش دەكەنە سەر هێزە عێراقییەكان و شانەی نوستوویشیان لەناو شار هەیە و دەیانەوێت جارێكی دیكە پەلاماری شوێنەكان بدەن لە كەركووك".

سەرحەد قادر گوتیشی: "بۆ داعش ژمارەی زۆر گرنگە نییە، چونكە جاری وا هەیە چوار چەكدار چوونەتە ناو بینایەك لە كەركووك و دۆخەكە هەمووی تێك دەدەن، چونكە ئەوانە چەكداری نەوعی و فیعلین و قەناعەتیان بە داعش هەیە، گرینگ نییە بكوژرێن و گرینگ ئەوەیە پلانەكەی خۆیان جێبەجێ بكەن، بۆیە ژمارەی چەكدارانی داعش دەگاتە هەزاران چەكدار، لەبەر ئەوە مەترسی هەیە جارێكی دیكە لەناو كەركووك دەست بە كردەوەكانی خۆیان بكەنەوە، چونكە شانەی نوستوویان زۆرە، لەبەر ئەوەی عەرەبی زۆر هەیە كە كاتی خۆی گیراون و ئازاد كراون و داعشیش لە ڕووی سەربازییەوە راستە تێك شكاوە، بەڵام لەڕووی سیاسییەوە هەر ماوە، جگە لەوەش لە سنووری حەویجە گوند هەیە 20كەسی لێ كوژراوە كە چەكداری داعش بوونە، بۆیە ئەمانە كەسوكاریان هەمووی قەناعەتیان بە داعش هەبووە، لەبەر ئەوە، بە ئاسانی ئەمە بنبڕ ناكرێت".

قادر ئەوەشی خستە ڕوو: "پێشتر هێزە عێراقییەكان هێرشی سەر داعشیان دەكرد، بەڵام ئێستا هاوسەنگیی هێز گۆڕاوە و داعش هێرش دەكاتە سەر هێزە عێراقییەكان و، ئەوانیش بەردەوام بەرگری لە خۆیان دەكەن و ئەو هێزەی هێرش دەكات، لەوەی بەرگری دەكات، بەهێزترە".

لەبارەی چارەكردنی ئەم دۆخەش، بەڕێوەبەری پۆلیسی قەزا و ناحیەكانی كەركووك باسی لەوە كرد: "هۆكاری تێكچوونی دۆخی ئەمنیی كەركووك و جارێكی دیكە سەرهەڵدانەوەی داعش، بۆ ئەوە دەگەڕێتەوە كە ئەو هێزەی خەڵكی كەركووك دەپارێزێت، هێزی هەموو پێكهاتەكان نییە و هێزی یەك پێكهاتەیە و بەرگری لە هەموو پێكهاتە و نەتەوەكان ناكات، بۆیە پێویستە پێشمەرگە و هێزە ئەمنییەكانی كەركووك بگەڕێنەوە شارەكە".

دەشڵێ: "لە 14 ساڵی رابردوودا، رێگەمان نەداوە شەڕ بێتە ناو كەركووك و لە دەرەوەی كەركووك شەڕمان كردووە، بەڵام ئێستا ئەوانە شەڕ بۆ ناو كەركووك دەهێنن و پێچەوانە بووەتەوە و لە زۆر شوێن هێزە عێراقییەكان بێ شەڕ ناوچەكان چۆڵ دەكەن، بە تایبەت لە سنووری كاكەییەكان خەریكە گوندەكانی خۆیان چۆڵ دەكەن و تا ئێستاش 11كەسیان لێ رفێندراون و مەترسی لەسەر چەندین ناوچەی دیكەیش هەیە، بۆیە مەترسییە و پێویستە سەركردایەتیی كوردیش زیاتر لەمە بێدەنگ نەبێت و هەوڵی ئەوە بدرێت دۆخەكە چارە بكرێت".

بە گوتەی بەرپرسانی كەركووك، ژمارەی چەكدارانی داعش لە سنووری كەركووك رۆژ بە رۆژ لە زیاد بووندایە و، ژمارەكەیش مەزندە دەكرێت بگاتە 2هەزار چەكدار.

بڵند ئیبراهیم




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP