Kurdî  ■  كوردی  ■  عربي
FRI, 20 JUL 2018 15:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بۆ وایان لە كۆمسیۆن كرد!
| KDP.info


ئاریان فەرەج

لە دوای گۆڕینی رژێم، هەلومەرج و فەزایەكی دیموكراتی هاتە ئاراوە، كۆی ئەنجوومەن و دامەزراوەكان لەسەر ئاستی گشتی و لەسەر ئاستی هەرێم و پارێزگاكان، دەبوا بە هەڵبژاردن و ئیرادەی خەڵك دیاری بكرێن و هەموانیش ملكەچی پره‌نسیپی دەستاودەستی دەسەڵات بن لە كات و وادەكانی خۆیدا. ئیدارەدانی ئەم پرۆسانە فەراهەمكردنی پێداویستی و دامەزراندنی ئەو دەزگایانەی دەویست كە بۆ سەرپەرشتیی ئەم چەشنە پرۆسانە پێویستن. یەك لە هەنگاوە گرینگەكان دامەزراندنی كۆمسیۆنێكی نیشتمانیی باڵای سەربەخۆی خاوەن ئیعتیبار بوو كە پرۆسەكانی هەڵبژاردن بەڕێوە ببات. كۆمسیۆنێك متمانەی پێ بكرێ و دەسەڵاتی هەبێ و بێلایەنی و سەربەخۆیی، پره‌نسیپی كاركردنی بێت.
لە دەسپێكی دامەزراندنیەوە، سەرۆكایەتیی ئەو كۆمسیۆنە بە دەستی پارتی دیموكراتی كوردستانەوە بوو، هەڵبەت نوێنەرانی حزبگەل و لایەنی دیكەشی تێدابوون. هەردوو هەڤاڵی پارتی فەرەج حەیدەری و سەربەست مستەفا كە دوابەدوای یەكدی سەرۆكایەتیی دامەزراوەكەیان لە ئەستۆ بوو، بە شاهیدی دۆست و ناحەز توانییان پێشەییانە و سەڕراستانە و بێ لایەنگیری، سەرۆكایەتیی كۆمسیۆنەكە بكەن و گلە و گازندەی هیچ لایەنێك نەهێننە سەرخۆیان. هەر لەو سەردەمەشدا كۆمسیۆن سەرپەرشتیی چەندین پرۆسەی هەڵبژاردنی گشتی كرد كە تا راددەیەكی زۆر شەففاف و سەركەوتووانە و بە رەچاوكردنی پێوەرە نێودەوڵەتییەكان و لە كەشێكی ئارامی رێژەییدا، بەڕێوە چوون. نە گرفت و كێشەی گەورەیان لێكەوتەوە و نە بوونە مایەی ئاشوب و فیتنەی نێو لایەنەكان و نە رێگەش درا تەزویر و ساختەكاری و فرتوفێڵ سیمای پرۆسەكان قێزەون بكەن. هەموو ئەو پرۆسانەی لە سەردەمی سەرۆكایەتیكردنی پارتیدا لە لایەن كۆمسۆنەوە سەرپەرشتی كران، بە قبووڵكردنی ئەنجامەكان كۆتاییان هات و تەنانەت تانە و رەخنە و شكایەتەكانیش هەر لە لایەن كۆمسیۆنەوە یەكلا كرانەوە و دواجاریش هەمووان بە دوا حوكمەكانی كۆمسیۆن رازی بوون.
هەتا كۆمسیۆن لە لایەن پارتییەوە سەرۆكایەتیی دەكرا، هەڵبژاردن بە شێوەیەكی نۆرماڵ بەڕێوە دەچوون. بەڵام پاش ئەوەی بە پیلان و گەلەكۆمەكێ و بەدنیازی، پارتییان لە كۆمسیۆنەكە دوور خستەوە و تەنانەت نەیانهێشت نوێنەریشی تێدا بمێنێ، هەڵبژاردن بوو بەو گاڵتەجاڕییە ئابڕوووبەرەیەی كە بینیمان.
لە سەرینی ئەو گاڵتەجاڕییەشەوە نە كۆمسیۆن متمانەی ماو و نە پرۆسەی هەڵبژاردن و نە دڵنیایی خەڵك لە دەنگەكانیان. بە هۆی ئەو هەڵبژاردنەوە كە باش رێك نەخرا و شەففاف بەڕێوە نەبرا و میكانیزم و ئیجرائاتەكانی دروست و بێ غەل و غەش نەبوون، فەزای سیاسییش پڕ بوو لە تۆمەتبەخشینەوە و دڕدۆنگی و خانەگومانی و كێشە و بێشە. خودی كۆمسیۆنیش دووچاری هەزار و یەك گرفت بوو، كار گەیشتە ئەوەی نوێنەری حزبێكی وەك گۆڕان لە كۆمسیۆنەكەدا بە راشكاوی ئاشكرای بكات كە لە لایەن حزبەكەیەوە هەڕەشەی كوشتی لێ كراوە ئەگەر چەند كورسییەك بۆ حزبەكەی زیاد نەكات. ئەو كۆمسیۆنەی دەبوا هەموو دامەزراوەكانی وڵات و هێزە سیاسییەكان بە قسە و بڕیاری پابەند بن، وای لێهات دەسەڵاتەكانی سڕ بكرێن و حاكمی دیكە لە جیێی ئەوان بە كارەكان و ئەنجامەكانی هەڵبژاردندا بچنەوە.
ئەوانەی پیلانیان لە پارتی گێڕا و لە كۆمسیۆنیان دوور خستەوە، وایان زانی زەمینەی تەزویر و خواردنی دەنگەكانی پارتییان بۆ دەڕەخسێ، بەڵام نەیانزانی خۆیان دەكەونە چاڵەوە و سیحرەكە بە سەر ساحیرەكەدا قڵب دەبێتەوە. راستە بەو بەدكارییە تا ئاستێك توانییان ستەم لە پارتی و دەنگدەرەكانی بكەن، بەڵام زەبرێكی كوشندەیان بە دیموكراتی و هەڵبژاردن گەیاند و خودی كۆمسیۆنەكەشیان بێ ئەرزش كرد و هەڵبژاردنیشیان كرد بە مەهزەلەو گاڵتەجاڕی.




دوایین هەواڵەکان

چەواشەکارییەکان لە بارەی سەدی بێخمەوە هەر بەردەوامن

FRIDAY, 20 JULY 2018 12:07:22

چاودێرێک
هیچ شتێک لەوە ئاسانتر نییە کای کۆن بە با کەیت و حەقیقەتەکان ئاوەژوو بکەیتەوە، بەشكم نانێكی لێ بخۆی. شانۆنووسی گەورەی ئەلمانی دەڵێ: ئەوەی هەقیقەت نازانێ، گێلە و ئەوەیشی دەیزانێ و خۆی لێ گێل دەکات تاوانبارە! جا نازانین هەڵسوڕێنراوانی ئەو چەند میدیا کوردی و عەرەبییەی بە یەک نیەت و میلۆدی باسی هۆکاری دروستنەکردنی بەنداوی بێخمە دەکەن، لە توخمی گێلەکەن یا تاوانباران!

نێردە و ڕاوێژكاری یەكێتیی ئەورووپا ستایشی هێزە ئەمنییەكانی هەولێر دەكەن

THURSDAY, 19 JULY 2018 17:07:38

هەولێر-KDP.info- شاندێكی نێردە و ڕاوێژكاری یەكێتیی ئەورووپا بۆ كاروباری ئەمنی، لە دیدارێكیاندا لەگەڵ بەڕێوەبەری پۆلیسی هەولێر، ستایشی هێزە ئەمنییەكانی هەولێریان كرد لە دابینكردنی ئەمنییەت و سەقامگیری بۆ هاووڵاتیان.

 
"حکوومەتی ھەرێم ئامادەکاری بۆ پڕۆژەبودجەی ساڵی ٢٠١٩ دەکات"

THURSDAY, 19 JULY 2018 15:07:02

هەولێر-KDP.info-  لە لایەن وەزارەتی دارایی و ئابووریی حکوومەتی ھەرێمی کوردستانەوە ھەموو وەزارەتەکان ڕاسپێردراون کە ئامادەکاری بکەن بۆ بودجەی ساڵی دابێ. بەرپرسێکی وەزارەتی پەروەردە ئاشکرای کرد، ئەگەر بودجە بۆ ساڵی دابێت دابین بکرێت، مامۆستاش دادەمەزرێنن.

 
"داعش و حەشد هەریەکەو لە لایەکەوە هەڕەشە لە کوردانی کاکەیی دەکەن"

THURSDAY, 19 JULY 2018 15:07:32

هەولێر-KDP.info-  کوردانی کاکەیی لە نێوان داعش و حەشدی شەعبیدا بوونەتە قوربانی و لە لایەک حەشد دەیەوێت بەزۆر چەکیان بکات و لە لایەکی دیکەوە شەوانە داعش ھەڵدەکۆتێتە سەریان. چالاکێکی کوردی کاکەیی دەڵێ، خەریکە ناوچەکە چۆڵ دەبێت لە کاکەیی و بە ھەموو لایەک ھەر زوڵم لە کاکەیی دەکەن.

 
"ژێرخانی ئەلکترۆنیی ئەمەریکا لەژێر هەڕەشەی ڕووسیادایە"

THURSDAY, 19 JULY 2018 15:07:10

هەولێر-KDP.info- گەورەترین کێشە کە بۆ هەڵبژاردنی مانگی ١١ی ئەمساڵ  بەرۆکی بە ترامپ گرتووە، پرسی دەستوەردانی ڕووسیایە لە ژێرخانی ئەلکترۆنیی دیجیتاڵیی ئەمەریکا، بۆیە ترامپ بەرەو کوێ دەچێ ئەو پرسە بە دوایی دێت.

 


 
© 2018 Kurdistan Democratic Party, KDP